Ɛ́fɛ̂zɛ 2:3 - Kɑɑ Fí

³ Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Ɛ́fɛ̂zɛ 2:3 Кръстосани препратки

Mɑ́lɛ́kúshi 4:19

ŋ́ɡɛ ńzɛ nɛmʉk mɛnu ndǔ mbí, ŋkɑ́p zɛ nɛfʉ́klɛ wɔ́p, pɔ́p pɔ́ ńtsɑ́ɑ mɛcɔ́ mɛyúu tɛ ńzɑ́ɑ, yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ zɛ́m ntɑ́ɑ.

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

ŊwɑꞋnɛ-Gɑŋntúu Yɛ́su Kɛlístɔ 14:16

A ḿbɔ́ ŋkɑ́mbi, ńnɑ́ túu nɛ́ túu nǔu mɛzuŋ mɛzuŋ, pɔ́p nɛn nǔu mɛsɛ̂ndúŋ mi pɔ́p kɔŋnɛ.

Pʉɔ-Lɔ́mɑ 1:24

Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ mɛnu shẅɛt shẅɛtnɛ mi tʉ́m yɔ́p kɑ pɔ́ ńtsɑ́ɑ ńdɔk nɛɡɛ pɔ́Ꞌɔ, ɛ́shɔtnɛ ḿbʉ́ʉpɛ mɛmbʉʉ mɔ́p, ńdɔk ɛ́shɔtnɛ ńtɛ́m sʉ́ʉ nǔu pɔ́p.

Pʉɔ-Lɔ́mɑ 11:30

Ɛ́ kɑ pɔ́ yɛcɔ́ ŋkɑ́ pʉʉ pi pʉʉ kɑ́ pɔ́ pɑyúdɑ pɔ́, pʉʉ tʉʉ tú mbɔ̌ Sɛ́, lɑ́ ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ tsɑ́ɑ mɛjʉ́ŋ mʉ́ʉ, mbíꞋŋɡɔ pɑyúdɑ kɑ tʉʉ tú mbɔ̌ wɛ́.

Pʉɔ-Lɔ́mɑ 13:14

Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.

Pʉɔ-Lɔ́mɑ 2:14

Pʉɔ pi pɔ́p kɑ́ pɔ́ pɑyúdɑ pɔ́, ḿbɛn ŋ́kɛ́ ḿbɔɔ nɛpʉ́ʉ-Mɔ̌sɛ̂ɛ jí, ɡɛ pɔ yúu mi nînɑ́ nɛpʉ́ʉ-Mɔ̌sɛ̂ɛ sɛ́ ḿbíkŋɛ, tɛ ŋ́ɡɛ pɔ́ kɛ́ pɔ́ yi pɛ́ zíꞋ wɔ́p. Mbʉʉ yɔ́p lɔk pɔ́Ꞌɔ, ńzíꞋ wɔ́p nɛ́ mɛnu mi ɛ́ nǔu nɛpʉ́ʉ mbɑ pɑ́Ꞌ pɔ́p kɑ́ ɡẅɛɛ nɛpʉ́ʉ-Mɔ̌sɛ̂ɛ pɔ́.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 5:9

Ɛ́ nǔu ŋkɔ̂ɔnɛ, mbɔ mɛci mɛ́ ɡɛ Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́, mbɔ kʉ̈ɔ́ pɛn ŋ́ɡɛ tɛ Kɛlístɔ lɑ́Ꞌ ńnɑ́ kɛ́ ɡɛ pɛkŋɛ luk ŋɡʉ̈ɔ́Ꞌ yi ɛ́ ɡʉ ńdɑ́Ꞌ ɛ́fú nǔu pɑ́Ꞌ Sɛ́ sɛ́ ńzɑ́ŋ lɔ́ŋ?

Pʉɔ-Lɔ́mɑ 6:12

Pɔ́Ꞌɔ lɑ́, ɛ́ kɑ́ pɔ́ ḿbíkŋɛ ŋɡɔ nu kɛpɔŋ pɛn ɛ́sɑ́Ꞌ mbʉʉ yʉʉ yi ɛ́ ɡʉ ŋ́ɡɛ ḿpfú pɔ́, pʉʉ pɑ́ɑ nɛpɛn ńnɑ́ mbʉʉ yʉʉ ɛ́ tsʉ́ʉnɛ wʉ́ʉ ńníꞋ tsɛt kɛɡʉ̈ɔꞋ.

Pʉɔ-Lɔ́mɑ 7:18

Mɔ sɛ́ ńjí ŋɡɔ nu sʉ́Ꞌnɛ ŋkɑɑnɛ wɑ́ɑ jʉ́, n dɑꞋ mɔ ŋumɛsɔŋ ẅi n zɑŋɛ zɑŋɛ́nɛ. N tsɑ́ɑ nɛɡɛ nu sʉ́Ꞌnɛ ŋkɑ́ tsʉʉ lɑ́ ŋ́kɛ́ mbɔɔ kuꞋ nɛɡɛ pɔ́.

Pʉɔ-Lɔ́mɑ 9:22

Ɛ́ ndʉ́ŋndʉŋ pɑ́Ꞌ Sɛ́ ŋ́ɡɛ nǔu pʉɔmɛsɔŋ. A kɑ kɔŋ nɛnyɛt ŋɡɔ lɔ́ŋ wɛ sɛ́ ńzɑ́ŋ nǔu mɛnu mi pʉɔmɛsɔŋ ɡɛnɛ, pɛ́ fú nǔu ńjʉ́ɔ pɑ́Ꞌ ɑ tɛnnɛ pɔ́Ꞌɔ. Lɑ́, mbɔ ɑ kɑ ɡʉ nǔu pʉɔ pi, ɑ kɑ pɔ́ ŋ́ɡʉ ńzɑ́ŋ lɔ́ŋ nǔu pɔ́p, ŋ́kɛ́ ɛ́sʉk sʉknɛ ńzẅíꞋlɛ. Mbɔ ɛ́ kɑ ɡɔ́ ḿbɔ́, ḿbɔ́ pɔ́p kuꞋ pɑ́Ꞌ ɑ ɡʉ ḿbík wɔ́p píknɛ.

1 Kɔlɛ̂ŋtɛ 4:7

Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Kɔlɔsíyɛ̂ŋ 1:21

Pʉʉ yʉ́ʉ, pʉʉ kɑ pɔ́ yɛcɔ́ ŋkɑ́ ḿbɔɔ nɛjɔ́ŋ Sɛ́ pɔ́, ḿbɔ́ pɔ ŋɡɑ sɛsɑ, ḿbɔ́ pɛɡɑŋmbuu-Sɛ́, mbíꞋŋɡɔ pʉʉ kɑ pɔ́ ŋ́kwɑŋɛ nu kɛpɔŋ, ŋ́ɡɛ pɔ yɛ́tɛ́.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

1 Tɛsɑlɔník 5:6

Pɔ́Ꞌɔ lɑ́, kɔɔ pɛkŋɛ lɛ́ pɑ́Ꞌ pɛcɔ́ pʉɔ. Lɑ́ pɛkŋɛ ɡuutɛ mbʉʉ yɛkŋɛ ńtík mɛtúutɛ́.

1 Timɔtɛ́ɛ 6:9

Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.

1 Pyɛ̂ 1:14

Pʉʉ zúꞋ ntsu-Sɛ́, pɑ́Ꞌ mbɔ́ŋkʉ̈ɔ́ pi pɔ́p zúꞋnɛ́nɛ, kɔɔ pʉʉ pɛn ḿbɛ́m mɛkwɑŋɛ kɛpɔŋ mi ɛ́ kɑ pɔ́ ɛ́sɑ́Ꞌ wʉ́ʉ ŋkɑ́ yi pʉʉ kɑ pɛ́tnɛ kɛ́ jí Kɛlístɔ pɛn ɛ́sɑ́Ꞌ wʉ́ʉ.

2 Pyɛ̂ 2:14

Yɔ́p jínu tʉ́ʉ pɔ nǔu pɑŋɡɛ́. Pɔ́p kɑ́ kɑ́ɑ nɛɡɛ nu kɛpɔŋ pɔ́. Pɔ́p lẅɑklɛ pʉɔ pi pɔ́p pɔ́t pɔ́tnɛ. Tʉ́m yɔ́p ŋkɑ́ tsʉʉ ńtʉ́ʉ pɔ nǔu pii yi mbɔ pɔ́p jʉ́. Ndɔɔ tú pɔ́p.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

1 Jɑ̂ŋ 2:16

mbíꞋŋɡɔ mbɑ kʉ̈ɔ́ lɑ́ yi ɛ́ ndǔmbí, pɑ́Ꞌ yúu mi mbʉʉ-ŋu tsʉ́ʉnɛ́nɛ wɛ́ ɑ tsɑ́ɑ, pɑ́Ꞌ yúu mi ŋu zɑ́pnɛ lík yɛ́ nǔu ńtsɑ́ɑ nɛɡẅɛɛ, mbɑ yúu mi pʉɔmɛsɔŋ lɔknɛ ŋ́ŋɑ́Ꞌtɛ, mîmɑ́ mɛyúu kɑ́ pɔ́ ɛ́fú mbɔ̌ Tɑ́t wɛkŋɛ pɔ́, ɛ́ ɛ́fú pɔ ndǔmbí.

1 Jɑ̂ŋ 2:8

Tɛ mbɑ pɔ́Ꞌɔ, nɛpʉ́ʉ ni ŋ ŋwɑꞋnɛ́nɛ ŋ́ɡɑ́ mbɔ̌ pʉʉ lɑɑ, ɛ́ pɑ́Ꞌɑ, ŋ́kɛ́ ḿbɔ́ nɛ fí, ɛ́ nɛ fí ńdɛɛ nǔu yúu mi pɛ́ sɛ́ ńjʉ́ɔ nǔu Kɛlístɔ mbɑ nǔu pʉʉ ɡúu. Pʉʉ zɛɛ ńjʉ́ɔ pɑ́Ꞌ nzɛ́nzʉ́ʉ sɛ́ ḿmɛ, lɑ́ mbɔ kwɑꞋ kyɛꞌ zɛ mɔ́ nɛkyɛ́Ꞌ zʉꞋ.