2 Timɔtɛ́ɛ 2:12 - Kɑɑ Fí

¹² Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

2 Timɔtɛ́ɛ 2:12 Кръстосани препратки

Mɑtʉ̈ɔ 10:33

Lɑ́ ŋu lɑɑ ḿmuŋɛ wɑ́ɑ mbi lɑ́Ꞌ, mbɔ mɔ Mɔ́ɔ-Ŋu ŋ ɡʉ ńdɑ́Ꞌ ḿmuŋɛ yɑ́ɑ wɛ́ mbi Tɑ̌ɑ mɔ ẅí ɑ tʉ́nɛ́pú.

Mɑtʉ̈ɔ 26:35

Pyɛ̂ cú mbɔ̌ wɛ́ ŋɡɔ: «Pɛ́ lɑɑ ńzɛɛ ńtɛmtɛ wûu ḿbɔ́ ńdɔk ŋ́ɡʉ pɔ nɛjẅí, mbɔ ɛ́ lɑɑ ḿbɔ́ m bɔɔ wú muŋɛ!» PfuꞋ ɡɑŋku pɛ́ pɛtsʉʉ pɛn ńcú yɔ́p pɔ pɔ́Ꞌɔ.

Mɑtʉ̈ɔ 26:75

Pyɛ̂ ɡɔ́ɔ ŋ́kẅíitɛ pɑ́Ꞌ Yɛ́su lɑ́Ꞌnɛ ńcú mbɔ̌ wɛ́ ŋɡɔ mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ, mbɔ ɔ muŋɛ wɑ́ɑ ŋkɑ́ yɛ́tɑ́t, ɛ́fú tɛtɑ́ɑ ńcẅɛt, ŋ́kíi tɛꞋ.

Mɑ́lɛ́kúshi 10:33

«Pʉʉ tsuŋ ńzúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋɑ, ŋ́kúu zúꞋu, pɛ́ fɛn Mɔ́ɔ-Ŋu mbɔ̌ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p ŋɑk wɛ́, ńzɑ́p pɑꞋ ɑ ɡʉ ḿpfú, ŋ́ɡɑ́ wɛ́ mbɔ̌ pʉɔ-túu ndɛꞋ.

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 12:9

Lɑ́, mbɔ ŋu lɑɑ ḿmuŋɛ wɑ́ɑ ŋkɔ̂ɔnɛ mbi lɑ́Ꞌ, mbɔ mɔ́ɔ-ŋu ŋ́ɡɛ ḿmuŋɛ wɛ́ ɡúu mbi pɛcʉ̈ɔ́Ꞌ-Sɛ́.»

Lúkɑ́shi 22:29

Ɛ́ yɛ́t lɑ́, ndʉ́ŋndʉŋ pɑꞋ Tɑ̌ɑ mɔ kɑ ɡɑ́nɛ nɛfɔɔ mbɔ̌ mɔ lɑ́, ŋ ɡɛ ńdɑ́Ꞌ ŋ́ɡɑ́ nʉ́ʉ nɛfɔɔ.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Pʉɔ-Lɔ́mɑ 5:17

pɑ́Ꞌ tɑ́Ꞌ ŋumɛsɔŋ wɛ́mɔ́Ꞌ kɑ fɑɑnɛ́nɛ nu, nɛvú fú nǔu wɛ́ ŋ́ɡẅɛɛ ŋumɛsɔŋ pɔ kɛ́ vuꞋ wɛcɔ́, lɑ́ wɛcɔ́ ŋu ẅi ɑ Yɛ́su Kɛlístɔ, yɛ́ fɑꞋ pɔ́ ndɛꞋ. Pʉɔ pi Sɛ́ tsɑ́ɑnɛ mɛjʉ́ŋ mɔ́p tɛꞋ ŋ́ɡɑ́ fuꞋ níinɛ yɔ́p, ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pɔ́p ɡʉ ńdɛɛtɛ nǔu Yɛ́su ḿbɔ́ ɡú, ḿbɛn ḿbɔ́ pɑ́Ꞌ pɛfɔɔ lɑ́ mbíꞋ Kɛlístɔ.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Filipɛ 1:28

Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.

1 Timɔtɛ́ɛ 5:8

Ɛ́ ɡʉ nǔu mbɔ́ŋkʉ̈ɔ́, mbɔ ŋu wɔp lɑɑ ḿmɛꞋ pʉɔ tsɛ́nndɑ́ yɔ́p, pɛ́ lɑ́Ꞌ pʉɔ pi pɔ́p pɛpɔ́p tsẅɛ́nɛ, mbɔ ɑ lɔk pɔ́Ꞌɔ, ńdʉꞋ nu-Yɛ́su yi pɛkŋɛ pɛ́mnɛ. Ŋɡɑŋ lɔk pɔ́Ꞌɔ, ḿbʉ́k ńdɛɛ ŋu ẅí ɑ kɑ́ zɑ́p tʉ́m yɛ́ nǔu Yɛ́su pɔ́.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Mɛnu ɛ́ ńdɑ́Ꞌ ńcẅɛt 1:6

A kɑ lɔk wɛkŋɛ ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɛkŋɛ ŋ́ɡɛ pɑnɔŋpɔꞋ pɑ́Ꞌ pɛkŋɛ ɡʉ ɛ́fɑꞋ mbɔ̌ Tɑ̌ɑ wɛ Sɛ́. Nɛɡúꞌ mbɑ mɛtʉʉ ńdɑ́Ꞌ ḿbɔ́ pɔ mbɔ̌ jʉ́ Yɛ́su Kɛlístɔ nǔu mɛŋɡuꞋ mɛŋɡuꞋ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 20:6

Pɛpɔ́ttú, pʉɔ pí pɔ́p ɡʉ zẅíimɛ nǔu nɛvú nǔu nduŋmbi nɛzẅíimɛ, ɛ́ pʉɔ pí pɔ́p kwɑꞋ pɛ́ Sɛ́. Nɛvú wɛ mbɑ́ɑtɛ yɛ́pɑ́ pɔɔ pɛn ŋ́kuꞋ nɛɡẅɛɛ wɔ́p pɔ́. Pɔ́p ɡʉ ŋ́ɡɛ ḿbɔ́ pɑnɔŋpɔꞋ-Sɛ́, mbɑ pɛ́ Kɛlístɔ, pɔ́p pɛ́ Kɛlístɔ sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.

Mɛnu ɛ́ ńdɑ́Ꞌ ńcẅɛt 3:8

Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pʉʉ kɑ́ ɡẅɛɛ mbɔŋ mɛtʉʉ pɔ́ lɑ́ mbɔ pʉʉ kɑ kɛ́ ŋ́ɡẅɛɛ sẅiŋɛ yɑ́ɑ tɛ ḿbɔɔ wɑ́ɑ muŋɛ. Ɛ́ pʉɔlɑ́, mbɔ n tsɔ́Ꞌ ntsundɑ́ ŋ́ɡɑ́ mbɔ̌ pʉʉ. Wɛcɔ́ ŋu ẅí ɑ pɛn ŋ́kuꞋ nɛjɔ́Ꞌ pɔɔ ɡú pɔ́.

Mɛnu ɛ́ ńdɑ́Ꞌ ńcẅɛt 5:10

Ɔ kɑ lɔk wɔ́p ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɔ́p ŋ́ɡɛ pɑnɔŋpɔꞋ pɑ́Ꞌ pɔ́p ɡʉ ɛ́fɑꞋ mbɔ̌ Sɛ́ wɛkŋɛ, mbɑ pɑ́Ꞌ pɔ́p ɡʉ ŋ́ɡɛ ɛ́sɑ́Ꞌ pʉɔ ndǔ tsɛ́tsɑ́Ꞌ.