2 Tɛsɑlɔník 3:5 - Kɑɑ Fí

⁵ Pɛk sɛ́ ńdɔ́ɔ ŋɡɔ Tsɑpʉɔ zíꞋ wʉ́ʉ nɛkẅiꞋ ŋ́kɔŋ Sɛ́, mbɑ nɛsʉk ŋɡʉ̈ɔ́Ꞌ pɑ́Ꞌ jʉ́ Kɛlístɔ.

2 Tɛsɑlɔník 3:5 Кръстосани препратки

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Pʉɔ-Lɔ́mɑ 8:25

Tɛ pɑ́Ꞌ pɛkŋɛ sɛ́ ńzẅíꞋlɛ yúu mi pɛkŋɛ kɑ pɔ́ ńjʉ́ɔ pɔ́ lɑ́, pɛkŋɛ lɔk sʉk ńniitɛ ńzẅíꞋlɛ.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

1 Kɔlɛ̂ŋtɛ 8:3

Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 3:11

Pɔ́Ꞌɔ, pɛk sɛ́ ńdɔ́ɔ ŋɡɔ jʉ́ Sɛ́ ɛ̂wɑ́, ẅí ɑ Tɑ̌ɑ wɛkŋɛ, mbɑ Yɛ́su ẅi ɑ Tsɑpʉɔ wɛkŋɛ tsɔ́Ꞌ sɛ̂ndúŋ pɛk tɔ́ tɛ ńjʉ́ɔ wʉ́ʉ.

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.

2 Pyɛ̂ 3:12

ḿbɔ́ ńzẅíꞋlɛ ŋɡɔ lɛ́Ꞌlɑ́Ꞌ-Sɛ́ tɔ́, ḿbɔ́ ɛ́sɑ́Ꞌ tʉʉ nɛpɔ́ yi ɑ ɡʉ fɛ́Ꞌnɛ ńtɔ́. Lɛ́Ꞌ yi múk ɡʉ ńdɑ́Ꞌ ńtɔɔ nɛfɑŋ ɛ́ kɛ́mɛ, zʉꞋ tɔɔnɛ, mbɑ kʉ̈ɔ́ lɑ́ yi ɛ́ nɛfɑŋ síi ńcʉ́ɔtɛ.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 13:10

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.