Ɛ́fɛ̂zɛ 4:32 - Kɑɑ Fí

³² ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.

Ɛ́fɛ̂zɛ 4:32 Кръстосани препратки

Mɑtʉ̈ɔ 6:12

likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.

Mɑ́lɛ́kúshi 11:25

Ŋkɑ́ yi ɔ sɛ́ ńcɛꞋlɛ Sɛ́ lɑ́, ḿbɔ́ yi ŋu fɑɑnɛ nu mbɔ̌ wu, ɔ likŋɛ ŋ́ɡɑ́ mbɔ̌ ŋɡɑŋ. Ɛ́ lɛɛ pɔ́Ꞌɔ, lɑ́ Tɑ̌ɑ wʉʉ ẅí ɑ tʉ́nɛ́pú, likŋɛ mʉ́ʉ mɛfɑɑnɛ ŋ́ɡɑ́ mbɔ̌ pʉʉ.

Lúkɑ́shi 1:78

mbíꞋŋɡɔ ɑ sɛ́ ńdíŋɛ wɛkŋɛ sʉ́Ꞌnɛ, ḿbɛn ḿbɔ́ ńtsɑ́ɑ mɛjʉ́ŋ mɛkŋɛ tɛꞋ. A ɡɛ ńtúu ŋu ẅi ɑ ŋ́ɡɛ pɛkŋɛ luk, ŋɡɑŋ fú tʉ́nɛ́pú ńtɔ́ ḿbɔ́ kyɛꞌ,

Lúkɑ́shi 11:4

likŋɛ mɛnu kɛpɔŋ mɛk ŋ́ɡɑ́ mbɔ̌ pɛk, mbíꞋŋɡɔ pɛk sɛ́ ńdikŋɛ yɛk ŋ́ɡɑ́ mbɔ̌ pʉɔ pinɛ pɔ́p fɑɑnɛ́nɛ nu mbɔ̌ pɛk lɑ́. Kɔɔ pɛ́m ŋɡɔ pɛk kúu tsɛt ŋkwɑꞋnɛ.»

Lúkɑ́shi 17:4

Ŋ́kɛ́ ńjúk tɑ́Ꞌ lɛ́Ꞌ ŋ́ɡɛ nu kɛpɔŋ nǔu wɛ́ pɔ mbɑ ŋkɑ́ sɑɑmbɑ́, ḿbɛn ńtɔ́ ŋkɑ́ sɑɑmbɑ́, ḿbɛ́m mɛfɑɑnɛ mɛ́ mbɔ̌ wɛ́, ḿbɔ́ ɑ ńdikŋɛ ŋ́ɡɑ́ mbɔ̌ wɛ́.

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

Lúkɑ́shi 6:37

«Kɔɔ pʉʉ nɑ́ŋ ńtɔ́ lɔ́Ꞌ-pʉɔ ḿbɔ́k Sɛ́ nɛtɔ́ yʉ́ʉ lɔ́Ꞌ! Kɔɔ pʉʉ nɑ́ŋ ŋ́kʉ́ʉnɛ pʉɔ ḿbɔ́k Sɛ́ nɛkʉ́ʉnɛ wʉ́ʉ! Pʉʉ nɑ́ŋ ńdikŋɛ mɛfɑɑnɛ-pʉɔ, sɛ́ likŋɛ mɛfɑɑnɛ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 28:2

Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

1 Kɔlɛ̂ŋtɛ 13:4

Ŋu ẅí ɑ kɔŋnɛ ŋumɛsɔŋ, ɑ ɡẅɛɛ kɔk mbʉʉ, ɑ cẅɛ́lɛ́ pʉɔ, ɑ kɑ́ ɡẅɛɛ kɛ́ɡʉ̈ɔꞋ pɔ́, ɑ kɑ́ nyɛt mbʉʉ yɛ pɔ́, ɑ kɑ́ ŋɑ́Ꞌlɛ pɔ́,

2 Kɔlɛ̂ŋtɛ 2:10

Pʉʉ lɑɑ ńdikŋɛ mɛfɑɑnɛ-ŋu, ŋ́ɡɑ́ mbɔ̌ wɛ́, mbɔ mɔ ńdikŋɛ yɑ́ɑ ŋ́ɡɑ́ mbɔ̌ ŋɡɑŋ, ḿbɔ́ yi n dɑɑ ŋ́ɡẅɛɛ nɛlikŋɛ mɛfɑɑnɛ-ŋu, ńdikŋɛ, mbɔ n tʉ́ʉ mbi Kɛlístɔ ńdikŋɛ pɔ nɛlɔk ńcẅɛ́lɛ wʉ́ʉ,

2 Kɔlɛ̂ŋtɛ 2:7

Lɑ́ ɛ́ sɛ́ ḿbíkŋɛ ŋkɔ̂ɔnɛ pɔ ŋɡɔ pʉʉ likŋɛ ŋ́ɡɑ́ mbɔ̌ wɛ́, ńtɔ́ɔtɛ wɛ́, ḿbɔ́k pɑ́Ꞌ ɛ́ lɑɑ ḿbɔ́ ɑ mʉk sɛ́sʉ́ʉ, ŋ́kɑ́ɑ.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

Ɛ́fɛ̂zɛ 5:1

Pʉʉ pɔ́ɔ-Sɛ́, Sɛ́ kɔŋ wʉ́ʉ tɛꞋ, pɔ́Ꞌɔ lɑ́ pʉʉ pɛ́ɛ fʉꞋ nǔu wɛ́.

Jɑ̂k 5:11

Pʉʉ jʉ́ɔ pɑ́Ꞌ pɛkŋɛ fúŋnɛ pʉɔ pí pɔ́p kɑ sʉknɛ ŋɡɔ pɛpɔ́ttú. Pʉʉ kɑ zúꞋ pɑ́Ꞌ pɛ́ kɑ lɛ́Ꞌlɛ́nɛ ntɛ́ yi Jɔp kɑ lɔknɛ ɛ́sʉk pɔ́Ꞌɔ. Pʉʉ pɛn ńjí yúu mi ɛ́ kɑ tsʉ́Ꞌ nɛmɛkŋɛ Tsɑpʉɔ ɡɛ nǔu wɛ́, mbíꞋŋɡɔ Tsɑpʉɔ ɡẅɛɛ pɔŋtʉ́m tɛꞋ, ńtsɑ́ɑ mɛjʉ́ŋ pɔ pɔ́Ꞌɔ.

2 Pyɛ̂ 1:7

ŋ́ɡʉ nǔu nɛjí pɔ ndɑꞋ Sɛ́, ŋ́kẅiꞋ pɑ́Ꞌ nu-pɔ́ɔpɛ́mɑ́ pʉ́ʉ ɡʉ ḿbɔŋ wʉ́ʉ, ŋ́ɡʉ nǔu pɑ́Ꞌ nu-pɔ́ɔpɛ́mɑ́ pʉ́ʉ sɛ́ ḿbɔŋ wʉ́ʉ, ŋ́kẅiꞋ ŋkɔŋɛ.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

1 Jɑ̂ŋ 2:12

Mbɔ́ŋkʉ̈ɔ́ pɑ́ɑ, mɔ tsɛt yɔ ŋwɑꞋnɛ, ḿbɔ́ ɛ́sẅíi wʉ́ʉ ŋɡɔ Sɛ́ lɛɛ nǔu yúu mi Yɛ́su Kɛlístɔ kɑ ɡɛnɛ, ńdikŋɛ mɛnu kɛpɔŋ mʉ́ʉ ŋ́ɡɑ́ mbɔ̌ pʉʉ.