Ɛ́fɛ̂zɛ 1:3 - Kɑɑ Fí

³ Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

Ɛ́fɛ̂zɛ 1:3 Кръстосани препратки

Lúkɑ́shi 2:28

Símɔ̂ŋ cẅɛ́ɛ wɛ́, ŋ́ɡẅɛɛ wɛ́ mbɔ́ wɛ, ḿbɔ́ ŋ́ɡɛ́mtɛ Sɛ́, ńcú ŋɡɔ:

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Pʉɔ-Lɔ́mɑ 12:5

Ɛ́ pɛn ḿbɔ́ pɔ ndʉ́ŋndʉŋ nǔu pɑ́Ꞌ pɛkŋɛ pɔ́ tɛ ńzɑ́ɑ zɑ́ɑnɛ lɑ́, ńdɔk pɑ́Ꞌ pɛkŋɛ lɑtnɛ mbʉʉ nǔu Kɛlístɔ, ńtɛmtɛ ńcúꞋlɛ nǔu tɑ́Ꞌ ŋu, pɑ́Ꞌ mɛkɛm mbʉʉ tɛmtɛ́nɛ, mbɑ yɛ́tɛ́ lɑ́ pɔ́ ńtɔ́ɔtɛ yɛcɔ́ lɑ́.

Pʉɔ-Lɔ́mɑ 15:6

Ɛ́ lɛɛ pɔ́Ꞌɔ, pʉʉ lɔk tɑ́Ꞌ ntsu, ńdɔk tɑ́Ꞌ ŋɡi ŋ́ɡúꞋlɛ Sɛ́ Tɑ́t mbɑ Tsɑpʉɔ wɛkŋɛ Yɛ́su Kɛlístɔ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

1 Kɔlɛ̂ŋtɛ 12:12

Ndʉ́ŋndʉŋ pɑ́Ꞌ mbɑp-mbʉʉ pɔ́ pɔ tɑ́Ꞌ lɑ́, tɛ mbɑ pɑ́Ꞌ ɛ́ ɡẅɛɛnɛ mɛzʉꞋ-mbʉʉ tɛ ɛ́ zɑ́ɑ zɑ́ɑnɛ lɑ́, mɛzʉꞋ-mbʉʉ zɛɛ ńzɑ́ɑ tɛꞋ lɑ́, ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ wɛ́mɔ́Ꞌ, ɛ́ pɛn ḿbɔ́ pɔ pɔ́Ꞌɔ nǔu Kɛlístɔ.

2 Kɔlɛ̂ŋtɛ 1:3

Pɛkŋɛ ɡɑ́ pɑ́Ꞌlɑ́ mbɔ̌ Sɛ́, Lɑ́ pɑꞋ Tsɑpʉɔ wɛkŋɛ Yɛ́su Kɛlístɔ, ẅi nɛtsɑ́ɑ mɛjʉ́ŋ-pʉɔ fú pɔ nǔu wɛ́, nɛtɔ́ɔtɛ wɔ́p fú pɔ nǔu wɛ́.

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 3:9

Ábɛlɛhɑ̂m kɑ zɑ́pnɛ tʉ́m nǔu Sɛ́, Sɛ́ níꞋ mbɔ́tnɛ nǔu wɛ́. Pɔ́Ꞌɔ lɑ́, pʉɔ pi pɔ́p zɑ́pnɛ tʉ́m nǔu Sɛ́ pɑ́Ꞌ Ábɛlɛhɑ̂m lɑ́, Sɛ́ ŋ́ɡɛ ńníꞋ mbɔ́tnɛ nǔu pɔ́p ɡúu.

Ɛ́fɛ̂zɛ 1:10

ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Ɛ́fɛ̂zɛ 1:20

Mîmɑ́ mɛtʉʉ mi Sɛ́ kɑ lɔknɛ ŋ́ɡɛ Kɛlístɔ zẅíimɛ tsɛtsɛt pɛpfú, kɔ́Ꞌ tʉ́nɛ́pú ńnɑ́ŋ nǔu ɡúŋ pɔ́ yɛ́ yi tʉʉ.

Ɛ́fɛ̂zɛ 2:6

Pɑ́Ꞌ pɛkŋɛ kɑ lɑt mɔ́ mbʉʉ yɛkŋɛ nǔu Yɛ́su Kɛlístɔ lɑ́, ɑ kɑ zẅíimɛ wɛkŋɛ pɛpɔ́p nǔu nɛvú, ḿbɛn ŋ́ɡɛ pɛkŋɛ cʉ́ɔ nzʉʉ Yɛ́su Kɛlístɔ, pɛkŋɛ pɛpɔ́p tɛmtɛ ŋ́kɔ́Ꞌ ńnɑ́ŋ tʉ́nɛ́pú ḿbɔ́ ɛ́sɑ́Ꞌ mbɑ kʉ̈ɔ́ lɑ́ zúꞋu.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Ɛ́bɛlʉʉ 8:5

FɑꞋ yi pîpɑ́ pɑnɔŋpɔꞋ fɑꞋnɛ, ɛ́ lɔk ḿbɔ́ pɔ fʉꞋ, ńdɔk ḿbɔ́ pɔ jʉ́jʉ́ŋ nǔu kwɑꞋ nu yi ɛ́ tʉ́nɛ́pú. Ɛ́ lɔk pɔ́Ꞌɔ, ḿbɔ́ pɑ́Ꞌ Sɛ́ kɑ nyɛtnɛ Mɔ̌sɛ̂ɛ pɑ́Ꞌ ɑ ɡʉ ŋ́ɡɛ ŋkɑ́ yi ɑ kɑ pɔ́ ŋ́ɡʉ nʉk ntɑp-Sɛ́, Sɛ́ kɑ cú mbɔ̌ wɛ́ ŋɡɔ: «Lʉŋtɛ pɔ nǔu yi ŋ kɑ nyɛtnɛ wú ndǔ nɛŋkɔ́Ꞌ lɑ́».

Ɛ́bɛlʉʉ 9:23

Ɛ́ lɑɑ ḿbɔ́ yi ɛ́ kɑ pɔ́ ḿbíkŋɛ ŋɡɔ pɛ́ lɔk ntɛ́ yi pɛ́ lɛ́Ꞌlɛ́nɛ lɑ́, ńcẅɛɛtɛ lɔ́Ꞌ nǔu yúu mi pɛ́ kẅíinɛ, ɛ́ pɔ́ mi pɛ́ kɑ pɔ́ ńdɔk fʉꞋnɛ mi ɛ́ tʉ́nɛ́pú fʉꞋnɛ́nɛ, mbɔ ɛ́ ɡʉ nǔu kwɑꞋ mîmɑ́ mɛyúu mi ɛ́ tʉ́nɛ́pú, ɛ́ píkŋɛ ŋɡɔ pɛ́ nɔŋ pɔꞋ ẅí ɛ́ pɔŋnɛ ńdɛɛ ẅîwɑ́.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,