2 Timɔtɛ́ɛ 4:8 - Kɑɑ Fí

⁸ Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

2 Timɔtɛ́ɛ 4:8 Кръстосани препратки

Mɑtʉ̈ɔ 24:36

Lɑ́, ɛ́ kɛ́ ŋ́ɡʉ nǔu lɛ́Ꞌ ɛ̂yɑ́, pɔ ŋkɑ́ yi mɔnɛ mɛnu ɡʉ ŋ́ɡɛ ḿbɔ́ ńdɛɛ, mbɑ sɑ̌ɑ ŋu kɛ́ jí tɛ mbɑ pɛcʉ̈ɔ́Ꞌ-Sɛ́ pi pɔ́p tʉ́nɛ́pú, tɛ mbɑ mɔ́ɔ-Sɛ́, ndɑꞋ Tɑ̌ɑ zɛnɛjʉ́ jínɛ.

Mɑtʉ̈ɔ 7:22

Ɛ́ ɡʉ ńdɑ́Ꞌ ḿbɔ́ lɛ́Ꞌ yi mɔ ŋ́ɡɛ ńzɑ́Ꞌ tsɑŋ, pʉɔ tɛ ńzɑ́ɑ cú ŋɡɔ: «Tsɑpʉɔ! Tsɑpʉɔ! Pɛk ŋkɑɑ ḿbɔ́ ńdɔk pɔ lík yú ɛ́sẅíi nu-Sɛ́ pɔ́ ɔɔ? Pɛk ŋkɑɑ pɔ́ ńdɔk pɔ lík yú ńzuŋ mɛzẅikŋɛ kɛpɔŋ pɔ́ ɔɔ? Pɛk kɑ pɔ́ ńdɔk pɔ lík yú ŋ́ɡɛ ndɑɑkɑ́jʉ́ɔ nu pɔ́ ɔɔ?»

Lúkɑ́shi 10:12

«Ɔ́ɔŋ, ɛ sẅíi wʉ́ʉ, ɛ́ ɡɛ ńdɑ́Ꞌ ḿbɔ́ lɛ́Ꞌ yi Sɛ́ ŋ́ŋɑk pʉɔmɛsɔŋ, tsɑ́ŋ pîpɑ́ pʉɔ zɑ́ɑ ńdɛɛ yɛ pʉɔ-Sɔdɔ́m.»

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

1 Kɔlɛ̂ŋtɛ 2:9

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Yúu mi ŋumɛsɔŋ kɑ́ pɔ́ ńjʉ́ɔ pɔ́ ŋ́kɛ́ ḿbɔɔ ńzúꞋ pɔ́, mbɔ ɑ kɑ́ pɔ́ ńzɛɛ ŋ́kwɑŋɛ pɔ́, Sɛ́ kɑ niitɛ́nɛ yîyɑ́ yúu ńzɑ́p. Nɛpɔ́ yi pʉɔ pi pɔ́p kɔŋnɛ wɛ́ ɡʉ ŋ́ɡɛ ńjʉ́ pii.»

1 Kɔlɛ̂ŋtɛ 3:13

Mbɔ ɛ́ kɑ pɔ́ yɛcɔ́ lɔ́Ꞌ pɔ́. FɑꞋ-mbɑ wɔ̌ lɑ́ ɡʉ ńdɑ́Ꞌ ńcẅɛt mɑ́ntɑ́ɑ. Pɛ́ ɡʉ ńdɑ́Ꞌ ńjʉ́ɔ nǔu lɛ́Ꞌ yi pɛ́ ŋɑknɛ mɛtsɑŋ. MbíꞋŋɡɔ múk ɡʉ ńdɑ́Ꞌ ńdɛɛ nǔu fɑꞋ mbɑ wɔ̌ lɑ́ tɛ pɛ́ jʉ́ɔ pɑ́Ꞌ ɛ́ zúꞋu ḿbɔ́ pɔ́Ꞌɔ.

1 Kɔlɛ̂ŋtɛ 9:25

Pɑɡɛ mɛtɑ́ɑmɛ mi nu mɛtʉʉ nǔu, pɔ́p lʉꞋ mɛyúu tɛꞋ, ńjí pɑ́Ꞌ pɔ́p ɡʉ ŋ́ɡẅɛɛ mbʉʉ yɔp pɔ́Ꞌɔ, ńdɔk ńtsɑ́ɑ pɑ́Ꞌ pɛ́ ɡʉ ńdɑ́Ꞌ ńtɔꞋ ŋɡúꞋ yɔp. Yîyɑ́ ŋɡúꞋ pɔ́ yi ɛ́ ɡʉ ńdɑ́Ꞌ ḿbʉ́ʉpɛ. Lɑ́ ŋ́ɡʉ nǔu pɛkŋɛ, pɛkŋɛ ɡɔ́ ŋ́ɡɛ pɔ́Ꞌɔ, ńtsɑ́ɑ ŋɡúꞋ yi ɛ́ kɛ́ lɑ́Ꞌ pʉ́ʉpɛ pɔ́.

2 Kɔlɛ̂ŋtɛ 5:2

Ɛ́ yúu mi ɛ́ ɡɛnɛ pɛkŋɛ pɔ́ ŋkɔ̂ɔnɛ ḿbɔ́ ńdɑɑ, ńtsɑ́ɑ nɛpɔ́ tsɛt ndɑ́ yɛkŋɛ tʉ́nɛ́pú, nɛpɔ́ tsɛtú pɑ́Ꞌ ŋu ẅi ɑ tsɛt ndẅí fí yi ɑ mɑꞋnɛ lɑ́.

Filipɛ 3:11

nɛpɔ́ yi, ɛ́ lɑɑ ḿbɔɔ pɔ́ pɔ kʉ̈ɔ́ pɔ́, Sɛ́ lɑ́Ꞌ ŋ́ɡɛ n zẅíimɛ yɑ́ɑ nǔu nɛvú pɑ́Ꞌ Kɛlístɔ.

Kɔlɔsíyɛ̂ŋ 1:5

Pʉʉ ɡɛ pɔ́Ꞌɔ, mbíꞋŋɡɔ pʉʉ sɛ́ ńzẅíꞋlɛ yúu mi Sɛ́ kɑ niitɛ́nɛ ńzɑ́p tʉ́nɛ́pú mbíꞋ wʉ́ʉ. Pʉʉ kɑ ɡɔ́ ńjí yîyɑ́ yúu, ɛ́fú nǔu nu nɛ́nẅín yi pɛ́ kɑ sẅíinɛ wʉ́ʉ, yîyɑ́ nu nɛ́nẅín fú nǔu Ŋkʉʉ Sʉ́Ꞌnɛ.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

1 Tɛsɑlɔník 5:4

Lɑ́ ŋ́ɡʉ nǔu pʉʉ pɔ́ɔpɛ́mɑ́, mbɔ pʉʉ kɑ́ pɛ́t ḿbɔ́ pɔ tsɛt nzɛ́nzʉ́ʉ pɔ́, nǔu ntɛ́ yi yîyɑ́ lɛ́Ꞌlɑ́Ꞌ ɡʉ ńtɔ́ nǔu pʉʉ pɔ pɑ́Ꞌ ntsɔ́ŋ pɔ́.

2 Tɛsɑlɔník 2:8

Jʉ́ fɔɔ-mɛnu kɛpɔŋ ɡɔ́ɔ ŋ́kɛ́ ńcẅɛt. A jʉ́ ẅi Tsɑpʉɔ Yɛ́su ɡʉ ńdɑ́ fɑ́k zwɛ́t-ntsu wɛ́ nǔu wɛ́ ɑ pfú, ntɛ́ yi Yɛ́su lɔknɛ ńtɔ́, ɡɛ ɑ mɛ.

1 Timɔtɛ́ɛ 6:19

Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.

2 Timɔtɛ́ɛ 1:10

Ɛ́ ŋkɔ̂ɔnɛ, mbɔ Sɛ́ ɡɛ pɛkŋɛ jʉ́ɔ yîyɑ́ pɔŋtʉ́m mɑ́ntɑ́ɑ, mbíꞋŋɡɔ ŋu ẅí ɑ ɡɛnɛ pɛkŋɛ luk, Yɛ́su Kɛlístɔ tɔ́ mɔ́. Jʉ́ kɑ ɡẅɛɛnɛ nɛvú ńcẅɛ́ɛ mɛtʉʉ mɛ́. Jʉ́ kɑ cẅinɛ Ŋkʉʉ sʉ́Ꞌnɛ mbɔ̌ pɛk, ńnyɛt wɛkŋɛ ŋɡɔ ŋu lɑɑ ńnɛn pɑ́Ꞌ Ŋkʉʉ Sʉ́Ꞌnɛ ɛ̂wɑ́ cúnɛ ɑ ɡẅɛɛ Luk kɛ́mɛ mbɔɔ pɛn ḿpfú pɔ́.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

2 Timɔtɛ́ɛ 1:18

Mɔ sɛ́ ḿbúꞋ mbɔ́ mbɔ̌ Tsɑpʉɔ ŋɡɔ ɑ lɑ́Ꞌ lɛ́Ꞌ nɛzɑ́Ꞌ ntsɑŋ ŋ́ɡẅɛɛ pɔŋtʉ́m nǔu wɛ́. KwɑꞋ ɡu sɛ́ ńjí pɑ́Ꞌ ŋ kɑ pɛ́t tʉ́sɔŋ-Ɛ́fɛ̂zɛ ɑ cẅɛ́lɛ́ wɑ́ɑ pɔ́Ꞌɔ.

2 Timɔtɛ́ɛ 2:5

Ndʉ́ŋndʉŋ pɑ́Ꞌ ŋu lɑɑ ḿbɔ́ ŋ́kʉɔ ndʉ́ɔlɛ́, mbɔɔ kʉɔ nǔu ntɛ́ yi nɛpʉ́ʉ-ndʉ́ɔlɛ́ sɛ́ ḿbíkŋɛ pɔ́, pɛ́ pɔɔ tsɔ́Ꞌ fɑꞋ yɛ́ pɔ́.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 12:11

Ɛ́ nɛ́nẅín ŋɡɔ ɛ́ ɡʉ ŋkɑ́ yi pɛ́ sɛ́ ŋ́kɑkŋɛ ŋu, nu pɔɔ ŋɡɑŋ ŋkɑ́ ɛ̂yɑ́ pɔŋ, nu pʉ́k wɛ́ pʉ́knɛ. Lɑ́ yɛcɔ́ ŋkɑ́ ŋ́ɡɛ ḿbɔ́, pʉɔ pi pɔ́p kɑ fúnɛ nǔu ńzíꞋ yúu, ɡɛ yúu mi ɛ́ ndʉ́ŋndʉŋ mbi Sɛ́, ḿbɛn ńnɑ́ŋ nɛ́ mbɔ́tnɛ.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Pyɛ̂ 1:4

ɛ́ pɔ́ ntʉ̈ɔt wɛkŋɛ ẅí ɛ́ tʉ́nɛ́pú, mbɔ Sɛ́ kɑ lẅɛꞋ mbɔ̌ pɛkŋɛ, yi ɛ́ lɑɑ ḿbɔ́ ɛ́ pɔɔ pʉ́ʉpɛ, ntsɛ́llɛ́ kɛ́ mbɔɔ ɡẅɛɛ, ɛ́ kɛ́ ḿbɔɔ lʉ̈ɔ́,

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 19:11

M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 4:4

Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.