2 Kɔlɛ̂ŋtɛ 8:9 - Kɑɑ Fí

⁹ Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

2 Kɔlɛ̂ŋtɛ 8:9 Кръстосани препратки

Mɑtʉ̈ɔ 17:27

Lɑ́ kɔɔ pûu ɡɛ nu pʉ́k pɑcẅɛ́ɛ ntsup. Gʉ ŋki ḿmɑꞋ mbɑꞋ. Ɔ ɡʉ ŋ́ɡẅɛɛ nduŋmbi mbɑŋ shú, ŋíɛꞋ ntsu wɛ́, ńjʉ́ɔ pɑk-ŋkɑ́p, ńcẅɛɛtɛ ńdɔk ŋ́ɡʉ ḿmɑꞋ yúu ntsup.

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Lúkɑ́shi 16:11

Pʉʉ lɑɑ ḿbɔɔ kuꞋ nɛpɑɑ yúu yi yɔ njí kɛpɔŋ pɔ́, mbɔ ɛ́ lɑɑ ḿbɔ́ wɔ̌ níꞋnɛ kwɑꞋ yúu yi tʉʉ ndɛn mbɔ̌ pʉʉ?

Lúkɑ́shi 2:7

A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

Lúkɑ́shi 8:3

ŋ́ɡɛ Jɑ̂ɑnɛ, nzwɛ́-Shuzɑ ẅi ɑ ḿbɔ́nɛ mbyɛ́pntɑŋ-fɔɔ Ɛlɔ̂dɛ, tɛ mbɑ Susɑ́nɑɑ, ŋ́ɡɛ pɛcɔ́ pɑŋɡɛ́. Pɔ́p pɛ́tsʉʉ pɔ́ nzʉʉ Yɛ́su ńdɔk mɛyúu mi pɔ́p ɡẅɛɛnɛ ńtɔ́ɔtɛ Yɛ́su pɔ́p ɡɑŋku pɛ́ nǔu fɑꞋ yɔ́p.

Lúkɑ́shi 9:58

Yɛ́su tsɔ́Ꞌ mbɔ̌ wɛ́ ŋɡɔ: «Pɛndǔm ɡẅɛɛ mɛmbʉ́ nɛlɛ́ zúꞋu, pɛshʉ́ŋ pɛn ŋ́ɡẅɛɛ mɛŋkɑɑ mɔ́p, lɑ́ mɔ́ɔ-ŋu kɑ́ ɡẅɛɛ zʉꞋ yi ḿbɔ́ ɑ zẅiitɛ zúꞋu pɔ́.»

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 12:30

Yɛ́su cú mbɔ̌ pɔ́p ŋɡɔ: «Yîyɑ́ ŋɡi kɑ́ cú nu pɑ́Ꞌɑ ńdɔk ńnyɛt lii yɛ́ mbɔ̌ mɔ pɔ́, ɛ́ nyɛt pɔ mbɔ̌ pʉʉ.

Jɑ̂ŋ 16:15

Mbɑ kʉ̈ɔ́ lɑ́ yi ɛ́ mbɔ̌ Tɑ̌ɑ mɔ ɛ́ yɑ́ɑ. Ɛ́ yúu mi ɛ́ ɡɛnɛ, lɑ n cú ŋɡɔ: «Zẅikŋɛ-nɛnẅín ɡʉ ŋ́ɡɛ ńzúꞋ sẅiŋɛ yɑ́ɑ, ńtɔ́ ɛ́sẅíi wʉ́ʉ.»

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Pʉɔ-Lɔ́mɑ 11:12

Ɛ́ lɑɑ ḿbɔ́ yi ɛ́ kɑ fú nǔu pɑ́Ꞌ pɔ́p tɛ́mnɛ ku yɔ́p, ndǔmbí tsʉʉ lɛɛtɛ nǔu ŋ́ɡẅɛɛ fuꞋ yi ɛ́ fúnɛ mbɔ̌ Sɛ́, ɛ́fú nǔu pɑ́Ꞌ pɔ́p vunɛ Sɛ́, pʉɔ pi pɔ́p kɑ́ pɔ́ pɑyúdɑ pɔ́ lɛɛtɛ yɔ́p nǔu ŋ́ɡẅɛɛ fuꞋ, mbɔ Sɛ́ ɡʉ ńdɑ́Ꞌ ḿbɔ́ tɛ ḿbʉꞋ wɔ́p pɛtsʉʉ, fuꞋ pɔɔ mɛkŋɛ ŋ́ɡɑ́Ꞌ pɔ́ ɔɔ?

Pʉɔ-Lɔ́mɑ 15:3

Kɛlístɔ kɑ zɛɛ ḿbɔɔ lɔɔ pɔ yúu mi ɛ́ pɔŋnɛ pɔ ndɑꞋ wɛ́ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m yúu mi pɛ́ cúnɛ tsɛt ŋwɑꞋnɛ-Sɛ́ ŋɡɔ: «Nzɔɔmɛ-pɑzɔɔtɛ wú kɑ vu tú mɔ».

Pʉɔ-Lɔ́mɑ 5:8

Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

1 Kɔlɛ̂ŋtɛ 1:4

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ mbíꞋ wʉ́ʉ, nǔu mɛnu sʉ́Ꞌnɛ mi ɑ kɑ lɔknɛ ŋ́ɡɑ́ fuꞋ níinɛ yʉ́ʉ, ńdɛɛ nǔu pɑ́Ꞌ pʉʉ pɛ́ Yɛ́su Kɛlístɔ kɑ kɛ́mɔ́ ńtɛmtɛ lɑ́.

1 Kɔlɛ̂ŋtɛ 15:47

Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:19

Yɔ pɑ́Ꞌ mɔ sɛ́ ḿbɔ́ ḿbúꞋ mbɔ́ mbɔ̌ Sɛ́ pɔ́Ꞌɔ. A ɡʉ ɛ́fú nǔu pʉʉ kuꞋ nɛjí pɑ́Ꞌ ŋkɔŋɛ-Kɛlístɔ pɔ́Ꞌɔ, tɛ mbɑ pɑ́Ꞌ ɛ́ lɛɛnɛ jínu tsʉʉ. Pʉʉ ɡʉ ḿbɔ́ tɛ ńjí yîyɑ́ ŋkɔŋɛ, yúu tsʉʉ yi ɛ́ tʉ́m-Sɛ́ pɛn ḿbɔ́ tsɛt tʉ́m pʉʉ tɛ yúu pɔɔ nǔu jɑ́k.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

1 Timɔtɛ́ɛ 6:18

Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Mɛnu ɛ́ ńdɑ́Ꞌ ńcẅɛt 2:9

Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.

Mɛnu ɛ́ ńdɑ́Ꞌ ńcẅɛt 3:18

ŋ ɡʉ ŋ́kɛ́ ɛ́sẅíi wú ŋɡɔ ɔ tɔ́ mbɔ̌ mɔ, ńzúu tʉ́n-ŋɡɔ̂l yi pɛ́ kɑ lɔk mɔ́ múk ńcẅɛɛtɛ lɔ́Ꞌ ndǔmbí yɔ tsʉʉ, ŋ́ɡɔ́ɔ ŋ́kɛ́ ḿbɔ́ ŋɡɑŋyúu ŋkɔ̂ɔnɛ, ḿbɛn ńzúu mɛfúfú ndẅí mbɔ̌ mɔ, ńjí ŋɡɔ ɔ ɡʉ ŋ́ɡẅɛɛ ndẅí yi ɔ ɡʉ mɑꞋ, sʉ́ʉ pɔɔ pɛn ŋ́kɔ́ wú ŋɡɔ ɔ tʉ́ʉ kɛ́ zẅík ndẅí pɔ́. Ɔ ɡʉ ḿbɛn ńzúu fumík mbɔ̌ mɔ, ńníꞋ nǔu mík mú nɛpɔ́ yi ɔ ɡʉ jʉ́ɔ zʉꞋ.