2 Timɔtɛ́ɛ 2:15 - Kɑɑ Fí

¹⁵ Sɑ́Ꞌ tʉʉ nɛɡɔ́ ńtʉ́ʉ mbi Sɛ́, ḿbɔ́ ŋu ẅí ɑ pɛ́mnɛ wɛ́, ḿbɔ́ ŋɡɑŋfɑꞋ ẅí sʉ́ʉ kɑ́ pɔ́ ŋ́kɔ́ wɛ́ nǔu fɑꞋ yɛ́ pɔ́. Ḿbɔ́ ŋɡɑŋfɑꞋ ẅí ɑ cẅinɛ Ŋkʉʉ ẅi ɛ́ nɛ́nẅín, kɛ́ ɡʉ nǔu ŋ́kúpmɛ yɛcɔ́ yúu.

2 Timɔtɛ́ɛ 2:15 Кръстосани препратки

Mɑtʉ̈ɔ 13:52

A cú ŋɡɔ: «Pʉʉ kɛ́ ńjí ŋɡɔ ŋkyɛ́Ꞌtɛ nɛpʉ́ʉ-Mɔ̌sɛ̂ɛ ẅí ɑ pɛ́mnɛ nu-nɛfɔɔ-Sɛ́ ɑ pɔ́ pɔ pɑꞋ wɛcɔ́ ndʉ́m ẅi yúu ŋɡuꞋ pɔ́p yɛ́ ŋɡuꞋ yɔ tsɛt ntɑŋ yɛ́. A nɑ́ŋ tɛ mbʉʉ yɛ pɔŋ, ɑ ɡʉ nǔu ńcẅɛɛtɛ ntɛ́ yi ɑ kɔŋnɛ.»

Mɑ́lɛ́kúshi 4:33

Yɔ pɑꞋ Yɛ́su kɑ pɔ́ ńzíꞋ pʉɔ nɛ́ yúu pɔ́Ꞌɔ, ńdɔk pɔ mɛsɑknɛkɛt pɑꞋ mɔnɛ, lɑ sẅíi nu-Sɛ́, ɛ́sẅíi nǔu ntɛ́ yi ḿbɔ́ lɑ́Ꞌ kuꞋ nɛzúꞋ.

Lúkɑ́shi 12:42

Yɛ́su tsɔ́Ꞌ mbɔ̌ wɛ́ ŋɡɔ: «ŊɡɑŋfɑꞋ wɛ nɛ́nẅín, ẅi ɑ ɡẅɛɛnɛ jínu, ɑ pɛꞋnɛ ḿbɔ́ wɛ́t? ŊɡɑŋfɑꞋ ẅi tɑ̌ɑfɑꞋ ŋ́ɡɛ ŋ́ɡɔ́ ŋ́ɡʉ, ńcú mbɔ̌ wɛ́ ŋɡɔ: FɑꞋ yi n nyɛtnɛ mbɔ̌ ɡu pʉ́ɔ lɑɑ, tsʉ́Ꞌ ŋ́ɡɑ́ yúujʉ́ mbɔ̌ pɛcɔ́ ɡɑŋfɑꞋ nǔu ŋkɑ́ yi ɛ́ sɛ́ ḿbíkŋɛ?»

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

Pʉɔ-Lɔ́mɑ 14:18

Ŋu lɑɑ ɛ́fɑꞋ fɑꞋ-Kɛlístɔ nɛ́ yɔ ntɛ́, mbɔ nu yɛ́ ɡʉ ḿbɔŋ Sɛ́, pʉɔmɛsɔŋ pɛn ŋ́ɡɑ́ mɛkuꞋ ŋɡɑŋ.

Pʉɔ-Lɔ́mɑ 16:10

Pʉʉ cɛꞋlɛ Apɛlɛs, ɑ kɑ nyɛt ŋɡɔ A kwɑꞋ ŋu-Kɛlístɔ. Pʉʉ cɛꞋlɛ pʉɔ ndɑ́-Alistɔbul.

Pʉɔ-Lɔ́mɑ 6:13

Kɔɔ pʉʉ pɛn ńdɔk mɛkɛm-mbʉʉ mʉ́ʉ ŋ́ɡɛ nu kɛpɔŋ pɑ́Ꞌ pɛ́ lɔknɛ yúu-ntsɔ ŋ́ɡɛ mɛnu kɛpɔŋ lɑ́. Tɛ ńtsʉ́Ꞌ pɔ́Ꞌɔ, pʉʉ nɑ́ mbʉʉ yʉʉ mbɔ̌ Sɛ́ ḿbɔ́ kwɑꞋ pʉɔ pi pɔ́p kɑ pfúnɛ ḿbɛn ńzẅíimɛ. Pʉʉ lɔk mɛkɛm-mbʉʉ mʉ́ʉ ŋ́ɡɛ yúu mi pʉʉ ɡʉ ńdɔk ŋ́ɡɛ yúu mi ɛ́ ndʉ́ŋndʉŋ.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

2 Kɔlɛ̂ŋtɛ 10:18

Ɛ́ lɔk ḿbɔ́ ŋɡɔ ŋu ẅí pɛ́ pɛ́mnɛ nu wɛ́, ɑ kɑ́ pɔ́ ŋu ẅí jʉ́ lɛꞋlɛ́nɛ yúu mi ɛ́ ɡɛnɛ pɔ́. A pɔ́ pɔ ŋu ẅi Tsɑpʉɔ lɛꞋlɛ́nɛ yúu mi ŋɡɑŋ ɡɛnɛ.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

2 Kɔlɛ̂ŋtɛ 5:9

Ɛ́ lɛɛ pɔ́Ꞌɔ, yúu mi pɛk sɛ́ ńtsɑ́ɑ nɛɡɛ tɛꞋ, ɛ́ nɛɡɛ yúu mi ɛ́ pɔŋnɛ wɛ́. Kɛ pɔ pɑ́Ꞌ pɛk tsɛt yɔ mbʉʉ ɔɔ, kɛ pɔ pɑ́Ꞌ pɛk cẅɛtnɛ tsɛtú ɔɔ,

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ɛ́fɛ̂zɛ 1:13

Ɛ́ ɡʉ nǔu pʉʉ yʉ́ʉ, mbɔ pʉʉ kɑ zúꞋ sẅiŋɛ yi ɛ́ yɛ́ nɛ́nẅín, ɛ́ pɔ́ Ŋkʉʉ Sʉ́Ꞌnɛ ẅí Sɛ́ kɑ lɛɛ pɔ nǔu lɑ ŋ́ɡɛ pʉʉ luk. Pʉʉ kɑ zúꞋ pɔ́Ꞌɔ, ńzɑ́p tʉ́m yʉ́ʉ nǔu Kɛlístɔ, Sɛ́ ńcʉ̈ɔꞋ lii yɛ́ nǔu pʉʉ, ńdɔk ńnyɛt ŋɡɔ pʉʉ pʉɔ pɛ́. Yîyɑ́ lii pɔ́ Zẅikŋɛ Lɛ́ɛnɛ́nɛ yi ɑ kɑ kɑꞋnɛ ŋɡɔ ɑ ɡʉ ŋ́ɡɑ́ mbɔ̌ pɛkŋɛ.

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

Ɛ́bɛlʉʉ 4:11

Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

2 Pyɛ̂ 1:15

Ŋ kɛ́ ḿbɔ́ ńtsuŋ ńniitɛ nǔu ntɛ́ yi mɔ ḿbɔ́ tɛ ḿpfú, pʉʉ tʉ́ʉ mbɑ nǔu mbɑ yɛ́tɛ́ nu ɔɔ, ŋ́kẅíitɛ yúu mi ŋ kɑ zíꞋnɛ wʉ́ʉ.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.