2 Kɔlɛ̂ŋtɛ 9:1 - Kɑɑ Fí

¹ Ɛ́ ɡʉ nǔu yúu lɔk ńcẅɛ́lɛ pɔ́ɔpɛ́mɑ́ pi pɔ́p Yɛlúsɑlɛm, mbɔ n jʉ́ɔ ŋɡɔ ɛ́ kɑ́ pɔ́ ḿbíkŋɛ ŋɡɔ m bɛn ḿbɔ́ ŋ́ŋwɑꞋnɛ yúu nǔu ŋwɑꞋnɛ́nɛ pɔ́.

2 Kɔlɛ̂ŋtɛ 9:1 Кръстосани препратки

Mɑtʉ̈ɔ 22:31

ŋ́ɡʉ nǔu pɛpfú pɑ́Ꞌ pɔ́p ɡʉ ŋ́ɡɛ ńzẅíimɛ, mbɔ pʉʉ ŋkɑɑ mɔ́ fúŋ yúu mi Sɛ́ kɑ cúnɛ pɔ́ kɛ, ɑ ŋkɑɑ cú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 24:17

Pɔ̂l pɛn ńcú ŋɡɔ: «Ŋ kɑ nɑ́ŋ túu tɛꞋ. Mɔ ḿbɔ́ pɑ́Ꞌɑ, mbɔ m bɛn Yɛlúsɑlɛm pɔ nɛɡɑ́ ŋkɑ́p pɛ́ tsupnɛ ńdɔk ńcẅɛ́lɛ́ lɑ́Ꞌ yɛ́k, mbɑ nɛɡɑ́ yúu nɛlɔk ŋ́ɡúꞋlɛ Sɛ́.

Pʉɔ-Lɔ́mɑ 11:28

Pɔ́p kɑ lʉꞋ Ŋkʉʉ Sʉ́Ꞌnɛ, ńtsʉ́Ꞌ ɡɑŋmbuu-Sɛ́, pʉʉ lúꞋnɛ. Lɑ́, pɑ́Ꞌ Sɛ́ kɑ lɑ́Ꞌnɛ ńtsɔ́Ꞌ wɔ́p ńdɔk ŋ́ɡɛ pʉɔ pɛ́ lɑ́, ɑ pɛ́t ŋ́kɔŋ wɔ́p kɔŋnɛ mbíꞋ pɛmɑ̂ɑŋɡɑpnjẅɛt pɔ́p.

Pʉɔ-Lɔ́mɑ 12:13

Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.

Pʉɔ-Lɔ́mɑ 15:31

nɛpɔ́ yi ŋ kɛ́ vu nǔu mbɔ́-pʉɔ-Judɛ̂ pi pɔ́p kɑ́ pɔ́ ńzɑ́p tʉ́m nǔu Kɛlístɔ pɔ́ pɔ́, ḿbɛn ḿbúꞋ mbɔ́ mbɔ̌ Sɛ́ ŋɡɔ ɑ ɡɛ pʉɔ-Kɛlístɔ pi pɔ́p Yɛlúsɑlɛm lɔk tʉ́m sʉ́Ꞌnɛ ńcẅɛ́ɛ yúu mi n dɔknɛ ŋ́ɡʉ nɛ́ zúꞋu nɛcẅɛ́lɛ wɔ́p.

Ŋɡɑlɑ̂t 2:10

Pɔ́p cú mbɔ̌ pɛk pɔ ndɑꞋ ŋɡɔ pɛk kẅíitɛ pɛpúŋ pi pɔ́p tsɛt cúꞋlɛ-pʉɔ-Kɛlístɔ Yɛlúsɑlɛm. Ŋ kɑ kẅíitɛ wɔ́p kwɑꞋ sʉ́Ꞌnɛ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

1 Tɛsɑlɔník 5:1

Pɔ́ɔpɛ́mɑ́, yɛcɔ́ nu yi pɛk ɡʉ ḿbɛn ŋ́ŋwɑꞋnɛ mbɔ̌ pʉʉ nɛlɔk ɛ́sẅíi wʉ́ʉ nɛ́ lɛ́Ꞌ kɛ pɔ ŋkɑ́Ꞌ yi mɔnɛ mɛnu ɡʉ ńdɑ́Ꞌ ńdɛɛtɛ kɑ́ pɔ́ ɡú pɔ́,

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.