2 Timɔtɛ́ɛ 3:15 - Kɑɑ Fí

¹⁵ Ɔ kɑ ɡɔ́ ńdɔ sɛ́ ḿbɔ́ ńjí yúu mi ŋwɑꞋnɛ-Sɛ́ yɛ́tɛ́, ḿbɔ́ yɛ́tɛ́ ɡɑ́nɛ wú nɛ́ jínu nɛlɔk ńzɑ́p tʉ́m nǔu Yɛ́su Kɛlístɔ, Sɛ́ ɡɛ ɔ luk.

2 Timɔtɛ́ɛ 3:15 Кръстосани препратки

Mɑtʉ̈ɔ 22:29

Yɛ́su pʉ̈ɔt mbɔ̌ pɔ́p ŋɡɔ: «Jínu yʉ́ʉ sɛ́ fʉ́klɛ wʉ́ʉ mbíꞌŋɡɔ pʉʉ kɑ́ jí yúu ɛ́ tsɛt ŋwɑꞋnɛ-Sɛ́ pɔ́, ḿbɛn ŋ́kɛ́ mbɔɔ jí pɑ́Ꞌ mɛtʉʉ-Sɛ́ pɔ́Ꞌɔ, pɔ́.»

Lúkɑ́shi 1:15

A ŋ́ɡɛ ńdɑ́Ꞌ ḿbɔ́ mbɔ̌ Sɛ́ ḿbɔ́ ŋu tɛꞋ. A ńdɑ́Ꞌ ḿbɔɔ mɛluꞋ ńnɔ́ pɔ́, tɛ mbɑ kʉ̈ɔ́ lɑ́ yi ḿbɔ́ ŋu nɔ́ ḿbɑ́. A ŋ́ɡɛ ńdɑ́Ꞌ ńzɛɛ ŋ́ɡɔ ńcẅɛt nɛpɛm-mɑ́ wɛ, mbɔ Zẅikŋɛ Lɛ́ɛnɛ́nɛ jʉ́ mɔ́ wɛ́.

Lúkɑ́shi 2:40

Mɔ́ɔ pɔ́ ŋ́ɡúꞋ, jínu yɛ́ pɔ́ ŋ́kẅiꞋ tɛꞋ, ɑ pɛn ḿbɔ́ ńjí yúu mi Sɛ́ sɛ́ ŋ́kɔŋ ŋɡɔ pʉɔmɛsɔŋ ɡɛ, Sɛ́ pɛn ḿbɔ́ nɛ́ jʉ́.

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Lúkɑ́shi 24:32

Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lɔk ḿbɔ́ yúu mi ɛ́ lɑ́Ꞌnɛ ŋ́ɡɛ lɑ́ sẅiŋɛ yɛ́ kúutɛ wǔu ŋkɑ́ yi pɛkŋɛ lɑ́Ꞌnɛ ḿbɔ́ sɛ̂ndúŋ ɑ pɔ́ ŋ́kyɛ́Ꞌtɛ nu-Sɛ́ ɛ́sẅíi wǔu lɑ́!»

Lúkɑ́shi 24:45

Ŋ́ɡɔ́ɔ ŋ́kɛ́ ńtsɔ́Ꞌ jínu yɔ́p, ŋ́ɡɛ pɔ́p zúꞋ mɛnu mi ɛ́ tsɛt ŋwɑꞋnɛ-Sɛ́.

Jɑ̂ŋ 5:47

Pɑ́Ꞌ pʉʉ kɑ́ pɔ́ ḿbɛ́m nu yí Mɔ̌sɛ̂ɛ kɑ ŋwɑꞋnɛ́nɛ pɔ́ lɑ́, pʉʉ ɡʉ ŋ́ɡɛ pɑ́Ꞌɑ lɑ́ ḿbɛ́m nu yí n cúnɛ?

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 13:29

Pɔ́p kɑ pɔ́ tɛ ŋ́ɡɛ mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ntɛ́ jʉ́ Yɛ́su, pɔ́p ɡɛ pɛ́ fú nǔu tʉ́ mbɑ́ŋtɛ pɑ́ŋtɛ́nɛ ŋ́kɔk wɛ́, ńníꞋ tsɛt nɛshi.

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

ŊwɑꞋnɛ-Gɑŋntúu Yɛ́su Kɛlístɔ 17:2

Pɔ̂l kúu tsɛt yîyɑ́ ndɑ́-cúꞋlɛ nɛjʉ́ɔ pɑyúdɑ, pɑ́Ꞌ ɛ́ ḿbɔ́nɛ mɑt mbɔ̌ wɛ́, nɛkúu mbɑ yɛ́tɛ́ tʉ́sɔŋ lɑ́ ńjʉ́ɔ ndɑ́-cúꞋlɛ-Pɑyúdɑ. Pɔ́p pɛ́ pɑyúdɑ pɔ́ ɛ́fúŋ ŋwɑꞋnɛ-Sɛ́ ɛ́shyɛ́ɛ kɔŋ ŋ́ɡɑ́ nǔu mɛlɛ́Ꞌnji mɛ́ntɑ́t.

ŊwɑꞋnɛ-Gɑŋntúu Yɛ́su Kɛlístɔ 26:24

Pɔ̂l pɔ́ ḿbɛ́ɛtɛ ntsu wɛ́ pɔ́Ꞌɔ, ŋɡɔ́mnɑɑ Fɛstus cẅɛ́ɛ sẅiŋɛ ŋ́kɑꞋ ŋɡi yɛ ńcú ŋɡɔ: «Pɔ̂l, ɔ pɑ́lɛ. Ɔ kɑ́ pûu, ńzíꞋ yúu zíꞋnɛ tɛ ɛ́ pʉ́ʉpɛ tú yú.»

Pʉɔ-Lɔ́mɑ 1:2

Ntí sɑk pɑ́Ꞌ Sɛ́ kɑ lɑ́Ꞌnɛ ŋkɑꞋ ẅîwɑ́ Ŋkʉʉ Sʉ́Ꞌnɛ tɛ ŋ́ɡɛ pɑcẅiŋkʉʉ pɛ́ pɛ́ ŋkɑ́mbi ŋwɑꞋnɛ tsɛt ŋwɑꞋnɛ yɛ́.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

Ɛ́fɛ̂zɛ 6:4

Pʉʉ pɛtɑ́t-mbɔ́ŋkʉ̈ɔ́, kɔɔ pʉʉ ɡɛ lɔ́ŋ-mbɔ́ŋkʉ̈ɔ́ pʉ́ʉ zɑ́ŋ. Pʉʉ tsʉ́Ꞌ nɛtsɑ́p wɔ́p, ńtík wɔ́p, ńzíꞋ wɔ́p nɛ́ yúu mi Tsɑpʉɔ sɛ́ ŋ́kɔŋ.

1 Timɔtɛ́ɛ 4:13

Pɔ́ ɛ́fúŋ ŋwɑꞋnɛ-Sɛ́ mbi pʉɔ, ḿbɔ́ ńníꞋ mɛtʉʉ-pʉɔ, ḿbɔ́ ńzíꞋ wɔ́p nɛ́ yúu lɑ́ ńdɔk ńzẅíꞋlɛ wɑ́ɑ.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

2 Pyɛ̂ 3:16

A cú yîyɑ́ nu tsɛt mɛŋwɑꞋnɛ mi ɑ ŋwɑꞋnɛnɛ tsʉʉ, ŋkɑ́ yi ɑ cúnɛ nu tɛ ŋ́kẅíi yɔ tú-nu. MɛzʉꞋ mi ɛ́ tɛn nɛzúꞋ ɛ́ tsɛt mɛŋwɑꞋnɛ mɛ́. Ɛ́ yúu mi ɛ́ ɡɛnɛ pʉɔ pi pɔ́p mɔɔtɛ mɔɔtɛ́nɛ, ḿbɛ́t kɛ́ tsuŋ ńjí zʉꞋ yi pɔ́p tʉ́ʉnɛ zúꞋu kúpmɛ nu yi ɛ́ lɔknɛ ńcú. Ɛ́ pɛn ḿbɔ́ pɔ pɑ́Ꞌ pɔ́p ɡɛnɛ nǔu mɛcɔ́ mɛzʉꞋ-ŋwɑꞋnɛ-Sɛ́. Pɔ́p kɛ́ ŋ́ɡɛ pɔ́Ꞌɔ, ńdɔk ɛ́fúŋ ndɔɔ ńníꞋ tú pɔ́p.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!