Ɛ́fɛ̂zɛ 2:7 - Kɑɑ Fí

⁷ A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 2:7 Кръстосани препратки

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́fɛ̂zɛ 3:21

Gúꞌlɛ pɔ́ mbɔ̌ wɛ́ tsɛt cúꞋlɛ-pʉɔ-Kɛlístɔ, ńdɛɛ nǔu Yɛ́su Kɛlístɔ, nǔu mɛŋɡuꞋ mɛŋɡuꞋ, kɛ́ nɛpɑt! Ɛ́ pɔ́Ꞌɔ.

Ɛ́fɛ̂zɛ 3:5

Sɛ́ ŋkɑɑ kyɛꞌ yɔ ntsɛm yɛ́ mbɔ̌ pʉɔmɛsɔŋ pɛ́ ŋkɑ́mbi pɔ́. Ɛ́ kɛ́ ḿbɔ́ ŋkɔ̂ɔnɛ, mbɔ ɑ ɡɛ Zẅikŋɛ yɛ́ sɑ́ɑnɛ sɑ́ɑnɛ́nɛ ŋ́kyɛ́Ꞌ nu ɛ̂yɑ́ mbɔ̌ pʉɔ pi ɑ kɑ niitɛ́nɛ wɔ́p ńdɔk ŋ́ɡɛ ɡɑŋntúu-Yɛ́su mbɑ pi ɑ kɑ lɔknɛ wɔ́p ŋ́ɡɛ pʉɔ pi pɔ́p ɡʉ ńnɑ́ŋ cẅi Ŋkʉʉ ẅí ɛ́ fúnɛ mbɔ̌ yɛ́.

2 Tɛsɑlɔník 1:12

Ɛ́ lɛɛ pɔ́Ꞌɔ, pʉɔmɛsɔŋ ɡúꞋlɛ lík-Tsɑpʉɔ wɛkŋɛ Yɛ́su, ńdɛɛ nǔu mɑt wʉ́ʉ. Pʉɔmɛ́sɔŋ ɡúꞋlɛ wʉ́ʉ ńdɛɛ nǔu wɛ́ ɡúu. Ɛ́ ɡʉ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ Sɛ́ wɛkŋɛ mbɑ Yɛ́su Kɛlístɔ sɛ́ ńdɔk pɑ́Ꞌ pɔ́p kɔŋnɛ wɛkŋɛ, ŋ́ɡɑ́ fuꞋ fɛ̌ɛ.

Tîtɛ 3:4

Lɑ́ ŋkɑ́ yi Sɛ́ ẅi ɑ ɡɛnɛ pɛkŋɛ luk nyɛtnɛ ŋɡɔ tʉ́m yɛ́ pɔŋ, ɑ pɛn ŋ́kɔŋ pʉɔmɛsɔŋ lɑ́,

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.