Ɛ́fɛ̂zɛ 4:21 - Kɑɑ Fí

²¹ Ɛ́ lɑɑ ḿbɔ́ ŋɡɔ pʉʉ kɑ zúꞋ nu yɛ́, tɛ pɛ́ ɛ́sẅíi wʉ́ʉ nu nɛ́nẅín tsʉʉ yi ɛ́ sɛ́ ńdíŋɛ wɛ́,

Ɛ́fɛ̂zɛ 4:21 Кръстосани препратки

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Lúkɑ́shi 10:16

Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 10:27

Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.

Jɑ̂ŋ 14:17

Ncẅɛ́ɛntɑ́ŋ ɛ̂wɑ́ pɔ́ pɔ zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́. Pʉɔ-ndǔmbí kɑ́ kuꞋ nɛkúkŋɛ zẅikŋɛ ɛ̂yɑ́ pɔ́, mbíꞋŋɡɔ pɔ́p kɑ́ pɔ́ ńjʉ́ɔ mɛfɑꞋ mɛ́ pɔ́, ḿbɛn ŋ́kɛ́ ḿbɔɔ pɔ́ ńjí wɛ́ pɔ́. Lɑ́ pʉʉ pɔ́ ńjí wɛ́, mbíꞋŋɡɔ ɑ nɛjɔ́ŋ pʉʉ, ḿbɛn ḿbɔ́ nǔu pʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Pʉɔ-Lɔ́mɑ 10:14

Lɑ́ mbɔ pʉɔ pɔɔ zɑ́p tʉ́m nǔu Tsɑpʉɔ pɔ́, ŋ́ɡɛ ŋɡɔ́ku lɑ ńdɑɑ ɛ́fúŋ wɛ́? Mbɔ pʉɔ pɛn ŋ́ɡɛ ŋɡɔ́ku ńzɑ́p tʉ́m nǔu Tsɑpʉɔ kɛ́ pɔ́ yi pɔ́p zúꞋ pɑ́Ꞌ ŋu sẅíinɛ nu-Tsɑpʉɔ mbɔ̌ pʉɔ? Mbɔ pʉɔ pɛn ńzúꞋ pɑ́Ꞌ pɛ́ sẅíinɛ nu-Tsɑpʉɔ ŋɡɔ́ku, kɛ́ pɔ́ yi ŋu ẅí ɑ ɡʉ ɛ́sẅíi nu-Tsɑpʉɔ ɡú?

2 Kɔlɛ̂ŋtɛ 1:20

Jʉ́ zɛɛnɛ ḿbɔ́ ŋu ẅí ɑ ɡɛnɛ ŋɡɔ kʉ̈ɔ́ lɑ́ yi Sɛ́ kɑ kɑꞋnɛ lɑ́ puutɛ. Pɔ́Ꞌɔ, pɛkŋɛ lɔk lík yɛ́, ńcú ŋɡɔ ɛ́ pɔ́Ꞌɔ, ńdɔk pɔ́Ꞌɔ, ŋ́ɡɑ́ mɛkuꞋ mbɔ̌ Sɛ́.

2 Kɔlɛ̂ŋtɛ 11:10

Mɔ ɛ́fú nǔu nu nɛ́nẅín-Kɛlístɔ yi ɛ́ tsɛt tʉ́m mɔ, ńcú mbɔ̌ pʉʉ ŋɡɔ, n dɑɑ ŋ́ɡʉ pɔ ɡɔ́ tsɛt Akɑ̂y, m bɔɔ mɛꞋ yîyɑ́ luk yi n dɔknɛ ŋ́kɑꞋmɛ pɔ́. M bɔɔ lɑ́Ꞌ yɛcɔ́ lɛ́Ꞌ ńcẅɛ́ɛ yúu mbɔ̌ ŋu wʉʉ pɔ́.

Ɛ́fɛ̂zɛ 1:13

Ɛ́ ɡʉ nǔu pʉʉ yʉ́ʉ, mbɔ pʉʉ kɑ zúꞋ sẅiŋɛ yi ɛ́ yɛ́ nɛ́nẅín, ɛ́ pɔ́ Ŋkʉʉ Sʉ́Ꞌnɛ ẅí Sɛ́ kɑ lɛɛ pɔ nǔu lɑ ŋ́ɡɛ pʉʉ luk. Pʉʉ kɑ zúꞋ pɔ́Ꞌɔ, ńzɑ́p tʉ́m yʉ́ʉ nǔu Kɛlístɔ, Sɛ́ ńcʉ̈ɔꞋ lii yɛ́ nǔu pʉʉ, ńdɔk ńnyɛt ŋɡɔ pʉʉ pʉɔ pɛ́. Yîyɑ́ lii pɔ́ Zẅikŋɛ Lɛ́ɛnɛ́nɛ yi ɑ kɑ kɑꞋnɛ ŋɡɔ ɑ ɡʉ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 2:17

Kɛlístɔ kɑ tɔ́ nɛcẅi Ŋkʉʉ Sʉ́Ꞌnɛ ẅí ɛ́ ɡɑ́nɛ mɔ́fíitɛ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mbɔ pʉʉ ŋ́kɑɑ pɔ́ nɛjɔ́ŋ Sɛ́ pɔ́, ḿbɛn ńcẅi mbɑ mbɔ̌ pɑyúdɑ pi pɔ́p kɑ pɔ́nɛ nɛjɔ́ŋ Sɛ́.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.