Ɛ́fɛ̂zɛ 4:18 - Kɑɑ Fí

¹⁸ Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Ɛ́fɛ̂zɛ 4:18 Кръстосани препратки

Mɑtʉ̈ɔ 13:15

MbíꞋŋɡɔ tʉ́m pʉɔ-lɑ́Ꞌ pɔ́nɛ kɑ sʉk pɔ́p kɑ zʉnɛ mɛtúutɛ́ mɔ́p, ŋ́kẅíipɛ mík mɔ́p, ńdɔk ḿbɔɔ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, nɛlɔk mɛtúutɛ́ mɔ́p ńzúꞋ nu pɔ́, tʉ́m yɔ́p pɔɔ pɑ́klɛ. Pɔ́p pɔɔ kɔŋ nɛkúpmɛ mɑt wɔp pɔ́, ńdɔk ḿbɔɔ ŋ́kɔŋ ŋɡɔ ŋ ɡɛ pɔ́p fíitɛ pɔ́.»

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Jɑ̂ŋ 12:40

«Sɛ́ kɑ ɡɛ mík mɔ́p fʉ. A kɑ jʉ́ɔꞋ jínu yɔ́p, nɛpɔ́ yi pɔ́p kɛ́ lɔk mík ńjʉ́ɔ zʉꞋ pɔ́, pɔ́p pɔɔ lɔk jínu yɔ́p ńjí nu pɔ́; ɛ́ lɛɛ pɔ́Ꞌɔ, pɔ́p pɔɔ kúpmɛ mɑt wɔp ɑ ɡɛ pɔ́p fíitɛ pɔ́».

ŊwɑꞋnɛ-Gɑŋntúu Yɛ́su Kɛlístɔ 17:30

Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

ŊwɑꞋnɛ-Gɑŋntúu Yɛ́su Kɛlístɔ 3:17

Pɔ́ɔpɛ́mɑ́ pɑ́ɑ, n tsuŋ ḿbɔ́ ńjí sʉ́Ꞌnɛ ŋɡɔ yúu pʉʉ pɛ́ pɛfɔɔ pʉ́ʉ kɑ ɡɛnɛ nǔu Yɛ́su kɑ lɔk ḿbɔ́ pɔ ɡʉʉnɛ.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Pʉɔ-Lɔ́mɑ 11:7

Ɛ́ pɔ́Ꞌɔ, ńdɔk ḿbɔ́ ŋɡɔ́ku? Ɛ́ lɔk ḿbɔ́ ŋɡɔ yúu mi pɑíslɑyɛ̂l kɑ pɔ́ ńdɔɔ pɔ́p ŋ́kɑɑ jʉ́ɔ pɛ́tsʉʉ pɔ́. Pɛcɔ́ ntɑ́Ꞌpʉɔ tsɛtsɛt pɔ́p pi Sɛ́ kɑ tsɔ́Ꞌnɛ kɑ jʉ́ɔnɛ. Ɛ́ tsʉ́Ꞌ pfuꞋ, Sɛ́ nɑ́ wɔ́p pɔ́p tɛn ndʉꞋ.

Pʉɔ-Lɔ́mɑ 2:19

Ɔ tsuŋ ḿbɔ́ ńjí nǔu yú tú ŋɡɔ ɔ ŋu ẅí ɑ ɡẅɛɛnɛ pɔ́-fʉmík, ḿbɔ́ ŋ́kyɛꞋ pʉɔ pi pɔ́p tsɛt nzɛ́nzʉ́ʉ,

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 2:8

Sɑ̌ɑ tɑ́Ꞌ nǔu yúu kɛpɔŋ yi ɛ́ sɑ́Ꞌnɛ yɔ mbí ŋkɑɑ jí yîyɑ́ jínu pɔ́. Pɔ́p kɑ pɔ́ pɛ́Ꞌnɛ ńjí yîyɑ́ jínu mbɔ pɔ́p ŋkɑɑ ɡɛ pɛ́ kẅii Ndɛ nǔu tʉ́ mbɑ́ŋtɛ pɑ́ŋtɛ́nɛ pɔ́, Ndɛ ẅí ɑ ɡẅɛɛnɛ nɛɡúꞋ.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Ŋɡɑlɑ̂t 4:8

Pʉʉ kɑ pɔ́ yɛcɔ́ ŋkɑ́ mbɔɔ njí Sɛ́ pɔ́, ḿbɔ́ pɛkwɑɑ yúu pi pɛ́ kwɑŋɛ́nɛ ŋɡɔ ɛ́ mɛsɛ́, lɑ́ ɛ́ pɔɔ Sɛ́ pɔ́.

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

Ɛ́fɛ̂zɛ 2:12

Pʉʉ pɛn ŋ́kẅíitɛ ŋɡɔ ɛ́ kɑ pɔ́ ŋkɑ́ ɛ̂yɑ́, pʉʉ pɔɔ ḿbɔ́ ńjí ŋɡɔ wɛcɔ́ ŋu ɡú ḿbɔ́ Nzɑ́Ꞌŋkʉ, tɛ pɛ́ ɡẅɛɛ nɛzẅíꞋlɛ wɛ́ pɔ́. Pʉʉ pɔ́ tsɛtsɛt pʉɔ-Íslɑyɛ̂l ḿbɔ́ pɔ pɛɡʉʉ, pʉʉ pɔɔ nu nǔu kɑɑ yɔ́p pɛ Sɛ́ ɡẅɛɛ tɛ mbɑ nǔu yúu mi Sɛ́ kɑ kɑꞋnɛ mbɔ̌ pɔ́p. Pʉʉ kɑ pɔ́ yʉ́ʉ ndǔ yɔ mbí, ḿbɔɔ ḿbɔ́ ńzẅíꞋlɛ yɛcɔ́ yúu pɔ́, ḿbɛn kɛ́ mbɔɔ ńjí Sɛ́ pɔ́.

Kɔlɔsíyɛ̂ŋ 1:21

Pʉʉ yʉ́ʉ, pʉʉ kɑ pɔ́ yɛcɔ́ ŋkɑ́ ḿbɔɔ nɛjɔ́ŋ Sɛ́ pɔ́, ḿbɔ́ pɔ ŋɡɑ sɛsɑ, ḿbɔ́ pɛɡɑŋmbuu-Sɛ́, mbíꞋŋɡɔ pʉʉ kɑ pɔ́ ŋ́kwɑŋɛ nu kɛpɔŋ, ŋ́ɡɛ pɔ yɛ́tɛ́.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.

Ɛ́bɛlʉʉ 5:2

Pɑ́Ꞌ jʉ́ NɔŋpɔꞋ pɛn ŋ́kɑ́ɑ yɛ́ kɑ́ɑnɛ nǔu mɛshʉ́ tsʉʉ lɑ́, ḿbɔ́ ɑ zúꞋ yúu mi ɛ́ ɡɛnɛ lɑ pʉɔ pi pɔ́p kɑ́ pɔ́ ńjí yúu mi pɔ́p ɡɛnɛ pɔ́, mbɑ pʉɔ pi pɔ́p fɑɑnɛ sɛ̂ndúŋ, fɑɑnɛ nu mbɔ̌ Sɛ́.

Ɛ́bɛlʉʉ 9:7

Lɑ́ ŋ́ɡʉ nǔu lûm wɛ tsɛtú, nɔŋpɔꞋ wɛ ɡwɛ́ zɛ́nɛ jʉ́ kúunɛ zúꞋu tɑ́Ꞌ ŋkɑ́ nǔu ŋɡuꞋlɑ́Ꞌ, ŋ́kɛ́ ḿbɔɔ ŋ́kúu zúꞋu kɛ́ ɡẅɛɛ mɛci mi ɑ lɔknɛ ńtɔ́ mbi Sɛ́ nɛnyɛt ntɛ́ mɛnu kɛpɔŋ mɛ́ ɡúu, mbɑ mɛ́ pɛcɔ́ pʉɔ pɔ́.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Pyɛ̂ 1:14

Pʉʉ zúꞋ ntsu-Sɛ́, pɑ́Ꞌ mbɔ́ŋkʉ̈ɔ́ pi pɔ́p zúꞋnɛ́nɛ, kɔɔ pʉʉ pɛn ḿbɛ́m mɛkwɑŋɛ kɛpɔŋ mi ɛ́ kɑ pɔ́ ɛ́sɑ́Ꞌ wʉ́ʉ ŋkɑ́ yi pʉʉ kɑ pɛ́tnɛ kɛ́ jí Kɛlístɔ pɛn ɛ́sɑ́Ꞌ wʉ́ʉ.

1 Jɑ̂ŋ 2:11

Lɑ́ ŋu ẅí ɑ pɑɑnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ tsɛt nzɛ́nzʉ́ʉ, ɑ nɛn pɔ tsɛt nzɛ́nzʉ́ʉ, ŋ́kɛ́ ḿbɔɔ ḿbɔ́ ńjí zʉꞋ yi ɑ ɡʉnɛ nɛ́ zúꞋu pɔ́, mbíꞋŋɡɔ nzɛ́nzʉ́ʉ kɑ ɡɛ mɔ́ ɑ fʉ.