2 Tɛsɑlɔník 2:2 - Kɑɑ Fí

² «Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

2 Tɛsɑlɔník 2:2 Кръстосани препратки

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑ́lɛ́kúshi 13:7

Pʉʉ lɑ́Ꞌ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́, kɛ ŋɡɑ sɛsɑ ɔɔ, kɔɔ pʉʉ cʉɔꞌ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ ɡɔ́ɔ ńdɔk ḿbɔɔ pɔ́ ŋɡɔ njí mɛ pɔ́.

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Lúkɑ́shi 21:9

Pʉʉ lɑɑ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ, kɛ pɔ nǔu pɑ́klɛ yi ɛ́ shɔtnɛnɛ ḿvu tsɛt mɛlɑ́Ꞌ ɔ́ɔ, kɔɔ pʉʉ pɔ́k. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ lɔk ḿbɔɔ nyɛt pɔ ŋɡɔ njí ɡɔ́ɔ ḿmɛ pɔ́.»

Jɑ̂ŋ 14:1

Yɛ́su pɛn ńcú mbɔ̌ ɡɑŋku pɛ́ ŋɡɔ: «Kɔɔ tʉ́m yʉ́ʉ pɛn ḿbɑ́klɛ. Pʉʉ zɑ́p tʉ́m yʉ́ʉ nǔu Sɛ́, ḿbɛn ńzɑ́p tʉ́m yʉ́ʉ nǔu mɔ.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

1 Kɔlɛ̂ŋtɛ 14:32

Sɛ́ kɑ ɡɛ ŋɡɔ ɛ́ ɡʉ tsɛtsɛt pʉɔ pi pɔ́p cẅinɛ Ŋkʉʉ ẅí ɛ́ fúnɛ mbɔ̌ wɛ́, mbɑ wɔ̌ lɑ́ nǔu pɔ́p jí yɛ́ ŋkɑ́ yi ɑ ɡʉ ńcú nu, yɛ́ nu pɔɔ vukŋɛ vukŋɛnɛ ńcẅɛt pɔ́,

1 Kɔlɛ̂ŋtɛ 7:26

Pɑ́Ꞌ yɔ kɛm-njí sɛ́ ńtɛn ndɛn wɔ lɑɑ, ŋ kwɑŋɛ yɑ́ɑ ŋɡɔ ɛ́ pɔŋ mbɔ̌ mbɑ wɔ̌ lɑ́ nɛnɑ́ŋ kɛ́ zɔ́Ꞌ. Ɔ́ɔŋ ɛ́ pɔŋ mbɔ̌ mbɑ wɛ́tɛ́ ŋu lɑ́ nɛnɑ́ŋ pɑ́Ꞌ ɑ pɔ́nɛ.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

1 Tɛsɑlɔník 3:3

nɛpɔ́ yi ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, kɛ́ ɡɛ wɛcɔ́ ŋu tsɛtsɛt pʉʉ mʉꞋlɛ nǔu nu-Sɛ́ pɔ́. Pʉʉ zɛɛ ḿbɔ́ ńjí yʉ́ʉ ŋɡɔ ŋɡʉ̈ɔ́Ꞌ ɡẅɛɛ nɛkúu wɛkŋɛ pɑzɑptʉ́m nǔu Sɛ́.

1 Tɛsɑlɔník 4:15

Pʉʉ zɛɛ ńzúꞋ yɔ nu yi pɛk ɡʉnɛ nɛcú, ɛ́ pɔ́ yɛcɔ́ tɑ́Ꞌ nu yi Tsɑpʉɔ kɑ sẅíinɛ wɛkŋɛ ŋɡɔ: Pʉɔ pɛkŋɛ pi Tsɑpʉɔ ɡʉ ńdɑ́Ꞌ ŋ́ɡɔ ńtɔ́, pɔ́p pɛ́t pɔ ntʉʉ kɛ́ ɡʉ ńdɑ́Ꞌ ńduŋmbi lɑ pʉɔ pi pɔ́p kɑ pfúnɛ pɑ́ɑtɛ pɔ́.

1 Tɛsɑlɔník 5:2

ɛ́ mbíꞋŋɡɔ pʉʉ sɛ́ ńtsuŋ ńjí yʉ́ʉ ŋɡɔ lɛ́Ꞌlɑ́Ꞌ-Tsɑpʉɔ ɡʉ ńdɑ́Ꞌ ḿvukŋɛ vukŋɛ́nɛ ńtɔ́ pɑ́Ꞌ ntsɔ́ŋ ẅi ɑ tɔ́nɛ nɛtúꞋ lɑ́.

2 Tɛsɑlɔník 2:15

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, kɔɔ pʉʉ kɑ́ɑ. Yúu mi pɛk kɑ zíꞋnɛ wʉ́ʉ, kɛ nɛ́ ntsu ɔɔ, kɛ ŋ́ŋwɑꞋnɛ pɔ tsɛt ŋwɑꞋnɛ ɔɔ, pʉʉ ɡẅɛɛ sʉ́Ꞌnɛ.

2 Tɛsɑlɔník 3:17

KwɑꞋ mɔ Pɔ̂l, n cɛꞋlɛ wʉ́ʉ. N dɔk pɔ kwɑꞋ pɔ́ yɑ́ɑ, ŋ́ŋwɑꞋnɛ yɔ cɛꞋlɛ. Ɛ́ pɑ́Ꞌ mɔ ńzɛɛ ŋ́ŋwɑꞋnɛ nǔu yɛ́tɛ́ ŋwɑꞋnɛ lɑ́ yi mɔ ńtúu. Pʉʉ ɡʉ ńdii pɔ́-ŋwɑꞋnɛ yɑ́ɑ.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.