ŊwɑꞋnɛ-Gɑŋntúu Yɛ́su Kɛlístɔ 2:9 - Kɑɑ Fí

⁹ Pʉɔ pinɛ pɔ́p fúnɛ Pɑ́ltɛ mbɑ pɛ́ Mɛdɛs, ŋ́ɡɛ pɛ́ Ɛlɑm tsɛtsɛt pɛkŋɛ zɑꞋnɛ. Mbɑ pʉɔ pinɛ pɔ́p nɑ́ŋnɛ Mɛzɔpɔtɑmîi ŋ́ɡɛ pi pɔ́p Judɛ̂. Pʉɔ-Kɑpɑdɔs mbɑ pʉɔ-Pɔ̂ŋ ŋ́ɡɛ pʉɔ nǔu pɑk-ŋɡɔŋ Azîi pɔ́ pɔ sɛ́.

ŊwɑꞋnɛ-Gɑŋntúu Yɛ́su Kɛlístɔ 2:9 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 18:2

ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 19:10

ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:27

Yɔ nu lɔɔ nɛpʉ́ʉpɛ fɑꞋ yɛkŋɛ. A ɡʉ ŋ́ɡɛ pɔ́Ꞌɔ, pɛ́ pɔɔ pɛn ńdɔk ndɑ́-mɑ́mɑ́ sɛ́ Altɛmîs ɛ́fúŋ yɛcɔ́ yúu pɔ́. Pʉɔ pɔɔ pɛn ńcú ŋɡɔ Altɛmîs ɑ mɑ́mɑ́ sɛ́ wɛkŋɛ pɔ́. Lɑ́ pʉɔtsʉʉ sɛ́ ŋ́ɡúꞋlɛ wɛ́ tsɛt pɑk-ŋɡɔŋ-Azîi tɛ mbɑ zʉꞋ tsʉʉ ndǔ tsɛ́tsɑ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 19:31

Pɛcɔ́ ɡɑŋfɑꞋ-ŋɡɔ́mnɑɑ nǔu pɑk-ŋɡɔŋ-Azîi, pinɛ pɔ́p pɛsúu-Pɔ̂l, pɔ́p túu pʉɔ pɔ́p ɡʉ ḿbúꞋ mbɔ́ mbɔ̌ Pɔ̂l ŋɡɔ ɑ pɑ́ɑ nɛɡʉ zɑ́n.

ŊwɑꞋnɛ-Gɑŋntúu Yɛ́su Kɛlístɔ 2:8

Ɛ́ pɛn ŋ́ɡɛ ŋɡɔ́ku wɔ̌ lɑ́ nǔu pɛkŋɛ tsʉ́Ꞌ ńzúꞋ, pɔ́p sẅiŋɛ pɔ kwɑꞋ sẅiŋɛ-lɑ́Ꞌ yɛ?

ŊwɑꞋnɛ-Gɑŋntúu Yɛ́su Kɛlístɔ 20:16

Pɛk kɑ ɡɔ́ ńnɛn yɔ ntɛ́, tɛ ńdɛɛ mbʉʉ-tʉ́sɔŋ-Ɛ́fɛ̂zɛ lɛɛnɛ, ɛ́ pɔ́ ŋɡɔ Pɔ̂l kɑ zɑ́p ŋɡɔ ɑ kɛ́ ɡɛ ńjúk ńdɑ́ɑtɛ tsɛt pɑk-ŋɡɔŋ-Azîi pɔ́, ḿbɔ́ ŋ́ɡwɛtnɛ ńtsɑ́ɑ nɛpɔ́ Yɛlúsɑlɛm lɛ́Ꞌ-Pɑŋntɛkɔ̂t pɑ́Ꞌ ɑ lɑɑ ŋ́kuꞋ.

ŊwɑꞋnɛ-Gɑŋntúu Yɛ́su Kɛlístɔ 20:18

Pɔ́p tɔ́ tɛ ŋ́kúu nɛjɔ́ŋ yɛ́, ɑ cú mbɔ̌ pɔ́p ŋɡɔ: «Pʉʉ jí pɑ́Ꞌ ŋ kɑ lɔknɛ ńnɑ́ŋ pɔ́Ꞌɔ. Tɛ ɛ́fú lɛ́Ꞌ yi ŋ kɑ tíknɛ ku tsɛt pɑk-ŋɡɔŋ-Azîi.

ŊwɑꞋnɛ-Gɑŋntúu Yɛ́su Kɛlístɔ 20:4

Mɛlík-pʉɔ pi pɔ́p pɛ́ Pɔ̂l kɑ pɔ́ ńnɛn nǔu yɔ ku-nɛnɛn pʉ́ɔlɑɑnɛ: Yɔ ḿbɔ́ Sɔpɑtɛɛ, mɔ́ɔ-Pẅilẅis ḿbɔ́ mɔ́ɔ tʉ́sɔŋ-Mbɛlɛ, ŋ́ɡɛ Alistɑk pɔ́p Sɛkɔndus, pɔ́p pɔ́ pʉɔ-Tɛsɑlɔ́ník, ḿbɛn ŋ́ɡɛ Ŋɡɑẅîs ẅi ɑ kɑ fúnɛ Ndɛlbɛ, ŋ́ɡɛ Timɔtɛ̂ɛ, ḿbɛn ŋ́ɡɛ Tishik pɔ́p Tɔlɔfinɛ pɔ́p pɔ́ pʉɔ-pɑk-ŋɡɔŋ-Azîi.

ŊwɑꞋnɛ-Gɑŋntúu Yɛ́su Kɛlístɔ 21:27

Lɛ́Ꞌ sɑɑmbɑ́ yi Pɔ̂l pɔ́p pʉɔ pɑ́ pɛ́nɛ́kwɑ lɔknɛ ḿbʉʉtɛ mbʉʉ tsʉ́Ꞌ ŋ́ɡʉ pɔ nɛkuꞋ. Pɔ́Ꞌɔ lɑ́, pɛcɔ́ pɑyúdɑ pi pɔ́p fúnɛ nǔu pɑk-ŋɡɔŋ-Azîi jʉ́ɔ Pɔ̂l pɔ́ ZʉꞋ-nɔŋpɔꞋ, pɔ́p mɑꞋ vɑꞋ tsɛtsɛt nɔɔ-lɑ́Ꞌ, ŋ́ɡẅɛɛ Pɔ̂l,

ŊwɑꞋnɛ-Gɑŋntúu Yɛ́su Kɛlístɔ 24:18

Pɔ́Ꞌɔ, ŋ kɑ pɔ́ tsɛt ZʉꞋ-nɔŋpɔꞋ, lɑ pɔ́p tɔ́ zúꞋu ńjʉ́ɔ wɑ́ɑ, ŋ́ɡɔ ḿbɔ́, mbɔ ŋ kɛ́ ɛ́fú nɛɡɛ yúu mi mɔ ńdɔk suk pʉ nǔu mɔ. Lɑ́Ꞌ ŋkɑɑ pɔ́ zúꞋu pɔ́. Yɛcɔ́ ntɑkŋɛ pɛn ŋ́kɛ́ ḿbɔɔ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 27:2

Pɛk ɡɔ́ ŋ́kúu wɛcɔ́ mɑ́mɑ́ kɑnúꞋ, ɛ́ pɔ́ wɛ tʉ́sɔŋ-Andɛlɑmítɛ, ḿbɔ́ ŋ́ɡʉ mbʉʉ mɛtʉ́sɔŋ mi ɛ́ mbʉʉ-ŋki, tsɛt pɑk-ŋɡɔŋ-Azîi. Pɛk pɛ́ wɛcɔ́ ŋu pɔ́ tɑ́Ꞌ ku. Lík yɛ́ pɔ́ ŋɡɔ Alistɑk. Mbɔ pɛ́ kɑ pí wɛ́ tʉ́sɔŋ-Tɛsɑlɔ́ník, tsɛt ŋɡɔŋ-Mɑsɛ́ndwɑn, pɛk cʉ́ɔ sɛ̂ndúŋ.

ŊwɑꞋnɛ-Gɑŋntúu Yɛ́su Kɛlístɔ 6:9

Pɛcɔ́ ntɑ́Ꞌ pʉɔ ɡɛ ńzɛ nɛzɔŋ nu yí Ɛtiyɛ̂n cúnɛ. Yɛcɔ́ ɡúŋ pɔ́ pɑyúdɑ pi pɔ́p fúnɛ Silɛ̂nɛ mbɑ Alɛkzɑŋndɛlîi, ḿbɔ́ pʉɔ pi pɔ́p tsɛtsɛt ndɑ́-cúꞋlɛ yi pɛ́ kɑ pɔ́ ɛ́fúŋ ŋɡɔ: «Ndɑ́-cúꞋlɛ-Pɑcẅɛtndɑ́-kwɑɑ.» Yɛcɔ́ ɡúŋ pɔ́ pɑyúdɑ pi pɔ́p fúnɛ tsɛt ŋɡɔŋ-Silisî mbɑ nǔu pɑk-ŋɡɔŋ Azîi.

ŊwɑꞋnɛ-Gɑŋntúu Yɛ́su Kɛlístɔ 7:2

Ɛtiyɛ̂n pʉ̈ɔt ŋɡɔ: «Pɛtɑ́t pɑ́ɑ, pɔ́ɔpɛ́mɑ́ pɑ́ɑ, pʉʉ zúꞋ nu yi ŋ ɡʉ ńcú lɑɑ. Ɛ́ m̄bɔ́ ŋkɑ́ yi mɑ̂ɑŋɡɑpnjẅɛt wɛkŋɛ Ábɛlɛhɑ̂m kɑ pɛ́t Mɛzɔpɔtɑmîi, lɑ ŋ́ɡɛ ŋ́ɡʉ ńnɑ́ŋ Hɑlɑŋ, Sɛ́ ẅi ɑ ɡẅɛɛnɛ vuvuk nyɛt mbʉʉ yɛ mbɔ̌ wɛ́,

Pʉɔ-Lɔ́mɑ 16:5

Pʉʉ pɛn ḿbúꞋ mbɔ́ mbɔ̌ cúꞋlɛ-pʉɔ-Kɛlístɔ yi ɛ́ ndɑ́ pɔ́p. Pʉʉ cɛꞋlɛ Ɛpɛ́nɛt, mɔ́ɔmɑ́ wɑ́ɑ wɛ tʉʉndɛn. A nduŋmbi ŋu nɛzɑ́p tʉ́m nǔu Kɛlístɔ tsɛt pɑk-ŋɡɔŋ-Azîi.

1 Kɔlɛ̂ŋtɛ 16:19

MɛcúꞋlɛ-pʉɔ-Kɛlístɔ mi ɛ́ nǔu shʉ́-Azîi cɛꞋlɛ wʉ́ʉ. Akilɑs pɔ́p Pɛlɛsɛkɑ mbɑ cúꞋlɛ-pʉɔ-Kɛlístɔ yi ɛ́ jʉ́nɛ ndɑ́ pɔ́p lɔk lík-Tsɑpʉɔ ńcɛꞋlɛ wʉ́ʉ tɛꞋ.

2 Kɔlɛ̂ŋtɛ 1:8

Pɔ́ɔpɛ́mɑ́, pɛk sɛ́ ńtsɑ́ɑ ŋɡɔ pʉʉ jí ndɛn ŋɡʉ̈ɔ́Ꞌ yi pɛk kɑ jʉ́ɔnɛ tsɛt pɑk-ŋɡɔŋ Azîi, pɛk kɑ jʉ́ɔ ŋɡʉ̈ɔ́Ꞌ zúꞋu ńjʉ́ɔ tɛ mɛtʉʉ mɛk mɛ, pɛk tsʉ́Ꞌ ńzúꞋ ŋ́ɡʉ pɔ́ nɛpfú.

2 Timɔtɛ́ɛ 1:15

Ɔ sɛ́ ńjí pɑ́Ꞌ pʉɔtsʉʉ tsɛt pɑk-ŋɡɔŋ-Azîi mɛꞋ mɔ́ wɑ́ɑ tɛ mbɑ Fijɛ̂l pɔ́p Ɛlmɔjɛ̂l ɡúu.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»

Mɛnu ɛ́ ńdɑ́Ꞌ ńcẅɛt 1:4

Yɔ ŋwɑꞋnɛ fú mbɔ̌ mɔ Jɑ̂ŋ, ŋ ŋwɑꞋnɛ ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt ŋɡɔŋ-Azîi. Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, pɔ́p mɛzẅikŋɛ sɑɑmbɑ́ mi ɛ́ mbi kɔꞋ-nɛfɔɔ nɛ́, pɔ́p pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ yʉ́ʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.