2 Tɛsɑlɔník 1:5 - Kɑɑ Fí

⁵ Ɛ́ lɔk ńnyɛt ŋɡɔ Sɛ́ ŋɑk ntsɑŋ pɔ ndʉ́ŋndʉŋ. MbíꞋŋɡɔ ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, ɛ́ ɡɛ ŋɡɔ pʉʉ kuꞋ pʉɔ pi pʉʉ ɡʉ ńdɑ́Ꞌ ŋ́kúu tsɛt nɛfɔɔ-Sɛ́. Pʉʉ jʉ́ɔ ŋɡʉ̈ɔ́Ꞌ ntɛ́ pɔ pɔ́Ꞌɔ.

2 Tɛsɑlɔník 1:5 Кръстосани препратки

Lúkɑ́shi 20:35

Lɑ́ ŋ́ɡʉ nǔu pʉɔ pinɛ Sɛ́ jʉ́ɔnɛ ŋɡɔ ɑ ɡʉ ńzẅíimɛ wɔ́p, pɔ́p kúu yɔ́p tsɛt ŋɡɔŋ fí, wɛcɔ́ nɛzɔ́Ꞌ pɔɔ pɛn ḿbɛ́t ɡú pɔ́.

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Filipɛ 1:28

Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

1 Tɛsɑlɔník 2:14

Pɔ́ɔpɛ́mɑ́, ŋɡʉ̈ɔ́Ꞌ yi ɛ́ kɑ kúunɛ pʉɔ-Kɛlístɔ Judɛ̂ pi pɔ́p kɑ zɑ́pnɛ tʉ́m nǔu Kɛlístɔ, ńcúꞋlɛ ńtsʉ́Ꞌ pʉɔ-Sɛ́, kɑ kúu wʉ́ʉ ɡúu. N cú mbíꞋŋɡɔ pʉɔ lɑ́Ꞌ pʉ́ʉ kɑ nyɛt wʉ́ʉ nɛ́ ŋɡʉ̈ɔ́Ꞌ, ɛ́ pɔ́ pɑ́Ꞌ pɑyúdɑ, pʉɔ-lɑ́Ꞌ pɔ́p ɡúu, kɑ nyɛtnɛ wɔ́p nɛ́ ŋɡʉ̈ɔ́Ꞌ.

2 Tɛsɑlɔník 1:11

Ɛ́ yúu mi ɛ́ ɡɛnɛ lɑ pɛk pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ, ŋɡɔ ɑ ɡɛ pʉʉ pɔ́ pʉɔ pi pʉʉ kuꞋ nɛluk pɑ́Ꞌ ɑ kɑ kɑꞋnɛ mbɔ̌ pʉʉ. Pɛk pɛn ḿbɔ́ ḿbúꞋ mbɔ́ mbɔ̌ wɛ́, ŋɡɔ ɑ lɔk mɛtʉʉ mɛ́ ńcẅɛ́lɛ wʉ́ʉ pʉʉ ɡɛ mbɑ kʉ̈ɔ́ lɑ́ nu sʉ́Ꞌnɛ pɔ́ yi pʉʉ sɛ́ ŋ́kɔŋ nɛɡɛ, mbɑ fɑꞋ yi pʉʉ sɛ́ ŋ́ɡɛ ntɛ́ pɑ́Ꞌ pʉʉ zɑ́pnɛ tʉ́m nǔu wɛ́.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 16:7

N zúꞋ ŋɡi-ŋu fú zʉꞋ yi pɛ́ nɔŋnɛ pɔꞋ zúꞋu ńcú ŋɡɔ: «Tsɑpʉɔ Sɛ́ Ŋɡɑŋmɛtʉʉ tsʉʉ, wu nɛŋɑk ntsɑŋ ɛ́ nɛ́nẅín, ḿbɛn ḿbɔ́ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 19:2

mbíꞋŋɡɔ wɛ nɛŋɑk ntsɑŋ ɛ́ nɛ́nẅín ḿbɛn ḿbɔ́ ndʉ́ŋndʉŋ. A kɑ kɛ́mɔ́ ŋ́ŋɑk ntsɑŋ mɑ́mɑ́ ŋɡɑŋɡɑ́ɑ mɑŋɡɛ́ ẅi ɑ ḿbɔ́ ńdɔk nu ɡɑ́ɑ yɛ́, ńtɑ́k zʉꞋ ndǔ tsɛ́tsɑ́Ꞌ. A pɑꞌ pɛnnu-mɛci-ɡɑŋfɑꞌ pɛ́ pinɛ ŋɡɑŋɡɑ́ɑ ɛ̂wɑ́ kɑ tswɛtnɛ. A pɑꞋ pɔ́ kwɑꞋ nǔu wɛ́.»

Mɛnu ɛ́ ńdɑ́Ꞌ ńcẅɛt 3:4

Ŋ kɛ́ ńcú pɑ́Ꞌɑ, pɛcɔ́ ntɑ́Ꞌ pʉɔ pɔ́ tsɛtsɛt pʉʉ tʉ́sɔŋ-Sɑldɛs, mbɔ pɔ́p ŋ́kɑɑ lɔk ntsɛ́llɛ́ ńzɔ́Ꞌ mɛndẅí mɔ́p pɔ́. Pɔ́p ɡʉ ŋ́ɡɛ ḿmɑꞋ mɛfúfú ndẅí, pɛk pɛpɔ́p pûu ńtɛmtɛ ku ńnɛn, mbíꞋŋɡɔ pɔ́p kuꞋ pɑ́Ꞌ ḿbɔ́ pɛk pɛpɔ́p ńnɛn.