2 Timɔtɛ́ɛ 1:10 - Kɑɑ Fí

¹⁰ Ɛ́ ŋkɔ̂ɔnɛ, mbɔ Sɛ́ ɡɛ pɛkŋɛ jʉ́ɔ yîyɑ́ pɔŋtʉ́m mɑ́ntɑ́ɑ, mbíꞋŋɡɔ ŋu ẅí ɑ ɡɛnɛ pɛkŋɛ luk, Yɛ́su Kɛlístɔ tɔ́ mɔ́. Jʉ́ kɑ ɡẅɛɛnɛ nɛvú ńcẅɛ́ɛ mɛtʉʉ mɛ́. Jʉ́ kɑ cẅinɛ Ŋkʉʉ sʉ́Ꞌnɛ mbɔ̌ pɛk, ńnyɛt wɛkŋɛ ŋɡɔ ŋu lɑɑ ńnɛn pɑ́Ꞌ Ŋkʉʉ Sʉ́Ꞌnɛ ɛ̂wɑ́ cúnɛ ɑ ɡẅɛɛ Luk kɛ́mɛ mbɔɔ pɛn ḿpfú pɔ́.

2 Timɔtɛ́ɛ 1:10 Кръстосани препратки

Lúkɑ́shi 11:36

Ɔ lɑɑ ńtík ku yú ńdii, ḿbɛn ḿbɔ́ ŋ́kʉɔ mɛnu mi ɛ́ ḿbɔ́ pɔ mɛnu nzɛ́nzʉ́ʉ sʉ́Ꞌnɛ, mbɔ ɔ ɡɛ nɛn nǔu nu nɛ́nẅín kwɑꞋ pɑ́Ꞌ ŋu ɡẅɛɛ kyɛꞌ ńdɔk jʉ́ɔ sɛ̂ndúŋ sʉ́Ꞌnɛ lɑ́.

Lúkɑ́shi 13:7

ńcú mbɔ̌ ŋɡɑŋfɑꞋ ŋɡɔ: Ɛ́ ŋkɔ̂ɔnɛ ńdɔk ḿbɔ́ ŋɡuꞋ yɛ́tɑ́t pɑ́Ꞌ mɔ sɛ́ ńtɔ́ ńdɔ́ɔ ntɑ́ɑ nǔu tʉ́ yɔ ḿbɔɔ ńjʉ́ɔ pɔ́, kʉ́ɔꞋ ḿmɑꞋ sɛ́, mbíꞋ kʉ̈ɔ́ ɛ́ jʉ́ zʉꞋ-tsɛ́tsɑ́Ꞌ níinɛ?

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Jɑ̂ŋ 1:9

Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 4:42

Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»

Jɑ̂ŋ 5:40

Lɑ́, Pʉʉ pɛn ŋ́kɛ́ ḿbɔɔ ḿbɔ́ ŋ́kɔŋ nɛtɔ́ mbɔ̌ mɔ ŋ́ɡẅɛɛ kwɑꞋ luk pɔ́.

ŊwɑꞋnɛ-Gɑŋntúu Yɛ́su Kɛlístɔ 13:23

Sɛ́ pɛn ŋ́ɡʉ nǔu njẅɛtndɑ́-fɔɔ Ndɑvît, ŋ́ɡɛ pɛ́ pí Nzɑ́Ꞌŋkʉ pɑ́Ꞌ ɑ kɑ kɑꞋnɛ, ŋɡɑŋ pɔ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 3:31

Ńjí ŋɡɔ ɛ́ pɑ́Ꞌɑ ḿbɔ́ yi pɛkŋɛ lɑɑ ńzɑ́p tʉ́m nǔu Yɛ́su, mbɔ nɛpʉ́ʉ kɑ́ pɛ́t yɛcɔ́ nu pɔ́ kɛkʉ̈ɔ́? Ŋɡɑ́ŋ ɛ́ kɑ́ lɔk ḿbɔ́ pɔ́Ꞌɔ pɔ́. Tɛ ńtsʉ́Ꞌ pɔ́Ꞌɔ, mbɔ pɛkŋɛ lɔk pɔ́Ꞌɔ, ńtík nɛpʉ́ʉ kwɑꞋ nǔu zʉꞋ yɛ́.

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

1 Kɔlɛ̂ŋtɛ 15:26

Ndẅiknzʉʉ ŋɡɑŋmbuu ẅi Sɛ́ ɡʉ ńdɑ́Ꞌ ḿbík wɛ́ ɑ nɛvú ẅi ɑ lɔknɛ pʉɔ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

2 Kɔlɛ̂ŋtɛ 5:4

mbíꞋŋɡɔ ɛ́ ŋkɑ́ yi pɛkŋɛ pɛ́tnɛ tsɛt wɔ ntɑp, mɛnu pɔ́ fyɛ́t wɛkŋɛ, pɛkŋɛ lɑɑ. Ɛ́ nɛ́nẅín ŋɡɔ pɛkŋɛ kɑ pɔ́ ŋ́kɔŋ ŋɡɔ pɛ́ fú nǔu pɛkŋɛ ńcẅɛɛtɛ yɔ mbʉʉ, pɛkŋɛ lɔɔ nɛmɑꞋ ndẅí yɛ tʉ́nɛ́pú nǔu, nɛpɔ́ yi mbʉʉ yi ɛ́ kɑ́ pfú ɡʉ mi mbʉʉ yi ɛ́ ɡẅɛɛnɛ nɛpfú.

Ŋɡɑlɑ̂t 5:4

Pʉʉ pi pʉʉ sɛ́ ńdɔɔ nɛɡɛ yúu mi nɛpʉ́ʉ ɛ̂nɑ́ sɛ́ ḿbíkŋɛ lɑ́ ńdɔk ŋ́kuꞋ pʉɔ pi pɔ́p mbi Sɛ́ ḿbɔ́ ndʉ́ŋndʉŋ lɑ́, pʉʉ pɑ́Ꞌɑ ńdɔk ḿbɔ́ pʉɔ pí pʉʉ fɑknɛ mbʉʉ nǔu Kɛlístɔ. Ɛ́ pɔ́ pɔ́Ꞌɔ pʉʉ lɔk ḿbɛ́ nu yi Sɛ́ lɑ́Ꞌ ḿbɔ́ ŋ́ɡʉ ńdɔk ŋ́ɡɑ́ fuꞋ fɛ̌ɛ yʉ́ʉ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

2 Tɛsɑlɔník 2:8

Jʉ́ fɔɔ-mɛnu kɛpɔŋ ɡɔ́ɔ ŋ́kɛ́ ńcẅɛt. A jʉ́ ẅi Tsɑpʉɔ Yɛ́su ɡʉ ńdɑ́ fɑ́k zwɛ́t-ntsu wɛ́ nǔu wɛ́ ɑ pfú, ntɛ́ yi Yɛ́su lɔknɛ ńtɔ́, ɡɛ ɑ mɛ.

2 Timɔtɛ́ɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ Sɛ́ kɑ kɔŋnɛ ŋɡɔ m bɔ́ wɛ́tɛ́. Yɑ́ɑ fɑꞋ pɔ́ nɛɡʉ ńcú nu nǔu luk kɛ́mɛ yi Sɛ́ kɑ kɑꞋnɛ ŋɡɔ pʉɔmɛsɔŋ ɡʉ ńdɛɛtɛ nǔu Yɛ́su Kɛlístɔ ŋ́ɡẅɛɛ.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

2 Timɔtɛ́ɛ 4:1

N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Tîtɛ 2:11

Ɛ́ pɑ́Ꞌ pʉɔ-Kɛlístɔ ɡẅɛɛnɛ nɛɡɛ, mbíꞋŋɡɔ Sɛ́ kɑ tsuŋ ńnyɛt mbɔ̌ pʉɔ ŋɡɔ ɑ ŋu-pɔŋtʉ́m, ŋ́kuꞋ nɛɡɛ ŋɡɔ pʉɔ tsʉʉ luk.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Tîtɛ 3:4

Lɑ́ ŋkɑ́ yi Sɛ́ ẅi ɑ ɡɛnɛ pɛkŋɛ luk nyɛtnɛ ŋɡɔ tʉ́m yɛ́ pɔŋ, ɑ pɛn ŋ́kɔŋ pʉɔmɛsɔŋ lɑ́,

Ɛ́bɛlʉʉ 10:32

Lɑ́, Kɔɔ pʉʉ likŋɛ pɑ́Ꞌ ɛ́ kɑ pɔ́ nǔu mɛnduŋmbi mɛlɛ́Ꞌ, nǔu pɑ́Ꞌ pʉʉ kɑ pɔ́ tɛ Sɛ́ lɔk kyɛꞌ ŋ́kyɛꞋ wʉ́ʉ, pʉʉ jʉ́ɔ ŋɡʉ̈ɔ́Ꞌ tɛꞋ. Pɛ́ ḿmɑꞋ wʉ́ʉ nɛ́ ntsɔ tɛꞋ, lɑ́ pʉʉ kɛ ɛ́sʉk sʉknɛ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

2 Pyɛ̂ 2:20

Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

1 Jɑ̂ŋ 1:2

Sɛ́ kɑ pɔ́ tɛ ńtɔ́ ŋ́ɡɑ́ mbɔ̌ pɛk, pɛk jʉ́ɔ wɛ́, tɛ pɛk pɑ́Ꞌɑ ḿbɔ́ pɑjʉ́njʉ́ɔ, ḿbɔ́ ɛ́sẅíi wʉ́ʉ nɛ́ nu nǔu luk kɛ́mɛ yí ɛ́ kɑ fúnɛ nɛjɔ́ŋ Tɑ̌ɑ ńtɔ́ ńnyɛt mbʉʉ yɛ́ mbɔ̌ pɛk.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

Mɛnu ɛ́ ńdɑ́Ꞌ ńcẅɛt 18:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, n jʉ́ɔ wɛcɔ́ Cʉ̈ɔꞋ-Sɛ́ fú tʉ́nɛ́pú ńcúŋ, mɛ́ mɛtʉʉ ɡúꞋ tɛꞋ, wɛ nɛŋwɑ́ŋɛ pûu ŋ́kyɛꞋ tsɛ́tsɑ́Ꞌ tsʉʉ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.

Mɛnu ɛ́ ńdɑ́Ꞌ ńcẅɛt 20:14

Pɛ́ ɡɔ́ɔ ŋ́kɛ́ ńjɛ́Ꞌ nɛvú mbɑ lɑ́Ꞌ yi pɛpfú zúꞋu, ḿmɑꞋ tsɛt nɛpʉ́-múk. Nɛpʉ́-múk ɛ̂nɑ́ lɔk ḿbɔ́ nɛvú mbɑ́ɑtɛ yɛ́pɑ́.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.