2 Jɑ̂ŋ 1:2 - Kɑɑ Fí

² Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

2 Jɑ̂ŋ 1:2 Кръстосани препратки

Jɑ̂ŋ 14:16

Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

1 Kɔlɛ̂ŋtɛ 9:23

Ŋ ɡɛ yîyɑ́ ŋɡɔŋ nu tsʉʉ pɔ pɑ́Ꞌ Ŋkʉʉ Sʉ́Ꞌnɛ ɡʉ ɛ́sɑt zʉꞋ, mbɑ pɑ́Ꞌ mɔ sɛ́ ńzẅíꞋlɛ yɑ́ɑ yúu sʉ́Ꞌnɛ yi ɛ́ fúnɛ nǔu Ŋkʉʉ Sʉ́Ꞌnɛ lɑ́.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

2 Pyɛ̂ 1:12

Ɛ́ yúu mi ɛ́ ɡɛnɛ ŋ ɡʉ ńdɑ́Ꞌ ńjúk kẅíitɛ wʉ́ʉ nɛ́ mɔnɛ mɛnu kẅíitɛ́nɛ tɛ mbɑ pɑ́Ꞌ pʉʉ sɛ́ ńjí, ḿbɛn ḿbɔ́ ńnɛn pɔ nǔu nu yi ɛ́ nɛ́nẅín yi pɛ́ kɑ sẅíinɛ wʉ́ʉ lɑ́.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

1 Jɑ̂ŋ 2:14

Mbɔ́ŋkʉ̈ɔ́ pɑ́ɑ, mɔ pɑ́Ꞌɑ ḿbɔ́ ŋ́ŋwɑꞋnɛ ɛ́sẅíi wʉ́ʉ ŋɡɔ pʉʉ sɛ́ ńjí Tɑ́t wɛkŋɛ, ŋ́ɡʉ nǔu pʉʉ pɛlʉ́m, mbɔ mɔ pɑ́Ꞌɑ ḿbɔ́ ɛ́sẅíi wʉ́ʉ ŋɡɔ pʉʉ sɛ́ ńjí ŋu ẅí ɑ ɡú tɛ ɛ́fú nzɛnɛ, ŋ́ɡʉ nǔu pʉʉ pɔ́ɔsuu, mɔ sɛ́ ɛ́sẅíi wʉ́ʉ ŋɡɔ, pʉʉ pɔ́ ńtɛntɛ tɛntɛnɛ, sẅiŋɛ-sɛ́ kɛ́ ḿbɔ́ pɔ tʉ́m pʉʉ, pʉʉ pɔ ńtɛn ńdɛɛ ŋu kɛpɔŋ.

1 Jɑ̂ŋ 2:17

Ndǔmbí zɛɛ ḿbɔ́ ńdɛɛ lɛɛnɛ, tɛ mbɑ yúu mi pʉɔmɛsɔŋ sɛ́ ńjʉ́ɔ ndǔmbí ńtsɑ́ɑ nɛɡẅɛɛ. Lɑ́ ŋu ẅí ɑ ɡɛnɛ yúu mi Sɛ́ sɛ́ ŋ́kɔŋ, ɑ ɡʉ ḿbɔ́ pɔ ɡú ŋkɑ́ tsʉʉ.