Ɛ́fɛ̂zɛ 2:18 - Kɑɑ Fí

¹⁸ Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 2:18 Кръстосани препратки

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Jɑ̂ŋ 10:7

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, ntsuŋkɑ́Ꞌ-mɛnjinjɔ pɔ́ pɔ mɔ.

Jɑ̂ŋ 10:9

Ntsuŋkɑ́Ꞌ pɔ́ pɔ mɔ, ŋu lɑɑ ńdɛɛ nǔu mɔ ŋ́kúu ŋkɑ́Ꞌ, mbɔ ŋɡɑŋ ɡʉ ŋ́ɡɛ ńduk. A ɡʉ ḿbɔ́ ŋ́kúu ŋkɑ́Ꞌ, ńcẅɛt pɑ́Ꞌ ɑ kɔŋnɛ, ḿbɔ́ ńjʉ́ɔ yúu kwɛ́tnɛ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Pʉɔ-Lɔ́mɑ 5:2

Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

1 Kɔlɛ̂ŋtɛ 12:13

MbíꞋŋɡɔ Sɛ́ kɑ lɔk tɑ́Ꞌ Zẅikŋɛ wɛ́mɔ́Ꞌ ńtɛmtɛ wɛkŋɛ pɛtsʉʉ nɛpɔ́ yi pɛkŋɛ ɡʉ ńdɔk pɔ́Ꞌɔ, ḿbɔ́ tɑ́Ꞌ mbɑp-mbʉʉ, pʉɔ lɑɑ ḿbɔ́ pɔ pɑyúdɑ, kɛ pɔ pʉɔ pi pɔ́p kɑ́ pɔ́ pɑyúdɑ pɔ́ ɔɔ, mbɔ pɔ pɛkwɑɑ kɛ pɔ́ɔ-lɑ́Ꞌ ɔɔ, mbɔ Sɛ́ kɑ tɛmtɛ ńníꞋ tɑ́Ꞌ Zẅikŋɛ wɛ́mɔ́Ꞌ tʉ́m pɛkŋɛ pɛpɔ́p pɛtsʉʉ.

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Ɛ́fɛ̂zɛ 3:12

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.

Jɑ̂k 3:9

Pɛkŋɛ lɔk pɔ lʉ́m ńdɔk ŋ́ɡúꞋlɛ Tsɑpʉɔ Tɑ̌ɑ wɛkŋɛ, ḿbɛn ńdɔk pɔ yɛ́tɛ́ ńníꞋ ndɔɔ tú-pʉɔmɛsɔŋ pínɛ Sɛ́ kɑ pɔ́ɔnɛ ŋ́ɡɛ pɔ́p fí wɛ́.

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.