Ɛ́fɛ̂zɛ 3:9 - Kɑɑ Fí

⁹ Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Ɛ́fɛ̂zɛ 3:9 Кръстосани препратки

Mɑtʉ̈ɔ 10:27

Nu yí n cúnɛ mbɔ̌ pʉʉ tsɛt nzɛ́nzʉ́ʉ, zʉꞋ lɑɑ ŋ́ɡɛ fúk pʉʉ cú. Nu yí n dɛmtɛ pɔ nɛtúutɛ pʉʉ, pʉʉ ɡɛ ŋ́kɔ́Ꞌ zɑ́n lɑ ɛ́sɑ́Ꞌ yîyɑ́ nu.

Mɑtʉ̈ɔ 13:35

A m̄bɔ́ ŋ́ɡɛ pɔ́Ꞌɔ, nɛpɔ́ yi nu yɔ yí Ŋɡɛ́mndʉ̈ɔ́Ꞌ-Sɛ́ kɑ cúnɛ lɑɑ ɡʉ ḿbuutɛ. A kɑ cú ŋɡɔ: «Mɔ ŋ́ɡɛ ńdɔk mɛsɑknɛkɛt ɛ́sẅíi wɔ́p nɛ́ nu. Ŋ ɡʉ ŋ́ɡɛ ɛ́sẅíi wɔ́p nɛ́ mɛnu mi ɛ́ lʉɔmɛ́nɛ tɛ ɛ́fú ŋkɑ́ yi pɛ́ kɑ niitɛ́nɛ píi mbi.»

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 5:17

Yɛ́su tsɔ́Ꞌ mbɔ̌ pɔ́p ŋɡɔ: «Tɑ̌ɑ mɔ pɛ́t ɛ́fɑꞋ pɔ fɑꞋnɛ tɛ ŋ́kúu ŋkɔ̂ɔnɛ, mbɑ mɔ yɑ́ɑ m bɛn ḿbɔ́ ɛ́fɑꞋ pɔ fɑꞋnɛ.»

Jɑ̂ŋ 5:19

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.

ŊwɑꞋnɛ-Gɑŋntúu Yɛ́su Kɛlístɔ 15:18

Ɛ́ pɔ́ mɛnu mí ɑ kɑ lɑ́Ꞌmɔ́ ŋ́ɡɛ pɛ́ jí.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Ɛ́fɛ̂zɛ 3:2

Ɛ́ ɡʉ ŋ́ɡɛ pɑ́Ꞌlɑ́, mbɔ pʉʉ kɑ zúꞋ ŋɡɔ kwɑꞋ Sɛ́ kɑ ɡɑ́nɛ yɔ fɑꞋ mbɔ̌ mɔ, nɛpɔ́ yi mɔ ŋ́ɡɛ yɔ fɑꞋ pʉʉ lúꞋnɛ. A kɑ pɔ́ ńdɔk ŋ́ɡɑ́ pɔ fuꞋ níinɛ yɑ́ɑ.

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 1:26

Sẅiŋɛ ɛ̂yɑ́ ntsɛm yi ɑ kɑ lɑ́Ꞌnɛ ńdʉɔ mbɔ̌ pʉɔmɛsɔŋ mɛzuŋ mɛzuŋ tɛ fú ŋɡuꞋ. Ɛ́ kɛ́ ḿbɔ́ ŋkɔ̂ɔnɛ, mbɔ ɑ kíɛꞋ yîyɑ́ ntsɛm ńnyɛt mbɔ̌ pʉɔ pi pɔ́p pɛ́.

Kɔlɔsíyɛ̂ŋ 3:3

Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Mɛnu ɛ́ ńdɑ́Ꞌ ńcẅɛt 14:6

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.