Ɛ́fɛ̂zɛ 2:12 - Kɑɑ Fí

¹² Pʉʉ pɛn ŋ́kẅíitɛ ŋɡɔ ɛ́ kɑ pɔ́ ŋkɑ́ ɛ̂yɑ́, pʉʉ pɔɔ ḿbɔ́ ńjí ŋɡɔ wɛcɔ́ ŋu ɡú ḿbɔ́ Nzɑ́Ꞌŋkʉ, tɛ pɛ́ ɡẅɛɛ nɛzẅíꞋlɛ wɛ́ pɔ́. Pʉʉ pɔ́ tsɛtsɛt pʉɔ-Íslɑyɛ̂l ḿbɔ́ pɔ pɛɡʉʉ, pʉʉ pɔɔ nu nǔu kɑɑ yɔ́p pɛ Sɛ́ ɡẅɛɛ tɛ mbɑ nǔu yúu mi Sɛ́ kɑ kɑꞋnɛ mbɔ̌ pɔ́p. Pʉʉ kɑ pɔ́ yʉ́ʉ ndǔ yɔ mbí, ḿbɔɔ ḿbɔ́ ńzẅíꞋlɛ yɛcɔ́ yúu pɔ́, ḿbɛn kɛ́ mbɔɔ ńjí Sɛ́ pɔ́.

Ɛ́fɛ̂zɛ 2:12 Кръстосани препратки

Lúkɑ́shi 1:72

Yɔ pɑ́Ꞌ pɔŋtʉ́m-Sɛ́ kɑ zɛnɛ nǔu pɛmɑ̂ɑŋɡɑpnjẅɛt pɛkŋɛ, ɛ́ pɛn ḿbɔ́ lɔ́Ꞌnɛ, kẅíitɛ kɑɑ yinɛ kwɑꞋ Sɛ́ pɔ́p pɛ pɔ́p kɑ ɡwɑtnɛ,

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Jɑ̂ŋ 15:5

Nɛtsɛ́n-tʉ́ ɑ mɔ, mbɔ́tʉ́ pɔ́ pʉʉ. Ŋu ẅí ɑ lɑtnɛ́nɛ mbʉʉ yɛ nǔu mɔ, n dɑtnɛ mbʉʉ yɑɑ nǔu yɛ ɡúu, ɑ ŋu ẅí ɑ ɡɛnɛ yúu sʉ́Ꞌnɛ tɛꞋ. Ɛ́ mbíꞋŋɡɔ pɛkŋɛ lɑɑnɛ mbɔɔ pɔ́, pʉʉ pɔɔ yɛcɔ́ yúu ɡɛ.

Jɑ̂ŋ 4:22

Pʉʉ ɡúꞋlɛ Sɛ́ kɛ́ jí wɛ́. Lɑ́, Pɛk pɑyúdɑ pɛk ɡúꞋlɛ Sɛ́ ẅi pɛk sɛ́ ńjí, mbíꞋŋɡɔ Sɛ́ lɛɛ nǔu pɑyúdɑ lɑ ŋ́ɡɛ pʉɔ luk.

ŊwɑꞋnɛ-Gɑŋntúu Yɛ́su Kɛlístɔ 2:39

MbíꞋŋɡɔ yúu mi Sɛ́ kɑ kɑꞋnɛ, ɑ kɑ pɔ́ ŋ́kɑꞋ mbɔ̌ pʉʉ, mbɑ mbɔ̌ mbɔ́ŋkʉ̈ɔ́ pʉ́ʉ. A kɑ pɔ́ ŋ́kɑꞋ mbɑ mbɔ̌ pʉɔ pinɛ pɔ́p nɑ́ŋnɛ ŋɡɑ sɛsɑ, ŋɡɔŋ pʉɔ tsʉʉ pi Tsɑpʉɔ Sɛ́ wɛkŋɛ ɡʉ ŋ́ɡɛ ɛ́fúŋ wɔ́p nɛtsʉ́Ꞌ pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 28:20

Yɔ yúu mi ɛ́ lɑ́Ꞌnɛ ŋ́ɡɛ lɑ́ n tsɑ́ɑ nɛjʉ́ɔ wʉ́ʉ pɛkŋɛ sẅiŋɛ. Pʉʉ jí yʉ́ʉ yúu mi pɑíslɑyɛ̂l lɔ ńjúk ḿbyɛ́p. Mɛcɛ̂n mɔnɛ pɛn ḿbɔ́ nǔu mbɔ́ mɑ́ɑ pɑ́Ꞌɑ ntɛ́ pɔ yúu mi pɛkŋɛ pyɛ́pnɛ.»

ŊwɑꞋnɛ-Gɑŋntúu Yɛ́su Kɛlístɔ 3:25

Yúu mi Sɛ́ kɑ pɔ́ ńdɔk ntsu-pɛŋɡɛ́mndʉ̈ɔ́Ꞌ ŋ́kɑꞋ kɑ pɔ́ yʉ́ʉ. Kɑɑ Sɛ́ kɑ ɡwɑtnɛ pɔ́p Ábɛlɛhɑ̂m pɔ́ yʉ́ʉ ɡúu kɑɑ ɛ̂yɑ́ pɔ́ ŋɡɔ: «Mɔ ńdɑ́Ꞌ ńdɛɛ pɔ nǔu njẅɛt yu lɑ́ ńníꞋ mbɔ́tnɛ nǔu mɛtsɛ́nndɑ́ tsʉʉ mi ɛ́ ndǔ tsɛ́tsɑ́Ꞌ.»

Pʉɔ-Lɔ́mɑ 9:8

Yɔ nu lɔk ńcú ŋɡɔ: Pɔ́ɔ pi ŋu mbɛ́ɛnɛ pɔ́p mɑŋɡɛ́ kɔŋ kɔŋnɛ ḿbí, kɑ́ pɔ́ pɔ́ɔ-Sɛ́ pɔ́. Pʉɔ pi pɛ́ kɑ pínɛ wɔ́p nǔu pɑ́Ꞌ Sɛ́ kɑ kɑꞋnɛ lɔknɛ ḿbɔ́ pɔ́ɔ-Sɛ́.

Ŋɡɑlɑ̂t 4:8

Pʉʉ kɑ pɔ́ yɛcɔ́ ŋkɑ́ mbɔɔ njí Sɛ́ pɔ́, ḿbɔ́ pɛkwɑɑ yúu pi pɛ́ kwɑŋɛ́nɛ ŋɡɔ ɛ́ mɛsɛ́, lɑ́ ɛ́ pɔɔ Sɛ́ pɔ́.

Ɛ́fɛ̂zɛ 2:19

Ɛ́ lɛɛ pɔ́Ꞌɔ, pʉʉ pɔɔ pɛ́t ḿbɔ́ pɛɡʉʉ pɔ́, ŋ́kɛ́ mbɔɔ pɛn ḿbɔ́ pɔ pʉɔ pi pɔ́p lɛɛ lɛɛnɛ pɔ́. Pʉʉ lɔk ḿbɔ́ yʉ́ʉ pʉɔ-lɑ́Ꞌ pɑ́Ꞌ pɛcɔ́ pʉɔ pi pɔ́p pʉɔ-Sɛ́. Pʉʉ lɔk ḿbɔ́ nǔu tsɛ́nndɑ́-Sɛ́.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Kɔlɔsíyɛ̂ŋ 1:21

Pʉʉ yʉ́ʉ, pʉʉ kɑ pɔ́ yɛcɔ́ ŋkɑ́ ḿbɔɔ nɛjɔ́ŋ Sɛ́ pɔ́, ḿbɔ́ pɔ ŋɡɑ sɛsɑ, ḿbɔ́ pɛɡɑŋmbuu-Sɛ́, mbíꞋŋɡɔ pʉʉ kɑ pɔ́ ŋ́kwɑŋɛ nu kɛpɔŋ, ŋ́ɡɛ pɔ yɛ́tɛ́.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

1 Timɔtɛ́ɛ 1:1

Yɔ ŋwɑꞋnɛ ɛ́ ŋwɑꞋnɛ mɔ Pɔ̂l, ŋɡɑŋntúu-Yɛ́su Kɛlístɔ. Mɔ ŋɡɑŋntúu-Yɛ́su mbíꞋŋɡɔ Sɛ́ pɔ́p Yɛ́su kɑ zɑ́pnɛ ŋɡɔ m bɔ́ wɛ́tɛ́. Jʉ́ Sɛ́ ɡɛnɛ pɛkŋɛ luk, Yɛ́su Kɛlístɔ sɛ́ ŋ́ɡɛ yɛ́ ŋɡɔ mbɑ kʉ̈ɔ́ lɑ́ yi pɛkŋɛ sɛ́ ńzẅíꞋlɛ mbɔ̌ Sɛ́ puutɛ.

Ɛ́bɛlʉʉ 11:34

ḿbík mɛtʉʉ-ntʉʉ múk, ńduk níi-ntsɔ tɛ pɛ́ pɔɔ lɔk ńjẅí wɔ́p pɔ́, ŋ́ɡɔɔ ḿbɛn fíitɛ tɛ ḿbɔŋ, ńtʉ́ʉ tɛt-ntsɔ, ḿbɔ́ pɑlʉ̈ɔ́Ꞌ ŋ́ɡwɑt, ńzuŋ ɡɑŋntsɔ pi pɔ́p fúnɛ mɛntsɔ́ mɛntsɔ́ tsɛt mɛlɑ́Ꞌ ndɛꞋ.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

Ɛ́bɛlʉʉ 8:6

Lɑ́ ɛ́ ŋkɔ̂ɔnɛ, mbɔ Kɛlístɔ kɑ kɛ́mɔ́ ŋ́ɡẅɛɛ yɛ́ fɑꞋ ɛ́ lɛɛ yɛ́ pɑnɔŋpɔꞋ ɛ̂pɑ́ tɛꞋ, mbíꞋŋɡɔ ɑ zɛɛ ḿbɔ́ nɛnkɛ́m nǔu nu-kɑɑ yi ɛ́ pɔŋnɛ ńdɛɛ yi ŋkɑ́mbi, Sɛ́ kɑ pɔ́ ŋ́ɡwɑt yɔ kɑɑ, ŋ́kɑꞋ mɛnu mbɔ̌ pɛkŋɛ, ɛ́ pɔŋ tɛ ńdɛɛ.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.