2 Tɛsɑlɔník 2:14 - Kɑɑ Fí

¹⁴ Mɔnɛ mɛnu mi ɛ́ kɑ ɡɛnɛ Sɛ́ lɔk Ŋkʉʉ Sʉ́Ꞌnɛ ẅi pɛk kɑ cẅinɛ mbɔ̌ pʉʉ, ɛ́fúŋ wʉ́ʉ, nɛpɔ́ yi pʉʉ ɡʉ ŋ́kúu tsɛt nɛɡúꞋ-Tsɑpʉɔ wɛkŋɛ Yɛ́su Kɛlístɔ.

2 Tɛsɑlɔník 2:14 Кръстосани препратки

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Jɑ̂ŋ 17:22

NɛɡúꞋ ẅi ɔ kɑ ɡɑ́nɛ mbɔ̌ mɔ lɑ́, ɛ́ ẅîwɑ́ ẅi ŋ kɑ ɡɑ́nɛ mbɔ̌ pɔ́p, pɔ́p ɡʉ tɛmtɛ ḿbɔ́ tɑ́Ꞌ pɑ́Ꞌ pûu tɛmtɛnɛ lɑ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

1 Tɛsɑlɔník 1:5

MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

Mɛnu ɛ́ ńdɑ́Ꞌ ńcẅɛt 21:23

Nɛŋwɑ́ŋɛ-Sɛ́ pɔ́ ŋ́kyɛꞋ yîyɑ́ tʉ́sɔŋ, kyɛꞋ-mɔ́ɔ-Njinjɔ pɛn ḿbɔ́ ŋ́kyɛꞋ wɛ́. Tɛ yîyɑ́ tʉ́sɔŋ pɔɔ pɛn ḿbɔ́ ńtsɑ́ɑ ŋɡɔ nɛm tɑ́Ꞌ zúꞋu pɔ́, ŋ́kɛ́ ḿbɔɔ ḿbɔ́ ńtsɑ́ɑ ŋɡɔ sɑŋ kyɛꞌ zʉꞋ zúꞋu pɔ́.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.