Ɛ́fɛ̂zɛ 2:11 - Kɑɑ Fí

¹¹ Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.

Ɛ́fɛ̂zɛ 2:11 Кръстосани препратки

Mɑtʉ̈ɔ 20:7

Pɔ́p pʉ̈ɔt ŋɡɔ: «Ɛ́ ɡɔ́ ḿbɔ́, mbɔ wɛcɔ́ ŋu kɑ́ fúŋ wɛ́k nǔu fɑꞋ pɔ́.» A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ.»

Pʉɔ-Lɔ́mɑ 11:17

Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

Pʉɔ-Lɔ́mɑ 2:26

ḿbɛn ḿbɔ́ yi pʉɔ pi pɛ́ ŋ́kɑɑ wɔ́p púꞋ, nɛn nǔu pɑ́Ꞌ nɛpʉ́ʉ píkŋɛ́nɛ, mbɔ Sɛ́ kɛ́ tsʉ́Ꞌ ńdíŋɛ wɔ́p ẅi pɛ́ ŋkɑɑ wɔ́p púꞋ pɔ pɑ́Ꞌ pʉɔ pi pɛ́ púꞋnɛ wɔ́p pɔ́ kɛ?

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

1 Kɔlɛ̂ŋtɛ 12:2

Pʉʉ sɛ́ ńjí ŋɡɔ, ɛ́ kɑ pɔ́ ŋkɑ́ yi pʉʉ kɑ pɛ́tnɛ kɛ́ zɑ́p tʉ́m nǔu Yɛ́su Kɛlístɔ, yɛcɔ́ yúu pɔ́ ńtsʉ́ʉnɛ wʉ́ʉ pʉʉ ɡúꞋlɛ mɛsɛ́, tɛ mbɑ pɑ́Ꞌ ɛ́ yúu mi mbɔ ɛ́ pɔɔ nu cú lɑ́.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ŋɡɑlɑ̂t 2:15

N cú mbɔ̌ Pyɛ̂ pɑ́Ꞌɑ, ɛ́ lɔk ḿbɔ́ ŋɡɔ pɛkŋɛ pɛpɔ́p pɑyúdɑ tɛ fú lɛ́Ꞌ nɛpí, pɛk kɑ́ pɔ́ pʉɔ pi pɔ́p fúnɛ tsɛt mɛcɔ́ mɛlɑ́Ꞌ mi pɔ́p kɑ́ jí nɛpʉ́ʉ-Sɛ́ pɔ́.

Ŋɡɑlɑ̂t 6:12

Pʉɔ pi pɔ́p ɛ́fyɛ́t wʉ́ʉ fyɛ́tnɛ ŋɡɔ pʉʉ pɛ́m pɛ́ púꞋ wʉ́ʉ, ɛ́ pʉɔ pi pɔ́p lɔɔ pɔ nɛɡɛ yúu mi ɛ́ ɡʉ ḿbɔŋ pɑyúdɑ. Pɔ́p ɡɛ pɔ́Ꞌɔ, ńtsɑ́ɑ ŋɡɔ kɔɔ pɑyúdɑ kʉʉnɛ wɔ́p mbíꞋ ŋɡɔ pɔ́p tʉ́ʉ yɔ́p nǔu nu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 1:21

Pʉʉ yʉ́ʉ, pʉʉ kɑ pɔ́ yɛcɔ́ ŋkɑ́ ḿbɔɔ nɛjɔ́ŋ Sɛ́ pɔ́, ḿbɔ́ pɔ ŋɡɑ sɛsɑ, ḿbɔ́ pɛɡɑŋmbuu-Sɛ́, mbíꞋŋɡɔ pʉʉ kɑ pɔ́ ŋ́kwɑŋɛ nu kɛpɔŋ, ŋ́ɡɛ pɔ yɛ́tɛ́.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

Kɔlɔsíyɛ̂ŋ 2:13

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»