2 Tɛsɑlɔník 2:10 - Kɑɑ Fí

¹⁰ A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

2 Tɛsɑlɔník 2:10 Кръстосани препратки

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 5:34

Ɛ́ ɡʉ nǔu mɔ, mbɔ ŋ kɑ́ pɔ́ ńtsɑ́ɑ ŋɡɔ ŋumɛsɔŋ cúnɛ nu yí ɑ jínɛ nǔu mɔ pɔ́. Lɑ́, n cú yɔ nu nɛpɔ́ yi pʉʉ ɡʉ ńdɛɛ nǔu ńduk.

Pʉɔ-Lɔ́mɑ 10:1

Pɔ́ɔpɛ́mɑ́ pɑ́ɑ, yúu mi mɔ sɛ́ ńtsɑ́ɑ nɛ́ ŋɡɔŋ tʉ́m yɑ́ɑ tsʉʉ, ḿbɛn ḿbɔ́ ńdɔ́ɔ mbɔ̌ Sɛ́ mbíꞋ pɑyúdɑ, ɛ́ pɔ́ ŋɡɔ ɑ ɡɛ pɔ́p luk.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Kɔlɛ̂ŋtɛ 1:18

Pɛ́ zɛɛ ńcú nu nǔu nɛvú-Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ɛ́ pɔ́ mbɔ̌ pʉɔ pi pɔ́p nǔu sɛ̂ndúŋ nɛpɛ́ ḿbɔ́ pɔ nu-pɛpɑ́lɛ́, lɑ́ ŋ́kɛ́ ŋ́ɡʉ nǔu pɛkŋɛ pi pɛkŋɛ nǔu sɛ̂ndúŋ-luk, yîyɑ́ nu pɔ́ mbɔ̌ pɛkŋɛ ńdɔk ńdɛꞋlɛ pɔ mɛtʉʉ-Sɛ́.

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

2 Kɔlɛ̂ŋtɛ 11:13

Pʉɔ ɛ̂pɑ́ kɑ́ pɔ́ kwɑꞋ ɡɑŋntúu-Kɛlístɔ pɔ́, pɔ́p cɔtnu ŋɡɔ pɔ́p fɑꞋ fɑꞋ-Kɛlístɔ. Mbɔ pɔ́p kɑ ɡɛmɔ́ tɛ ḿbɔ́ yi pɛ́ lɑɑ ńjʉ́ɔ wɔ́p pɛ́ cú ŋɡɔ pɔ́p ɡɑŋntúu-Yɛ́su.

2 Kɔlɛ̂ŋtɛ 11:15

Pʉʉ lɔk ńjʉ́ɔ ŋɡɔ, ɛ́ kɑ́ tɛn mbɔ̌ pɑfɑꞋ fɑꞋ-Sɑ́ttɑ nɛshɔtnɛ tɛ pɛ́ tsʉ́Ꞌ ńjʉ́ɔ wɔ́p ńcú pɔ ŋɡɔ pɔ́p pɑfɑꞋ fɑꞋ-Sɛ́ pɔ́. Lɑ́ ɛ́ ɡʉ ŋ́kɛ́ ńdɑ́Ꞌ tsʉ́Ꞌ nɛlẅiklɛ, pɔ́p cẅɛ́ɛ tsɔ́ꞋfɑꞋ ɛ́ pɔ́ pɔ pɑ́Ꞌ mɛfɑꞋ mɔ́p pɔ́nɛ.

2 Kɔlɛ̂ŋtɛ 2:15

Pɛk zɛɛ ḿbɔ́ mbɔ̌ Sɛ́ ḿbɔ́ pɔ pɑ́Ꞌ jɑ́k yúu sʉ́Ꞌnɛ yi ɛ́ fúnɛ mbɔ̌ Kɛlístɔ. Jɑ́k yi ɛ́ kɔ́Ꞌnɛ ńtɛ́mɛ mɛlẅí-pʉɔ, mɛlẅí pʉɔ pi pɔ́p sɛ́ ńduk, tɛ mbɑ nǔu mɛ́ pʉɔ pi pɔ́p sɛ́ ḿbɛ́.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

2 Tɛsɑlɔník 2:12

Ɛ́ lɛɛ pɔ́Ꞌɔ, pʉɔ pi pɔ́p ŋ́kɑɑ pɛ́m nu yi ɛ́ nɛ́nẅín pɔ́, nu yi ɛ́ kɑ́ pɔ́ nu pɔ́ tsʉ́Ꞌnɛ ḿbɔŋ wɔ́p, pɔ́p ɡɔ́ɔ ŋ́kɛ́ ḿvu ntsɑŋ.

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

1 Timɔtɛ́ɛ 2:4

Jʉ́ ẅí ɑ sɛ́ ŋ́kɔŋ ŋɡɔ pʉɔmɛsɔŋ tsʉʉ luk, ḿbɛn ńjí nu nɛ́nẅín.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

2 Pyɛ̂ 2:12

Pîpɑ́ pʉɔ pɔ́ pɔ pɑkɛ́jínu pɑ́Ꞌ mɛnɑɑ, mi pɔ́p kɑ fú zúꞋu ḿbɔ́ pɔ yúu mi pɛ́ ɡʉ ńdʉꞋ ɡwɑk ńdɔk ŋ́ɡẅɛɛ ńjẅí. Pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, pɛ́ ŋ́ɡɛ ńjẅí wɔ́p pɑ́Ꞌ mɛnɑɑ ɛ̂mɑ́.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,