ŊwɑꞋnɛ-Gɑŋntúu Yɛ́su Kɛlístɔ 2:3 - Kɑɑ Fí

³ Pɔ́p jʉ́ɔ yɛcɔ́ yúu cẅɛt, ḿbɔ́ pɑ́Ꞌ lʉ́m-múk lɑ́, ɛ́sɑ́ɑnɛ ńtʉ́ʉ nǔu mbɑ wɔ̌ lɑ́ tsɛtsɛt pɔ́p.

ŊwɑꞋnɛ-Gɑŋntúu Yɛ́su Kɛlístɔ 2:3 Кръстосани препратки

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Lúkɑ́shi 24:32

Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lɔk ḿbɔ́ yúu mi ɛ́ lɑ́Ꞌnɛ ŋ́ɡɛ lɑ́ sẅiŋɛ yɛ́ kúutɛ wǔu ŋkɑ́ yi pɛkŋɛ lɑ́Ꞌnɛ ḿbɔ́ sɛ̂ndúŋ ɑ pɔ́ ŋ́kyɛ́Ꞌtɛ nu-Sɛ́ ɛ́sẅíi wǔu lɑ́!»

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 2:11

Pɔ́p pɑyúdɑ pi pɔ́p lɛ́nɛ nǔu mɛlɛ́Ꞌ mɔnɛ. Pɛcɔ́ pʉɔ tsɛtsɛt pɛkŋɛ pɔ́ pɑyúdɑ píŋɡup, pɛcɔ́ pɔ́ pʉɔ pi pɔ́p kɑ pɛ́mnɛ nu-Sɛ́-pɑyúdɑ. Kɛ́ tʉ́ʉ pɑfú Kɛlɛ̂t pɔ́p Alɑ́bîi. Ɛ́ ɡɛ ŋɡɔ́ku pɛkŋɛ pɛtsʉʉ zúꞋ kwɑꞋ nǔu mɛsẅíŋɛ mɛkŋɛ mi ɛ́ mɛntɛ́ mɛntɛ́, pɑ́Ꞌ pʉɔ pɔnɛ cúnɛ pɑ́Ꞌ mɛfɑꞋ-Sɛ́ ɡúꞋnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 2:2

Pɛ́ nɑ́ŋ tɛ ńzúꞋ zʉꞋ fú tʉ́nɛ́pú ńzɛ nɛnʉꞋnɛ, ńnʉꞋnɛ pɑ́Ꞌ ŋkɑ́ yi ntʉʉ fɛ́m sɛ́ ńdɛɛ lɑ́, ńnʉꞋnɛ nʉꞋnɛ́nɛ tɛ ńjʉ́ ndɑ́ yi pɔ́p kɑ nɑ́ŋnɛ zúꞋu.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

1 Kɔlɛ̂ŋtɛ 12:10

Ɛ́ tɔ́ nǔu wɛcɔ́ ŋu yɛ́ pɔ́fɑꞋ yi ɑ lɔknɛ ŋ́ɡɑ́ fuꞋ níinɛ-ŋɡɑŋ ɛ́ pɔ́ ŋɡɑŋ nɛɡɛ mɛnu mɑ̌ɑmɑɑnɛ, ńtɔ́ nǔu wɛcɔ́ ŋ́ɡɑ́ fuꞋ níinɛ yɛ́ ɛ́ pɔ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ńtɔ́ nǔu wɛcɔ́ ŋ́ɡɑ́ pɔ́fɑꞋ yɛ́ ɑ jí yúu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ mbɑ yi ɛ́ fúnɛ mbɔ̌ mɛzẅikŋɛ kɛpɔŋ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ sẅiŋɛ mɛsẅíŋɛ mi ɑ kɑ zíꞋnɛ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ jí shʉ́ nɛlɔk ŋ́kyɛ́Ꞌtɛ mîmɑ́ mɛsẅíŋɛ.

Jɑ̂k 3:6

Lʉ́m pɛn ḿbɔ́ yɛ́ pɔ pɑ́Ꞌ múk, ḿbɔ́ zʉꞋ yí mɛnu kɛpɔŋ fúnɛ zúꞋu. Lʉ́m-ŋu nǔu mɛkɛm-mbʉʉ-ŋu, ḿbɔ́ yi kɛm ɛ́ níꞋnɛ ntsɛ́llɛ́ nǔu mbɑp-mbʉʉ tsʉʉ. Ɛ́ ɡʉ nɛkɛlɛmúk, ḿbɛ́ɛ múk, ńtɔ́ ńdɔk ńtɔɔ nɛnɑ́ŋ-ŋu pɔ tsʉʉ.

Mɛnu ɛ́ ńdɑ́Ꞌ ńcẅɛt 11:3

Ŋ́ɡʉ nǔu pɑjʉ́njʉ́ɔ pɑ́ɑ pɔ pɛ́pɑ́, mɔ ŋ́ɡɛ ŋ́ɡɑ́ wɔ́p nɛ́ mɛtʉʉ nɛlɔk ńcẅi Ŋkʉʉ wɑ́ɑ. Pɔ́p pɔ́, ḿmɑꞋ mɛndẅí lɔk ńdúŋ nɛvú nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛpɑ́ nɛ́ mɛɡɛ́mɛ́nɛ́ntúkú (1.260).

Mɛnu ɛ́ ńdɑ́Ꞌ ńcẅɛt 14:6

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.