2 Timɔtɛ́ɛ 2:5 - Kɑɑ Fí

⁵ Ndʉ́ŋndʉŋ pɑ́Ꞌ ŋu lɑɑ ḿbɔ́ ŋ́kʉɔ ndʉ́ɔlɛ́, mbɔɔ kʉɔ nǔu ntɛ́ yi nɛpʉ́ʉ-ndʉ́ɔlɛ́ sɛ́ ḿbíkŋɛ pɔ́, pɛ́ pɔɔ tsɔ́Ꞌ fɑꞋ yɛ́ pɔ́.

2 Timɔtɛ́ɛ 2:5 Кръстосани препратки

Lúkɑ́shi 13:24

«Pʉʉ lɔ́ɔ shʉ́ pɔ nɛtɔ́k nǔu ntsundɑ́ ẅi ɛ́ kʉ́ʉpɛ kʉ́ʉbɛ́nɛ. Pʉʉ jí sʉ́Ꞌnɛ ŋɡɔ pʉɔ tɛ ńzɑ́ɑ ɡɛ ńdɑ́Ꞌ ńdɔ́ɔ nɛkúu tsɛtú lɑ́ ḿbɛn ŋ́kɛ́ ḿbɔɔ kuꞋ.»

Filipɛ 1:15

Ɛ́ nɛ́nẅín ŋɡɔ pɛcɔ́ pʉɔ sɛ́ ɛ́sẅíi nu-Kɛlístɔ pɔ nɛlɔk ńdɔɔ nu nǔu mɔ, mbɑ nɛlɔk ńdʉŋtɛ ntí. Lɑ́ pɛcɔ́ kɛ́ ɛ́sẅíi yɔ́p pɔ nɛ́ kwɑŋɛ sʉ́Ꞌnɛ.

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

Ɛ́bɛlʉʉ 12:4

Pʉʉ zɛɛ ḿbɛ́t pɔ kɛ́ lɔk pɑ́Ꞌ pʉʉ sɛ́ ńdʉꞋ nu kɛpɔŋ, ḿbyɛ́p ntsɔ tɛ pɛ́ tswɛt mɛci mʉ́ʉ.

Ɛ́bɛlʉʉ 2:7

Ɔ kɑ ɡʉ nǔu pɑ́Ꞌ pɛcʉ̈ɔ́Ꞌ-Sɛ́ pɔ́nɛ, ŋ́kɔk wɛ́ ŋ́ɡɑ́ sɛ́ pɔ mɔ́zʉꞋ ŋ́ɡɑ́ fuꞋ níinɛ yɛ́, ńtɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ.

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 3:11

Ŋ ɡʉ fɛ́Ꞌnɛ ńtɔ́. Pʉʉ ɡẅɛɛ yúu mi ɛ́ mbɔ̌ pʉʉ tɛ ɛ́ tɛn ńjí ŋɡɔ wɛcɔ́ ŋu kɛ́ cẅɛ́ɛ yʉʉ ŋɡúꞋ pɔ́.

Mɛnu ɛ́ ńdɑ́Ꞌ ńcẅɛt 4:10

pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́m mɛmbɑ́, pfúu ŋ́kẅíꞋlɛ mbi ŋu ẅí ɑ nɑ́ŋnɛ ndǔ kɔꞋ-nɛfɔɔ, ŋ́ɡúꞋlɛ wɛ́ ẅi ɑ pɔ́ pɔ ɡú nǔu mɛŋɡuꞋ mɛŋɡuꞋ, ńtsɔ́Ꞌ mɛcɔꞋ-nɛfɔɔ tú pɔ́p, ńnɔŋ mbi kɔꞋ-nɛfɔɔ, ḿbɔ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 4:4

Mɛcɔ́ mɛkɔꞋ-nɛfɔɔ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ kɑ zɛmɛ yîyɑ́ kɔꞋ-nɛfɔɔ ńníꞋ sɔŋ. Pɛlʉ́m ntsɔ̌pɛ́nɛ́kwɑ nɛ́ mɛɡɛ́m mɛ́mbɑ́ nɑ́ŋtɛ ndǔ, ḿmɑꞋ mɛfúfú ndẅí, ńtɔꞋ mɛcɔꞋ-nɛfɔɔ mi pɛ́ kɑ lɔknɛ tʉ́n-ŋɡɔ̂l ńniitɛ.