Kɔlɔsíyɛ̂ŋ 4:3 - Kɑɑ Fí

³ ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

Kɔlɔsíyɛ̂ŋ 4:3 Кръстосани препратки

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

1 Kɔlɛ̂ŋtɛ 16:9

mbíꞋŋɡɔ wɛcɔ́ sɛ̂ndúŋ ńtsɔ́Ꞌnɛ mbɔ̌ mɔ zɑꞋnɛ nɛlɔɔ fɑꞋ yi ɛ́ ɡʉ cẅɛ́lɛ́ tɛꞋ. Tɛ mbɑ pɑ́Ꞌ pɑlʉꞋ nu yi n cúnɛ zɑ́ɑ tɛꞋ lɑ́.

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Ɛ́fɛ̂zɛ 3:3

A kɑ kyɛꞌ yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ńnyɛt wɑ́ɑ, pɑ́Ꞌ n zɛɛ ŋ́ŋwɑꞋnɛ tsɛt yɔ ŋwɑꞋnɛ ɛ́sẅíi wʉ́ʉ lɑ́. Ŋ kɑ́ ŋwɑꞋnɛ ɛ́ sɑk pɔ́.

Ɛ́fɛ̂zɛ 3:4

Pʉʉ ɡʉ fúŋ yɔ ŋwɑꞋnɛ ńzúꞋ ntɛ́ yi n dɔknɛ ńjí ntsɛm yi ɛ́ nǔu nu-Kɛlístɔ.

Ɛ́fɛ̂zɛ 3:9

Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Filipɛ 1:19

N zɛɛ ḿbɔ́ ńjí ŋɡɔ ŋɡʉ̈ɔ́Ꞌ yi ɛ́ kɑ kúunɛ wɑ́ɑ ɡʉ ńtɔ́ ńtsʉ́Ꞌ ŋ́ɡɛ n duk luknɛ. N duk pɔ́Ꞌɔ, ńdúꞋnɛ ntɛ́ yi pʉʉ sɛ́ ńdɔk ḿbúꞋ mbɔ́ mbɔ̌ Sɛ́, ḿbɛn ńdúꞋnɛ Zẅikŋɛ-Yɛ́su Kɛlístɔ yi ɛ́ sɛ́ ńtɔ́ɔtɛ wɑ́ɑ.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

Kɔlɔsíyɛ̂ŋ 1:26

Sẅiŋɛ ɛ̂yɑ́ ntsɛm yi ɑ kɑ lɑ́Ꞌnɛ ńdʉɔ mbɔ̌ pʉɔmɛsɔŋ mɛzuŋ mɛzuŋ tɛ fú ŋɡuꞋ. Ɛ́ kɛ́ ḿbɔ́ ŋkɔ̂ɔnɛ, mbɔ ɑ kíɛꞋ yîyɑ́ ntsɛm ńnyɛt mbɔ̌ pʉɔ pi pɔ́p pɛ́.

Kɔlɔsíyɛ̂ŋ 4:18

Pʉʉ jʉ́ɔ cɛꞋlɛ yi mɔ Pɔ̂l, n dɔknɛ kwɑꞋ pɔ́ yɑ́ɑ ŋ́ŋwɑꞋnɛ. Kɔɔ pʉʉ likŋɛ ŋɡɔ mɔ ndɑ́tsɑ́ŋ. Mbɔtnɛ-Sɛ́ pɔ́ nɛ́ pʉʉ pɛtsʉʉ!

1 Tɛsɑlɔník 5:25

Pɔ́ɔpɛ́mɑ́, pʉʉ púꞋ mbɔ́ mbɔ̌ Sɛ́ mbɑ nǔu yɛ́k tú.

2 Timɔtɛ́ɛ 1:16

Ŋɡɔ Tsɑpʉɔ ɡɛ nu sʉ́Ꞌnɛ nǔu pʉɔ tsʉʉ njɛ́Ꞌ-Ɔnɛzifɔɔ, ńdɔ́ɔ pɔ́Ꞌɔ, mbíꞋŋɡɔ ɑ ḿbɔ́ ńnɑ́ŋ ńníꞋ tʉ́m yɑ́ɑ tɛꞋ, ɑ ŋkɑɑ mɔ́ kɔ́ sʉ́ʉ nǔu mɔ pɑ́Ꞌ mɔ ŋɡɑŋtsɑ́ŋ pɔ́.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

Filɛmɔ̂ŋ 1:22

Pɛn ńniitɛ lûmndɑ́, ńdɔk ńzẅíꞋlɛ wɑ́ɑ mbíꞋŋɡɔ mɔ sɛ́ ŋ́kwɑŋɛ ŋɡɔ Sɛ́ lɑɑ ńzúꞋ púꞋ mbɔ́ yʉ́ʉ, mbɔ pɛ́ ɡʉ ḿbɛn ḿbɑꞋ wɑ́ɑ mbɔ̌ pʉʉ.