2 Timɔtɛ́ɛ 2:19 - Kɑɑ Fí

¹⁹ Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

2 Timɔtɛ́ɛ 2:19 Кръстосани препратки

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑtʉ̈ɔ 7:23

Ŋ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Mɔ ŋkɑɑ mɔ zɛɛ ńjí wʉ́ʉ pɔ́, pʉʉ pɑfʉꞋ mɛnu kɛpɔŋ, pʉʉ fú nɛjɔ́ŋ mɔ ńtsʉ́ʉtɛ.»

Mɑtʉ̈ɔ 7:25

Mbʉŋ ɡɛ ńdɔ́, ŋ́ɡʉ ŋki tɔ́, fɛfʉ̈ɔt tsʉ́Ꞌnɛ, ńtɛ́mɛ nǔu ndɑ́. Ndɑ́ pɔɔ vu, mbíꞋŋɡɔ pɛ́ kɑ tík ndɑ́ nǔu ŋɡɔꞋ.

Mɑ́lɛ́kúshi 12:16

Pɔ́p lɔk pɑk-ŋkɑ́p ńtɔ́, ɑ píkŋɛ wɔ́p ŋɡɔ: «Yɔ shʉ́ wɔ̌ ẅi ɛ́ nǔu ŋkɑ́p? Yɔ lík wɔ̌ yi ɛ́ nǔu?» Pɔ́p tsɔ́Ꞌ mbɔ̌ wɛ́ ŋɡɔ: «Ɛ́ yɛ́ Kɑ́sɑ, lík pɛn ḿbɔ́ pɔ yɛ́.»

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Lúkɑ́shi 13:27

Lɑ́, ɑ pɛn ńcú mbɔ̌ pʉʉ ŋɡɔ: «Ŋ kɑ́ pɔ́ ńjí pʉɔ pinɛ pʉʉ pɛ́t pɔ́. Pʉʉ fú ntsundɑ́ mɔ ŋ́ɡʉtɛ, pʉʉ ɡɑŋmɛzɛm!»

Lúkɑ́shi 6:48

Ŋɡɑŋ pɔ́ pɑ́Ꞌ wɛcɔ́ ŋu ẅí ɑ kɑ tsʉ́Ꞌ nɛkút ndɑ́, ḿbiitɛ ńtúŋ zʉꞋ túŋnɛ tɛ ŋ́kúu nǔu mɑ́mɑ́ ŋɡɔꞋ lɑ ḿbɔ́ɔ cʉ́ndɑ́, lɑ ńtík ndɑ́ ndǔ. Mbʉŋ ɡɛ ńdɔ́, ŋ́ɡʉ ŋki tɔ́ ńtɛ́mɛ nǔu cʉ́ndɑ́, lɑ́ ŋ́kɛ́ ḿbɔɔ kuꞋ nɛɡɛ tɛ ɛ́ ŋɑtnɛ pɔ́, mbíꞋŋɡɔ pɛ́ kɑ niitɛ ŋ́kút ndɑ́ sʉ́Ꞌnɛ.

Jɑ̂ŋ 10:14

Mbyɛ́p mbí wɛ sʉ́Ꞌnɛ ɑ mɔ, mɔ sɛ́ ńjí mɛnjinjɔ mɑ́ɑ, pɔ́p pɛn ḿbɔ́ ńjí wɑ́ɑ.

Jɑ̂ŋ 13:18

Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

ŊwɑꞋnɛ-Gɑŋntúu Yɛ́su Kɛlístɔ 11:26

ŋ́kúu zúꞋu, ńjʉ́ɔ wɛ́, ńdɔk wɛ́ ḿbɛn nɛ́ Antíyɔshɛ. Pɔ́p pɛ́pɑ́ ŋ́ɡɛ pɑpɛ́m Yɛ́su tɛmtɛ ńnɑ́ŋ Antíyɔshɛ nǔu tɑ́Ꞌ ŋɡuꞋlɑ́Ꞌ. Pɔ́p pɔ́ ńzíꞋ pʉɔ tɛ ńzɑ́ɑ nɛ́ yúu. Pɛ́ kɑ zɛ pɔ Antíyɔshɛ ɛ̂wɑ́ nɛfúŋ pɑpɛ́m Yɛ́su ŋɡɔ: «Pʉɔ-Kɛlístɔ.»

ŊwɑꞋnɛ-Gɑŋntúu Yɛ́su Kɛlístɔ 15:17

Pʉɔ pí pɔ́p kɑ́ pɔ́ pɑyúdɑ pɔ jʉ́ɔ pɔ́Ꞌɔ, ńdɔɔ Tsɑpʉɔ. Ɔ́ɔŋ, n cú túu nɛ́ túu yi mɔ ŋ́ɡɛ ɛ́fúŋ wɔ́p ŋɡɔ pɔ́p tsʉ́Ꞌ pʉɔ pɑ́ɑ. Mɔ Tsɑpʉɔ Sɛ́ cúnɛ pɔ́Ꞌɔ. A lɔk pɑ́Ꞌɑ ŋ́ɡɛ mɛnu mí ɑ kɑ zɑ́pnɛ.

ŊwɑꞋnɛ-Gɑŋntúu Yɛ́su Kɛlístɔ 9:14

A pɛn ŋ́ɡɔ ḿbɔ́ zɑꞋnɛ pɑ́Ꞌɑ, mbɔ pɛtɑ́tndɑ́-pɑnɔŋpɔꞋ túunɛ wɛ́. Tɛ ɑ ɡẅɛɛ pɑ́Ꞌ ɛ́ lɑɑ ḿbɔ́ ɑ ɡẅɛɛ ŋɡɔŋ pʉɔ tsʉʉ pi pɔ́p fúŋnɛ lík yú, ŋ́kút wɔ́p.»

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Pʉɔ-Lɔ́mɑ 12:9

Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

Pʉɔ-Lɔ́mɑ 15:9

Kɛlístɔ kɑ pɔ́ ḿbɛn ńtɔ́ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ŋ́ɡúꞋlɛ Sɛ́ mbíꞋ pɔŋtʉ́m yɛ́ nǔu pɔ́p. Ɛ́ zɛɛ ŋ́ɡɔ ḿbɔ́ ŋwɑꞋnɛ-Sɛ́ cú ŋɡɔ: «Ɛ́ yúu mi ɛ́ ɡʉ ŋ́ɡɛ n tʉ́ʉ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ŋ́ɡúꞋlɛ wú ḿbɛn ńzɔp ŋ́ɡúꞋlɛ lík yú.»

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

Pʉɔ-Lɔ́mɑ 9:11

Sɛ́ kɑ cú mbɔ̌ Lɛbɛ́kɑ ŋɡɔ, nduŋmbi mɔ́ɔ ɡʉ ŋ́ɡɛ ɛ́fɑꞋ mbɔ̌ wɛ nzʉʉ. Sɛ́ kɑ pɔ́ ńcú pɑ́Ꞌnɛ, mɑ́ wɔ́p pɛ́t pɔ́ shǔutɛ nǔu pɔ́p, mbɔ ɑ ŋ́kɑɑ pí wɔ́p lɑ pɔ́p jí nu sʉ́Ꞌnɛ kɛ yi kɛpɔŋ ɔɔ. Sɛ́ kɑ ɡɛ pɑ́Ꞌnɛ nɛlɔk ńnyɛt ŋɡɔ ɑ nɑ́ŋ ḿbɔ́ ŋ́ɡɛ pɔ yúu mi jʉ́ Sɛ́ sɛ́ ŋ́kɔŋ. A pɔ́ ŋ́ɡʉ tsɛtsɛt pʉɔ ńtsɔ́Ꞌ ŋu wɛ, mbɔɔ ɛ́fú pɔ́ nǔu nu sʉ́Ꞌnɛ yi ŋɡɑŋ ɡɛnɛ pɔ́.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 8:3

Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ɛ́fɛ̂zɛ 2:20

Pʉʉ tsʉ́Ꞌ ḿbɔ́ pɔ pɑ́Ꞌ mbɛlʉ̂k yi pɛ́ lɔknɛ ḿbɔ́ɔ ndɑ́. Cʉ́ndɑ́ pɔ́ ɡɑŋntúu-Yɛ́su pɔ́p pɑcẅiŋkʉʉ-Sɛ́, Yɛ́su Kɛlístɔ nɛ́ túmbʉʉ yɛ́ pɔ́ ŋɡɔꞋ yí ɛ́ piꞋnɛ ndɑ́.

Ɛ́fɛ̂zɛ 3:15

ẅí mɛtsɛ́nndɑ́ mi ɛ́ tʉ́nɛ́pú mbɑ mi ɛ́ ndǔ tsɛ́tsɑ́Ꞌ tsʉʉ, ɛ́ ɡɔ́ ḿbɔ́ ɡú ńdúꞋnɛ pɔ wɛ́,

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

1 Timɔtɛ́ɛ 6:19

Pɔ́p lɑɑ ŋ́ɡɛ pɔ́Ꞌɔ, mbɔ pɔ́p lɔk ńcúꞋlɛ fuꞋ yɔ́p ńdẅɛꞋ nǔu zʉꞋ sʉ́Ꞌnɛ, zʉꞋ yi yîyɑ́ fuꞋ ɡʉ ńdɑ́Ꞌ ḿbɔ́ pɔ ɡú, ńdɔk pɔ́Ꞌɔ, ŋ́ɡẅɛɛ kwɑꞋ luk.

Ɛ́bɛlʉʉ 11:10

Ábɛlɛhɑ̂m kɑ ɡɛ pɔ́Ꞌɔ, mbíꞋŋɡɔ ɑ kɑ pɔ́ ńzẅíꞋlɛ tʉ́sɔŋ yi ɛ́ ɡẅɛɛ cʉ́ yi ɛ́ tɛn tɛnnɛ. Sɛ́ nɛ́ túmbʉʉ yɛ́ jínɛ pɑ́Ꞌ yîyɑ́ tʉ́sɔŋ ɡʉ ŋ́ɡɛ ḿbɔ́, jʉ́ nɛ́ túmbʉʉ yɛ́ pɛnnɛ ŋ́kút.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,

Mɛnu ɛ́ ńdɑ́Ꞌ ńcẅɛt 17:8

Nɑɑ ẅí ɔ jʉ́ɔnɛ lɑ́, ɑ kɑ pɔ́ ɡú, lɑ́ ɑ kɛ́ pɛn mbɔ́ ɡú pɔ́. A ɡʉ ŋ́ɡɛ ḿbɛn ḿbɔ́ ɡú, ɛ́fú tsɛt nɛpʉ́ kɛ́ ndúŋ ŋ́kɔ́Ꞌ ŋ́ɡʉ nɛ́ zʉꞋ yi ɑ ɡʉ ŋ́kúu zúꞋu ŋ́kúu pɛ́. Pʉɔ pi pɔ́p ndǔ tsɛ́tsɑ́Ꞌ, mbɔ pɛ́ ŋkɑɑ ŋwɑꞋnɛ lík yɔ́p tsɛt ŋwɑꞋnɛ yi ɛ́ ɡɛnɛ pɛ́ pɔ́ ɡú, tɛ ɛ́fú ŋkɑ́ yi pɛ́ kɑ nɔŋnɛ ndǔmbí pɔ́, pɔ́p ɡʉ ŋ́ɡɛ ńjʉ́ɔ nɑɑ ɛ̂wɑ́ mɑɑ tɛꞋ. MbíꞋŋɡɔ ɑ kɑ pɔ́ ɡú, ɑ kɑ́ pɛn ḿbɔ́ ɡú pɔ́, ŋ́kɛ́ ŋ́ɡɛ ḿbɛn ńcẅɛt.»

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.

Mɛnu ɛ́ ńdɑ́Ꞌ ńcẅɛt 22:4

Pɔ́p ɡʉ ŋ́ɡɛ ḿbɔ́ ńdɔk mík mɔ́p ńjʉ́ɔ shʉ́-Sɛ́. Ɛ́ ɡɔ́ ḿbɔ́, mbɔ pɛ́ ŋwɑꞋnɛ lík yɛ́ nǔu nɛzíi nɔ́p.

Mɛnu ɛ́ ńdɑ́Ꞌ ńcẅɛt 3:8

Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pʉʉ kɑ́ ɡẅɛɛ mbɔŋ mɛtʉʉ pɔ́ lɑ́ mbɔ pʉʉ kɑ kɛ́ ŋ́ɡẅɛɛ sẅiŋɛ yɑ́ɑ tɛ ḿbɔɔ wɑ́ɑ muŋɛ. Ɛ́ pʉɔlɑ́, mbɔ n tsɔ́Ꞌ ntsundɑ́ ŋ́ɡɑ́ mbɔ̌ pʉʉ. Wɛcɔ́ ŋu ẅí ɑ pɛn ŋ́kuꞋ nɛjɔ́Ꞌ pɔɔ ɡú pɔ́.