Ɛ́fɛ̂zɛ 2:1 - Kɑɑ Fí

¹ Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

Ɛ́fɛ̂zɛ 2:1 Кръстосани препратки

Mɑtʉ̈ɔ 8:22

Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»

Lúkɑ́shi 15:24

mbíꞌŋɡɔ mɔ́ɔ wɑɑ wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.» A cú pɔ́Ꞌɔ, pɔ́p ɡɔ́ɔ ńzɛ nɛtsɑ́ɑtɛ.

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Jɑ̂ŋ 10:10

Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Kɔlɔsíyɛ̂ŋ 2:13

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

1 Timɔtɛ́ɛ 5:6

Lɑ́ ŋ́ɡʉ nǔu mpfúk ẅí ɑ kɑ́tnɛ ńjʉ́ mbyɑŋtɛ, mbɔ pɛ́ líŋɛ wɛ́ tɛ ḿbɔ́ ńcú ŋɡɔ mɑŋɡɛ́ pʉ́ɔ lɑ́, lɑ́ ɑ pɔ́ mbɔ̌ Sɛ́ ḿbɔ́ pɔ mpfú.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

Mɛnu ɛ́ ńdɑ́Ꞌ ńcẅɛt 3:1

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Sɑldɛs. Ŋwɑꞌnɛ ŋɡɔ: Ŋu ẅí ɑ ɡẅɛɛnɛ Mɛzẅikŋɛ-Sɛ́ sɑɑmbɑ́ mbɑ pɛcʉ̈ɔ́Ꞌ-sɑŋ sɑɑmbɑ́ lɑ́, ɑ sɛ́ ńcú ŋɡɔ: Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pɛ́ ɡɔ ńcú ŋɡɔ pʉʉ sʉ́Ꞌnɛ, mbɔ pʉʉ kɑ pfú mɔ.