Ɛ́fɛ̂zɛ 1:23 - Kɑɑ Fí

²³ CúꞋlɛ-pʉɔ-Sɛ́ mbʉʉ-Kɛlístɔ. A tsɛt cúꞋlɛ-pʉɔ pɛ́ ŋkɑ́ tsʉʉ, jʉ́ ẅí ɑ zʉꞋ tsʉʉ ndǔmbí.

Ɛ́fɛ̂zɛ 1:23 Кръстосани препратки

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

Pʉɔ-Lɔ́mɑ 13:5

Ɛ́ yúu mi ɛ́ ɡɛnɛ lɑ ɛ́ pɔ́ ḿbíkŋɛ nɛkɔk mbʉʉ ŋ́ɡɑ́ sɛ́ mbi pɑsɑ́Ꞌŋɡɔŋ. Pɛ́ kɑ́ ɡɑ́ ɛ́ pɔ́ pɔ ndɑꞋ nɛlɔk ḿbɔ́k ŋɡɔ Sɛ́ ɡʉ ńzɑ́ŋ lɔ́ŋ pɔ́, ɛ́ pɛn ḿbɔ́, mbíꞋŋɡɔ tʉ́m yɛkŋɛ sɛ́ ḿbíkŋɛ ŋɡɔ pɛkŋɛ ɡɛ pɔ́Ꞌɔ.

1 Kɔlɛ̂ŋtɛ 12:6

Mɛndúŋ nɛlɔk ɛ́fɑꞋ mɛfɑꞋ mɛntɛ́ mɛntɛ́. Lɑ́ tɑ́Ꞌ Sɛ́ wɛ́mɔ́Ꞌ ɡɑ́nɛ mɛtʉʉ mbɔ̌ mbɑ wɛ́tɛ́ ŋu lɑ́.

1 Kɔlɛ̂ŋtɛ 15:28

Yúu tsʉʉ pɛn ńdɑ́Ꞌ ḿbɔ́ tɛ ńtsʉ́Ꞌ ńzúꞋ pɔ mbɔ̌ jʉ́ Mɔ́ɔ, kwɑꞋ jʉ́ Mɔ́ɔ ńtsʉ́Ꞌ ńzúꞋ pɔ mbɔ̌ Sɛ́ ẅí ɑ kɑ ɡɑ́nɛ wɛ́ nɛ́ mbɑ kʉ̈ɔ́ lɑ́, ńjí ŋɡɔ Sɛ́ ɡʉ ńtsuŋ ɛ́sɑ́Ꞌ yúu tsʉʉ.

Ɛ́fɛ̂zɛ 2:16

Pɑ́Ꞌ pɛkŋɛ ńtsʉ́Ꞌnɛ tɑ́Ꞌ nɔɔ lɑ́, ɛ́ lɔk ńcú ŋɡɔ mbuu yí ɛ́ kɑ pɔ́nɛ tsɛtsɛt mɛnɔɔ mɛkŋɛ ɛ́ kɑ kɛ́mɔ́ ḿmɛ. Ɛ́ kɑ fú pɔ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ńdɔk ŋ́ɡɛ mbuu ẅí ɛ́ kɑ pɔ́nɛ tsɛtsɛt mɛnɔɔ mɛkŋɛ pɛ́ Sɛ́ mɛ. Pɛkŋɛ pɛtsʉʉ tsʉ́Ꞌ ḿbɔ́ pɔ pʉɔ-Sɛ́. Yɔ yúu mi ɛ́ kɑ mɛknɛ mbuu ẅí ɛ́ kɑ pɔ́nɛ tsɛtsɛt pɛkŋɛ.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Ɛ́fɛ̂zɛ 3:19

Yɔ pɑ́Ꞌ mɔ sɛ́ ḿbɔ́ ḿbúꞋ mbɔ́ mbɔ̌ Sɛ́ pɔ́Ꞌɔ. A ɡʉ ɛ́fú nǔu pʉʉ kuꞋ nɛjí pɑ́Ꞌ ŋkɔŋɛ-Kɛlístɔ pɔ́Ꞌɔ, tɛ mbɑ pɑ́Ꞌ ɛ́ lɛɛnɛ jínu tsʉʉ. Pʉʉ ɡʉ ḿbɔ́ tɛ ńjí yîyɑ́ ŋkɔŋɛ, yúu tsʉʉ yi ɛ́ tʉ́m-Sɛ́ pɛn ḿbɔ́ tsɛt tʉ́m pʉʉ tɛ yúu pɔɔ nǔu jɑ́k.

Ɛ́fɛ̂zɛ 4:10

Ŋu ẅí ɑ kɑ ńcúŋnɛ, ńtɔ́ ndǔ tsɛ́tsɑ́Ꞌ, ḿbɛn ńdɔk ḿbɔ́ pɔ ŋu ẅí ɑ kɑ kɔ́Ꞌnɛ ŋ́ɡʉ tɛ nɛ́ tʉ́nɛpú yi ɑ ɡʉ ḿbɔ́ nǔu yúu tsʉʉ.

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.

Ɛ́fɛ̂zɛ 4:13

Ɛ́ kẅiꞋ ŋ́ɡʉ nɛ́ mbi tɛ pɛkŋɛ tsʉ́Ꞌ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ nǔu pɑ́Ꞌ pɛkŋɛ zɑ́pnɛ tʉ́m yɛkŋɛ pɔ nǔu Yɛ́su mɔ́ɔ-Sɛ́, ḿbɛn ńjí wɛ́, ŋ́ɡúꞋ tɛ yɛcɔ́ yúu pɔɔ pɛn ńjɑ́k wɛkŋɛ pɔ́, pɑ́Ꞌ ɛ́ nǔu wɛ́ ḿbɔ́ pɔ́Ꞌɔ.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.