2 Tɛsɑlɔník 2:5 - Kɑɑ Fí

⁵ Tɛ pʉʉ kɑ́ pɔ́ ŋ́kẅíitɛ ŋɡɔ ŋkɑ́ yi ŋ kɑ pɔ́nɛ tsɛtsɛt pʉʉ, ŋ kɑ sẅíi wʉ́ʉ nɛ́ mɛnɛ mɛnu pɔ́ ɔɔ?

2 Tɛsɑlɔník 2:5 Кръстосани препратки

Mɑtʉ̈ɔ 16:9

Pʉʉ lɔk ḿbɛ́t pɔ kɛ́ jí nu pɔ́ ɔɔ? Ńjí ŋɡɔ pʉʉ kɑ́ kẅíitɛ mbɛlɛ̂ɛt yɑ́ ntɑ́Ꞌ yɛtɑɑ, pɑ́Ꞌ ŋ kɑ lɔknɛ ńzẅík mbɛ́ɛnɛ ntsɑ́Ꞌ yɛ́tɑ́ɑ lɑ́ pɔ́ kɛ? Pʉʉ m̄bɔ́ lɛ́Ꞌ ɛ̂yɑ́ pɑ́Ꞌɑ ńdɑk mɛkɛm mɛ́, ɛ́ cẅɛt pɛtúŋ pɛsʉ́Ꞌʉ lɑ́ɑ,

Mɑ́lɛ́kúshi 8:18

Pʉʉ ɡẅɛɛ mík, ḿbɛn ŋ́kɛ́ mbɔɔ jí nɛlɔk ńjʉ́ɔ zʉꞋ pɔ́ kɛkʉ̈ɔ́? Ŋ́ɡẅɛɛ mɛtúutɛ́ ḿbɛn mbɔɔ nu zúꞋ pɔ́ kɛkʉ̈ɔ́? Ńjí ŋɡɔ pʉʉ kɑ́ kẅíitɛ nu pʉ́ɔ?

Jɑ̂ŋ 16:4

Lɑ́, ŋ kɛ́ ḿbiitɛ ɛ́sẅíi wʉ́ʉ, lɑ́ ŋkɑ́ ɛ̂yɑ́ ɡɛ ḿbɔ́, pʉʉ kẅíitɛ ŋɡɔ ŋ kɑ zɛɛ ɛ́sẅíi wʉ́ʉ. Ŋ kɑ ɡɔ́ ńzɛ, mbɔɔ sẅíi wʉ́ʉ nɛ́ yɔ nu pɔ́, mbíꞋŋɡɔ ŋ kɑ pɛ́t tsɛtsɛt pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

1 Tɛsɑlɔník 2:11

Pʉʉ pɛn ḿbɔ́ ńjí ŋɡɔ pɛk ḿbɔ́ nɛjɔ́ŋ mbɑ wɔ̌ lɑ́ nǔu pʉʉ, ŋ́ɡɛ pɔ pɑ́Ꞌ tɑ́mɔ́ɔ ɡɛ nɛjɔ́ŋ mbɔ́ŋkʉ̈ɔ́ pɛ́ lɑ́.

1 Tɛsɑlɔník 3:4

Pʉʉ kẅíitɛ pɑ́Ꞌ pɛk kɑ pɛ́tnɛ tsɛtsɛt pʉʉ, ḿbiitɛ ɛ́sẅíi wʉ́ʉ ŋɡɔ ŋɡʉ̈ɔ́Ꞌ ɡʉ ńtɔ́ nǔu pɛkŋɛ. Ɛ́ kɑ kɛ́ ńtɔ́ tɛ pʉʉ pɔ́ ńjí yʉ́ʉ.

2 Tɛsɑlɔník 2:6

Pʉʉ sɛ́ ńjí yúu mi ɛ́ tɑɑtɛ́nɛ fɔɔ-mɛnu kɛpɔŋ lɑ ɑ pɔɔ cẅɛt ńtʉ́ʉ ŋkɔ̂ɔnɛ pɔ́. Yîyɑ́ ŋkɑ́ ɡʉ ŋ́ɡɛ ŋ́kuꞋ, lɑ ɑ cẅɛt.

2 Tɛsɑlɔník 3:10

Ɛ́ kɑ pɔ́ ŋkɑ́ yi pɛk kɑ zɛɛnɛ ḿbɔ́ tsɛtsɛt pʉʉ, pɛk pɔ́ ńtsuŋ ńcú mbɔ̌ pʉʉ ŋɡɔ: «Ŋu lɑɑ ḿbɔ́ yi ɑ kɛ́ fɑꞋ fɑꞋ pɔ́, kɔɔ ɑ kɛ́ ńjʉ́ yúupɛjʉ́.»

2 Pyɛ̂ 1:15

Ŋ kɛ́ ḿbɔ́ ńtsuŋ ńniitɛ nǔu ntɛ́ yi mɔ ḿbɔ́ tɛ ḿpfú, pʉʉ tʉ́ʉ mbɑ nǔu mbɑ yɛ́tɛ́ nu ɔɔ, ŋ́kẅíitɛ yúu mi ŋ kɑ zíꞋnɛ wʉ́ʉ.