Kɔlɔsíyɛ̂ŋ 2:3 - Kɑɑ Fí

³ FuꞋ-jínu tsʉʉ, mbɑ yi kwɑŋɛ nu tsʉʉ tɛmtɛ ńcúꞋlɛ ńdʉɔmɛ pɔ nǔu Kɛlístɔ.

Kɔlɔsíyɛ̂ŋ 2:3 Кръстосани препратки

Mɑtʉ̈ɔ 10:26

Pɔ́Ꞌɔ zúꞋnɛ, kɔɔ pʉʉ pɔ́k pʉɔmɛsɔŋ, pʉʉ mɑꞋ pɔ Ŋkʉʉ wʉ́ʉ. Nu yí ɛ́ lʉɔmɛ́nɛ, pʉʉ ɡẅɛɛ nɛɡɛ ɛ́ cẅɛt mɑ́ntɑ́ɑ, nu-ntsɛm pʉʉ ɡẅɛɛ nɛɡɛ pɛ́ jí.

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Pʉɔ-Lɔ́mɑ 11:33

Sɛ́ tsuŋ ŋ́ɡẅɛɛ pɔŋtʉ́m nzʉʉ pʉɔ tsʉʉ, mbɔ ŋumɛsɔŋ pɔɔ tíi jínu Sɛ́ pɔ́, ŋ́kɛ́ ḿbɔɔ jí yúu mi Sɛ́ sɛ́ ŋ́kwɑŋɛ pɔ́, ḿbɔ́ wɔ̌ jí yúu mi Sɛ́ zɑ́pnɛ ŋɡɔ ɑ ɡʉ ŋ́ɡɛ? Mbɔ wɔ̌ kyɛ́Ꞌtɛ pɑ́Ꞌ Sɛ́ ɡɛnɛ mɛnu pɔ́Ꞌɔ?

1 Kɔlɛ̂ŋtɛ 1:24

Lɑ́ ɛ́ ɡʉ mbɔ̌ pʉɔ pi Sɛ́ tsɔ́Ꞌnɛ wɔ́p, kɛ ɛ́ pɔ́ pɔ pɑyúdɑ ɔɔ, kɛ pʉɔ pi pɔ́p kɑ́ pɔ́ pɑyúdɑ pɔ́ ɔɔ, Kɛlístɔ lɛ́Ꞌlɛ́nɛ pɑ́Ꞌ mɛtʉʉ-Sɛ́ pɔ́nɛ, mbɑ pɑ́Ꞌ jínu-Sɛ́ pɔ́nɛ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

Ɛ́fɛ̂zɛ 1:8

ɛ́ fuꞋ yi ɑ kɑ ɡɑ́nɛ mbɔ̌ pɛkŋɛ tɛ ɛ́ zɑ́ɑ zɑ́ɑnɛ, ŋ́ɡɔ ŋ́ɡɑ́, ńtsɔ́Ꞌ jínu yɛkŋɛ pɛkŋɛ jí nu.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

Kɔlɔsíyɛ̂ŋ 3:3

Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.

2 Pyɛ̂ 1:5

Pɔ́Ꞌɔ, pʉʉ sɑ́Ꞌ tʉʉ, ŋ́kẅiꞋ mɑt sʉ́Ꞌnɛ nǔu wʉʉ nɛzɑ́p tʉ́m nǔu Sɛ́, ḿbɛn ŋ́ɡʉ nǔu mɑt sʉ́Ꞌnɛ ŋ́kẅiꞋ nɛjí yúu mi Sɛ́ sɛ́ ŋ́kɔŋ,

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.