3 Jɑ̂ŋ 1:3 - Kɑɑ Fí

³ Nu kɑ zɛɛ ḿbɔŋ wɑ́ɑ tɛꞋ, mbíꞋŋɡɔ pɛcɔ́ pɔ́ɔpɛ́mɑ́ pɛkŋɛ kɑ tɔ́ zɑꞋnɛ, ɛ́sẅíi wɑ́ɑ ŋɡɔ ɔ lɑt mɔ́ mbʉʉ yu nǔu nu nɛ́nẅín, ḿbɛn ḿbɔ́ ńnɛn zúꞋu pɔ pɑ́Ꞌ ɛ́ sɛ́ ḿbíkŋɛ.

3 Jɑ̂ŋ 1:3 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

1 Kɔlɛ̂ŋtɛ 13:6

ɑ kɑ́ tsɑ́ɑtɛ nǔu cɔtnu pɔ́, ɑ tsɑ́ɑtɛ yɛ́ pɔ nǔu nu nɛ́nẅín.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Filipɛ 1:4

Ŋ ɡɔ́ ḿbúꞋ mbɔ́ mbɔ̌ Sɛ́ nǔu tú yʉ́ʉ ŋkɑ́ tsʉʉ, tʉ́m yɑ́ɑ pɔ́ ńtsɑ́ɑtɛ tsɑ́ɑtɛ́nɛ,

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

2 Jɑ̂ŋ 1:4

Nu kɑ tsuŋ ḿbɔŋ wɑ́ɑ tɛꞋ pɑ́Ꞌ ŋ kɑ zúꞋnɛ ŋɡɔ pɛcɔ́ mbɔ́ŋkʉ̈ɔ́ sɛ́ ńnɛn nǔu sɛ̂ndúŋ-nu nɛ́nẅín pɑ́Ꞌ Tɑ́t wɛkŋɛ kɑ cúnɛ mbɔ̌ pɛkŋɛ lɑ́.

3 Jɑ̂ŋ 1:10

Ɛ́ yúu mi ɛ́ ɡɛnɛ mɔ ŋ́ɡɛ ńtɔ́ tɛ ŋ́kúu tsɛtsɛt pʉʉ, ŋ́kɛm mɛnu kɛpɔŋ mi ɛ́ ɡɛnɛ, ḿbɛn ɛ́sẅíi pʉɔ nɛ́ sẅiŋɛ kɛpɔŋ mbɑ cɔtnu yi ɑ cúnɛ nǔu pɛk. A kɑ́ ɡɛ pɔ ndɑꞋ pɔ́Ꞌɔ pɔ́, ɑ lʉꞋ nɛkúkŋɛ pɔ́ɔpɛ́mɑ́ pi pɔ́p pɛɡʉʉ, ḿbɛn ńtɔꞋ mbɑ pɛcɔ́ pʉɔ nɛkúkŋɛ wɔ́p, tɛ ɛ́fú tsɛt cúꞋlɛ ńzuŋ pʉɔ pi pɔ́p sɛ́ ńdɔɔ nɛkúkŋɛ wɔ́p.

3 Jɑ̂ŋ 1:2

Súu wɑ́ɑ wɛ tʉʉndɛn, mɔ sɛ́ ńtsɑ́ɑ ŋɡɔ ɔ zúꞋ sʉ́Ꞌnɛ nǔu mbɑ kʉ̈ɔ́ lɑ́, sɔŋ-mbʉʉ wú tɛntɛ pɑ́Ꞌ ɔ sɛ́ ńtɛntɛ nǔu nu-Kɛlístɔ lɑ́.

3 Jɑ̂ŋ 1:4

Yɑ́ɑ mɑ́mɑ́ tsɑ́ɑtɛ ɛ́ pɔ́ pɔ nɛzúꞋ ŋɡɔ mbɔ́ŋkʉ̈ɔ́ pɑ́ɑ sɛ́ ńnɛn pɔ pɑ́Ꞌ nu nɛ́nẅín sɛ́ ḿbíkŋɛ.

3 Jɑ̂ŋ 1:5

Súu wɑɑ wɛ tʉʉndɛn, ɔ jí yú pɔ ndɑꞋ Kɛlístɔ, ɔ cẅɛ́lɛ́ pɔ́ɔpɛ́mɑ́ tɛ mbɑ pi pɔ́p pɔ́ pɔ pɛɡʉʉ.