ŊwɑꞋnɛ-Gɑŋntúu Yɛ́su Kɛlístɔ 4:1 - Kɑɑ Fí

¹ Pyɛ̂ pɔ́p Jɑ̂ŋ kɑ pɛ́t ńcú nu mbɔ̌ lɑ́Ꞌ cúnɛ, pɑnɔŋpɔꞋ ŋ́ɡɛ tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɑsɑdukɑy tɔ́.

ŊwɑꞋnɛ-Gɑŋntúu Yɛ́su Kɛlístɔ 4:1 Кръстосани препратки

Mɑtʉ̈ɔ 16:12

Ɛ́ lɛɛ pɔ́Ꞌɔ, Gɑŋku-Yɛ́su ɡɔ́ɔ ŋ́kɛ́ ńzúꞋ ŋɡɔ, ɑ lɑ́Ꞌ ḿbɔɔ ńcú ŋɡɔ pɔ́p pɑ́ɑ fɛntɛ lɔk ńniitɛ mbɛlɛ̂ɛt pɔ́. A lɑ́Ꞌ ńcú pɔ ŋɡɔ pɔ́p pɑ́ɑ yúu mi pɑfɑlísɑy pɔ́p pɑsɑdukɑy zíꞋnɛ pʉɔ.

Mɑtʉ̈ɔ 22:16

ńtúu pɛcɔ́ ntɑ́Ꞌ pʉɔ nǔu ɡɑŋku yɔ́p, mbɑ pɛcɔ́ ntɑ́Ꞌ pʉɔ nǔu ku-pʉɔ-fɔɔ Ɛlɔ̂dɛ ŋɡɔ: Pɔ́p ɡʉ ńcú mbɔ̌ Yɛ́su ŋɡɔ: «Cícɑ, pɛk sɛ́ ńjí ŋɡɔ ɔ cú nu, ḿbɛn ńdɛꞋlɛ pɔ nu yí ɛ́ tʉ́ʉnɛ ndʉ́ŋndʉŋ, ńcú kɛ́ pɔ́k ŋu, ḿbɛn ŋ́kɛ́ mbɔɔ líŋɛ ŋumɛsɔŋ pɔ nǔu shʉ́ pɔ́, ńdɛꞋlɛ nu nɛ́nẅín pɔ pɑ́Ꞌ Sɛ́ sɛ́ ḿbíkŋɛ ŋɡɔ pɛ́ ɡɛ pɔ́Ꞌɔ.

Mɑtʉ̈ɔ 27:20

Pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ pɔ́ ńtsʉ́ʉnɛ lɑ́Ꞌ ŋɡɔ pɔ́p píkŋɛ ŋɡɔ Pilɑtɔ tsɔ́Ꞌ pɔ Pɑnɛpɑ́ɑshi ŋ́ɡɛ pɛ́ jẅí Yɛ́su.

Mɑtʉ̈ɔ 27:41

Pɛtɑ́tndɑ́-pɑnɔŋpɔꞋ, pɔ́p pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p pɛkɛ́m-lɑ́Ꞌ pɔ́ ńzɔɔtɛ yɔ́p Yɛ́su ɡúu ńcú ŋɡɔ:

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Lúkɑ́shi 20:1

Yɛ́su pɔ́ yɛcɔ́ lɛ́Ꞌ, ḿbɛ́t ḿbɔ́ pɔ tsɛt ndɑ́-nɛnɔŋpɔꞋ ḿbɔ́ ńzíꞋ pʉɔ nɛ́ yúu ńdɔk ɛ́sɑ́Ꞌ Ŋkʉʉ sʉ́Ꞌnɛ mbɔ̌ lɑ́Ꞌ, pɛtɑ́tndɑ́ pɑnɔŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m tsɛt lɑ́Ꞌ tɔ́.

Lúkɑ́shi 22:4

A ɡɔ́ɔ ŋ́kɛ́ ŋ́ɡʉ ńjʉ́ɔ Pɛtɑ́tndɑ́ pɑnɔ́ŋpɔꞋ pɔ́p pɑtʉ́ʉ mbi nǔu nɛpyɛ́p ndɑ́-nɛnɔŋpɔꞋ, pɔ́p pɛpɔ́p ŋ́kwɑŋɛ pɑꞋ ɑ ɡʉ ŋ́ɡɛ lɑ́ ɛ́fɛn Yɛ́su mbɔ̌ pɔ́p.

Jɑ̂ŋ 15:20

Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Jɑ̂ŋ 18:3

Jẅidɑ nɑ́ŋ tɛ ńtɔ́, ḿbɔ́ mbi tsɛtsɛt pɑlʉ̈ɔ́Ꞌntsɔ-Lɔ́mɑ pɔ́p pɑpyɛ́p ndɑ́-nɔŋpɔꞋ, pí pɛtɑ́tndɑ́-pɑnɔŋ pɔꞋ pɔ́p pɑfɑlísɑy lɑ́Ꞌnɛ ńtúu. Pɔ́p ɡẅɛ mɛkyɛꞋ múk, nɛ́ túlúkɑ́ŋ, mbɑ yúu-ntsɔ.

ŊwɑꞋnɛ-Gɑŋntúu Yɛ́su Kɛlístɔ 4:6

Pʉɔ pi pɔ́p ḿbɔ́nɛ yɔ́p zúꞋu, yɔ ḿbɔ́ Ánɑ, tɑ́tndɑ́-pɑnɔŋpɔꞋ, ŋ́ɡɛ Kɑyífɑ, mbɑ Jɑ̂ŋ nɛ́ Lɑksɑ́ndɑ, pɔ́p pʉɔ tsʉʉ nǔu tsɛ́nndɑ́-tɑ́tndɑ́-pɑnɔŋpɔꞋ.

ŊwɑꞋnɛ-Gɑŋntúu Yɛ́su Kɛlístɔ 5:17

Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.

ŊwɑꞋnɛ-Gɑŋntúu Yɛ́su Kɛlístɔ 5:24

Tɑ́tndɑ́-pɑpyɛ́p ZʉꞋ-nɔŋpɔꞋ pɔ́p pɛtɑ́tndɑ́-pɑnɔŋpɔꞋ zúꞋ yɔ nu ɛ́ kʉꞋnɛ wɔ́p. Pɔ́p pɔɔ jí yúu mi ɛ́ lɑ́Ꞌnɛ ŋ́ɡɛ ɡɑŋntúu-Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 5:26

Tɑ́tndɑ́-pɑpyɛ́p zʉꞋ pɔ́p pʉɔ pɛ́ ɡʉ nɛlɔk wɔ́p ńtɔ́. Lɑ́ ŋ́kɛ́ ḿbɔɔ lɔk tʉʉ ŋ́ɡẅɛɛ wɔ́p pɔ́. MbíꞋŋɡɔ lɑ́Ꞌ kɑ pɔ́ zúꞋu tɛꞋ. Pɔ́p pɔ́ ḿbɔ́k pɑ́Ꞌ pɛ́ ɡʉ ńdɔk mɛŋɡɔꞋ ńtɛ́mtɛ wɔ́p ńjẅítɛ.

ŊwɑꞋnɛ-Gɑŋntúu Yɛ́su Kɛlístɔ 6:12

Pɔ́p ɡɛ pɔ́Ꞌɔ, ńdɔk ńtẅítɛ lɑ́Ꞌ, mbɑ pɛkɛ́m mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, ḿmɑꞋ wɔ́p nzʉʉ Ɛtiyɛ̂n. Pɔ́p ɡẅɛɛ wɛ́, ńdɔk wɛ́ ŋ́ɡʉ mbi cúꞋlɛ-pɑsɑ́Ꞌ lɑ́Ꞌ pɑ́Ꞌ pɛ́ ɡʉ ŋ́ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 6:7

Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.