Kɔlɔsíyɛ̂ŋ 2:4 - Kɑɑ Fí

⁴ Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

Kɔlɔsíyɛ̂ŋ 2:4 Кръстосани препратки

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:4

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 20:30

Pʉɔ ńcẅɛt mbɑ tsɛtsɛt pʉʉ ńtʉ́ʉ, ńzɛ nɛzíꞋ cɔtnu ńdɔk shuŋ pʉɔ-Kɛlístɔ pɔ́p tsʉ́Ꞌ ńnɛn pɔ nzʉʉ pɔ́p.

1 Kɔlɛ̂ŋtɛ 2:4

Sẅiŋɛ yi ɛ́ kɑ pɔ́ ńcẅɛt ntsu mɔ, mbɑ nu-Kɛlístɔ yi ŋ kɑ pɔ́ ɛ́sɑ́Ꞌ mbɔ̌ pʉʉ, kɑ́ pɔ́ ńnyɛt jínu-ŋumɛsɔŋ yi pɛ́ lɔknɛ ŋ́ɡɛ ŋu pɛ́m nu pɔ́. Mɛtʉʉ-Zẅikŋɛ-Sɛ́ kɑ pɔ́ ŋ́ɡɛ pʉɔ jʉ́ɔ ŋɡɔ ɛ́ nu nɛ́nẅín.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

2 Timɔtɛ́ɛ 2:16

Pɑ́ɑ nɛzɑ́p wú ntsu nǔu wɛ pɑzɔŋ mɛsẅíŋɛ mi ɛ́ pɔ́ pɔ níinɛ, mɛsẅíŋɛ mi ɛ́ tɑ́ɑtɛ ŋu tɑ́tɛ́nɛ nɛzɑ́p tʉ́m nǔu Sɛ́. Pʉɔ pi pɔ́p zɔŋnɛ mîmɑ́ mɛsẅíŋɛ kɛ́ ḿbɔ́ ɛ́fú nɛjɔ́ŋ Sɛ́ ŋ́kẅiꞋ ŋ́kʉɔ kʉɔnɛ.

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

1 Jɑ̂ŋ 2:26

Yɔ yúu mi n dɑ́Ꞌ ḿbɔ́ ńdɔɔ nɛsẅíi wʉ́ʉ, mbíꞋ pʉɔ pi pɔ́p lɔɔnɛ nɛfúklɛ wʉ́ʉ pʉʉ fɑɑnɛ sɛ̂ndúŋ,

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 13:8

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Mɛnu ɛ́ ńdɑ́Ꞌ ńcẅɛt 20:3

Ŋ́ɡɔ́ɔ ŋ́kɛ́ ńjɛ́Ꞌ wɛ́ ḿmɑꞋ tsɛt nɛpʉ́ kɛ́ ndúŋ, ńdɔk mɑ́jɔ́Ꞌ ńjʉ́ɔꞋ wɛ́ tsɛtú, ńnɑŋ nɛ́ ŋɛmɛ-ŋwɑ́Ꞌ nɛpɔ́ yi ɑ kɛ́ pɛn ńjúk tsɛt mɛŋɡɔŋ mɛŋɡɔŋ ɛ́fúklɛ pʉɔ pɔ́ tɛ ŋɡuꞋ ntsɑ́Ꞌ lɑ́Ꞌ ŋ́kuꞋ. Lɛ́Ꞌ ḿbɔ́ tɛ ŋ́kuꞋ, pɛ́ nɑꞋ ŋ́kíɛꞋ wɛ́ nǔu mɔ́ɔ mɔ̂ŋkɑ́.

Mɛnu ɛ́ ńdɑ́Ꞌ ńcẅɛt 20:8

A cẅɛt, nɛjúk ɛ́fúklɛ pʉɔ pí pɔ́p tsɛt mɛŋɡɔŋ mɛŋɡɔŋ, ndǔ mbí mɛsɑ́k mɛ́nɛ́kwɑ. Pɛ́ fúŋ mɔnɛ mɛŋɡɔŋ ŋɡɔ Ŋɡɔ́k ḿbɛn ɛ́fúŋ ŋɡɔ Mɑŋɡɔ́k, ɛ́fúklɛ wɔ́p pɔ́Ꞌɔ, ńcúꞋlɛ wɔ́p nɛlɔk ŋ́ɡʉ ḿmɑꞋ ntsɔ. Pɔ́p zɑ́ɑ pɑ́Ꞌ mɛmbɑŋ-sɑŋsɑ́ŋ mi ɛ́ mbʉʉ-ŋki kɛ́ nɛpɑt lɑ́.