2 Timɔtɛ́ɛ 4:21 - Kɑɑ Fí

²¹ Sɑ́Ꞌ tʉʉ ńtɔ́ lɑ ŋkɑ́-fɑ́k zɛ. Ɛbulûs, mbɑ Pudɛ̂ns, mbɑ Linus, mbɑ Kɛlɔ́dyɑ ŋ́ɡɛ pɔ́ɔpɛ́mɑ́ tsʉʉ sɛ́ ńcɛꞋlɛ wú.

2 Timɔtɛ́ɛ 4:21 Кръстосани препратки

Lúkɑ́shi 12:58

N dɑ́Ꞌ ŋɡɔ, ŋu pɔ́p ŋu lɑɑ ŋ́ɡẅɛɛ nzɔ́, ɑ pɔ́ ńdɔ́ɔ nɛɡɛ pɛ́ jʉ́ɔꞋ wɛ́ ndɑ́tsɑ́ŋ, mbɔ ŋɡɑŋ ɡɛ ńzẅíꞋlɛ wɛ́, pɔ́p mɛ ɡɔ́ŋ sɛ̂ndúŋ ńniitɛ. A lɑɑ ḿbɔɔ pɔ́Ꞌɔ ɡɛ, mbɔ pɛ́ ɡɛ ńdɔk wɛ́ ŋ́ɡʉ mbi tɑ́tndɑ́-pɑŋɑkntsɑŋ, ɑ ŋɑk wɛ́ ńníꞋ wɛ́ ndɑ́tsɑ́ŋ.

1 Kɔlɛ̂ŋtɛ 16:20

Pɔ́ɔpɛ́mɑ́ pɛ́tsʉʉ pi pɔ́p zɑꞋnɛ cɛꞋlɛ wʉ́ʉ. Pʉʉ ńcɛꞋlɛ mɛmbʉʉ mʉ́ʉ, ńtsʉ́Ꞌ nɛcɛꞋlɛ, ńniitɛ mɛmbʉʉ mʉ́ʉ nǔu ntɛ́ yɛ pʉɔ-Sɛ́.

2 Kɔlɛ̂ŋtɛ 13:13

Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ pɛtsʉʉ, ŋkɔŋɛ-Sɛ́ mbɑ Zẅikŋɛ Lɛ́ɛnɛ́nɛ yi ɛ́ tɛ́mtɛ́nɛ wɛkŋɛ pɔ́ ḿbɔ́ tsɛtsɛt pʉʉ pɛtsʉʉ.

Filipɛ 4:22

Pʉɔ-Kɛlístɔ tsʉʉ cɛꞋlɛ wʉ́ʉ, n cú pɑ́Ꞌɑ kɛ́ likŋɛ cɛꞋlɛ yɛ́ pʉɔ-Kɛlístɔ pi pɔ́p ntɔ́Ꞌ-Kɑ́sɑ.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

2 Timɔtɛ́ɛ 4:13

Ɔ lɑɑ ḿbɔ́ ńtɔ́, ɔ lɔk ndẅí-fɑ́k yɑɑ yi ŋ kɑ nɑ́nɛ tʉ́sɔŋ-Tɔ̂lɑ́s njɛ́Ꞌ Kɑlpûs ńdɔk ńtɔ́, ḿbɛn ńdɔk mbɑ mɛŋwɑꞋnɛ ńtɔ́, kɔɔ likŋɛ mi ɛ́ pɔ́ pɔ ŋɡup-nɑɑ lɑ́.

2 Timɔtɛ́ɛ 4:9

Sɑ́Ꞌ tʉʉ fɛ́Ꞌnɛ ńtɔ́ ŋ́kẅɛ́ɛtɛ wɑ́ɑ zɑ́Ꞌnɛ.

Tîtɛ 3:12

N dɑɑ ńtúu Altɛmîs kɛ pɔ Tishik ɔɔ mbɔ̌ ɡu, ɔ sɑ́Ꞌ tʉʉ tɛ ńtɔ́ ŋ́kẅɛ́ɛtɛ wɑ́ɑ tʉ́sɔŋ-Nikɔpɔlɔs. Ɛ́ zʉꞋ yi ŋ kɑ zɑ́pnɛ ŋɡɔ ŋ ɡʉ ńnɑ́ŋ zúꞋu nǔu ŋkɑ́-fɑ́k ɡwɛ́.

2 Jɑ̂ŋ 1:13

Mbɔ́ŋkʉ̈ɔ́-mɔ́ɔmɑ́ ɡu wɛ mɑŋɡɛ́ ẅí Sɛ́ kɑ tsɔ́Ꞌnɛ wɛ́, cú ŋɡɔ n cɛꞋlɛ wú ŋ́ɡɑ́ mbɔ̌ pɔ́p.

3 Jɑ̂ŋ 1:14

Mɔ sɛ́ ŋ́kwɑŋɛ nɛtɔ́ ńjʉ́ɔ wú, pûu nɑ́ŋ sɛ́ sẅiŋɛ.