Ɛ́fɛ̂zɛ 1:20 - Kɑɑ Fí

²⁰ Mîmɑ́ mɛtʉʉ mi Sɛ́ kɑ lɔknɛ ŋ́ɡɛ Kɛlístɔ zẅíimɛ tsɛtsɛt pɛpfú, kɔ́Ꞌ tʉ́nɛ́pú ńnɑ́ŋ nǔu ɡúŋ pɔ́ yɛ́ yi tʉʉ.

Ɛ́fɛ̂zɛ 1:20 Кръстосани препратки

Mɑtʉ̈ɔ 26:64

Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑ́lɛ́kúshi 14:62

Yɛ́su tsɔ́Ꞌ ŋɡɔ: «Mɔ jʉ́. Pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Sɛ́ ẅi yɛcɔ́ nu wɛ́ kɑ́ tsɑ. Ḿbɛn ńjʉ́ɔ ɑ fú tsɛt lɑ́ɑ tʉ́nɛ́pú ńtɔ́.»

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Jɑ̂ŋ 10:18

Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

ŊwɑꞋnɛ-Gɑŋntúu Yɛ́su Kɛlístɔ 10:40

Lɑ́, ɛ́ kɑ pɔ́ nǔu mbɑ́ɑtɛ lɛ́Ꞌ pɛtɑ́t, Sɛ́ zẅíimɛ wɛ́ nǔu nɛvú, ŋ́ɡɛ ɑ cẅɛt ńnyɛt mbʉʉ yɛ.

ŊwɑꞋnɛ-Gɑŋntúu Yɛ́su Kɛlístɔ 26:8

Pʉʉ ẅi pʉʉ sɛ́ ńzẅíꞋlɛ nu yí n cúnɛ lɑɑ, pʉʉ kɛ́ ńdʉꞋ nɛpɛ́m ŋɡɔ Sɛ́ lɑɑ ḿbɔ́ ɑ ńzẅíimɛ pʉɔ nǔu nɛvú mɛlɑ́Ꞌ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 1:4

Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

Filipɛ 3:10

Mɔ sɛ́ ńtsɑ́ɑ pɔ tɑ́Ꞌ nu wɛ́mɔ́Ꞌ. Ɛ́ pɔ́ ŋɡɔ n jí Kɛlístɔ, ńjí mɛtʉʉ mi ɛ́ kɑ ɡɛnɛ ɑ zẅíimɛ nǔu nɛvú, ńjʉ́ɔ ŋɡʉ̈ɔ́Ꞌ pɑ́Ꞌ ɑ kɑ jʉ́ɔnɛ yɛ́, ḿbɛ́m nɛɡɑ́ tú yɑ́ɑ ḿpfú pɑ́Ꞌ ɑ kɑ ɡɑ́nɛ yɛ́,

Kɔlɔsíyɛ̂ŋ 1:16

Sɛ́ kɑ zɛɛ ŋ́ɡɛ mbɑ kʉ̈ɔ́ lɑ́ lɛɛ nǔu mbɔ́-Mɔ́ɔ nɛ lɑ jʉ́ Sɛ́ pɔ́ɔ. Pɛ́ lɑ́Ꞌ yúu tsʉʉ yi ɛ́ tʉ́nɛ́pú, mbɑ yi ɛ́ ndǔ tsɛ́tsɑ́Ꞌ, mɛyúu mi pɛ́ jʉ́ɔnɛ mbɑ mi pɛ́ kɑ́ pɔ́ ńjʉ́ɔ pɔ́, mbɑ kʉ̈ɔ́ lɑ́ yi ɛ́ ndǔmbí ɡẅɛɛnɛ mɛtʉʉ nǔu pʉɔ, ɛ́sɑ́Ꞌ pɛcɔ́. Sɛ́ kɑ ɡɛ mîmɑ́ mɛyúu lɛɛ nǔu mbɔ́-Mɔ́ɔ nɛ lɑ pɛ́ pɔ́ɔ, ḿbɛn ḿbɔ́ɔ ɛ́ pɔ́ pɔ yɛ́ Mɔ́ɔ nɛ.

Kɔlɔsíyɛ̂ŋ 3:1

Pɑ́Ꞌ pʉʉ pɛ́ Kɛlístɔ kɑ tɛmtɛ ńzẅíimɛ nǔu nɛvú lɑ́, pʉʉ tík lík yʉ́ʉ pɔ nǔu yúu mi ɛ́ tʉ́nɛ́pú, zʉꞋ yi Kɛlístɔ zúꞋu, ńnɑ́ŋ nǔu ɡúŋ pɔ́ Sɛ́ yi tʉʉ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 10:12

Lɑ́ ɛ́ kɛ́ ŋ́ɡʉ nǔu Kɛlístɔ, mbɔ ɑ kɑ nɔŋ pɔꞋ mbíꞋ mɛnu kɛpɔŋ pʉɔmɛsɔŋ, ɛ́ kuꞋ pɔ tɑ́Ꞌ ŋkɑ́ ɛ́ kuꞋ pɔ ndɑꞋ ndɑꞋ. A ɡʉ ŋ́kɔkŋɛ ńnɑ́ŋ nǔu ɡúŋ pɔ́-Sɛ́ yɛ́ tʉʉ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Mɛnu ɛ́ ńdɑ́Ꞌ ńcẅɛt 1:17

N jʉ́ɔ wɛ́ pɔ́Ꞌɔ, ḿvu mɛku wɛ́, ńtsʉ́Ꞌ ńnɔɔ zúꞋu, ńtsʉ́Ꞌ ḿbɔ́ pɔ pɑ́Ꞌ mpfú. A zɑ́p pɔ́ yɛ́ yi tʉʉ nǔu mɔ, ńcú ŋɡɔ: «Kɔɔ pɛn ńcʉ̈ɔꞋ, mɔ Nduŋmbi, ḿbɔ́ ndẅiknzʉʉ.