2 Kɔlɛ̂ŋtɛ 7:8 - Kɑɑ Fí

⁸ Nu ɡẅɛɛ nɛpɔŋ wɑ́ɑ tɛꞋ. ŊwɑꞋnɛ yi ŋ kɑ piitɛ́nɛ ńtúu mbɔ̌ pʉʉ, ɛ́ kɑ ɡɛ pʉʉ mʉk, lɑ́ ŋ kɑ́ pɔ́ ńjʉ́ɔ yɛcɔ́ lɔ́Ꞌ nǔu pɔ́. Ɛ́ lɑɑ ḿbɔ́ yi ŋ kɑ jʉ́ɔ lɔ́Ꞌ nǔu, mbɔ ɛ́ pɔ́ pɔ pɑ́Ꞌ ŋ kɑ pɔ́ ńjí ŋɡɔ ɛ́ ɡʉ ŋ́ɡɛ pʉʉ zɛɛ ḿmʉk.

2 Kɔlɛ̂ŋtɛ 7:8 Кръстосани препратки

Jɑ̂ŋ 16:6

Pʉʉ kɛ́ ḿbɔ́ ḿmʉk mʉknɛ, mbíꞋŋɡɔ ɛ sẅíi wʉ́ʉ ŋɡɔ ŋ ɡʉ ŋ́ɡʉ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

2 Kɔlɛ̂ŋtɛ 7:11

Pʉʉ líŋɛ pɔ yúu mi yîyɑ́ ntɛ́ nɛmʉk, nǔu ntɛ́ yi Sɛ́ sɛ́ ŋ́kɔŋ, ɛ́ kɑ ɡɛ nǔu pʉʉ lɑ́ ńjʉ́ɔ. Jʉ́ɔ wʉ́ʉ nɛɡwɛtnɛ ŋkɑ́ yi nu sɛ́. Jʉ́ɔ wʉ́ʉ nɛlɔ́ɔ ŋɡɔ pɛ́ likŋɛ mɛfɑɑnɛ mʉ́ʉ ŋ́ɡɑ́ mbɔ̌ pʉʉ. Jʉ́ɔ wʉ́ʉ nɛmʉk nu yɑ́ɑ. Jʉ́ɔ wʉ́ʉ nɛpɔ́k nu. Jʉ́ɔ wʉ́ʉ nɛtsɑ́ɑ nɛjʉ́ɔ wɑ́ɑ. Jʉ́ɔ wʉ́ʉ nɛzɑŋɛ mbʉʉ. Jʉ́ɔ wʉ́ʉ nɛzɑ́p ŋɡʉ̈ɔ́Ꞌ tú-ŋu ẅí ɑ fɑɑnɛ nu. Pʉʉ kɑ lɔk mɛshʉ́ tsʉʉ ńdɛꞋlɛ ŋɡɔ pʉʉ ŋkɑɑ pɛn ḿbɔ́ ńjí yɛcɔ́ nu nǔu yɔ nu pɔ́.

2 Kɔlɛ̂ŋtɛ 7:12

Pɑ́Ꞌ ŋ kɑ ŋwɑꞋnɛ́nɛ ŋwɑꞋnɛ ŋ́ɡɑ́ mbɔ̌ pʉʉ lɑ́, ŋ kɑ́ pɔ́ ŋ́ŋwɑꞋnɛ mbíꞋ ɡɑŋmɛfɑɑnɛ pɔ́, ŋ́kɛ́ ḿbɔɔ ŋ́ŋwɑꞋnɛ mbíꞋ ŋu ẅí pɛ́ ɡɛnɛ nu kɛpɔŋ nǔu wɛ́ pɔ́. Ḿbɔ́ ŋ́ŋwɑꞋnɛ pɔ ŋɡɔ pʉʉ tʉ́ʉ mbi Sɛ́, ńjʉ́ɔ ntɛ́ yi pʉʉ ńdɔk ŋ́ɡwɛtnɛ nǔu nu yɛ́k.

2 Kɔlɛ̂ŋtɛ 7:6

Lɑ́, Sɛ́ tuk ŋki-mík mɛ́k pɑ́Ꞌ ɑ tuknɛ ŋki-mík-pʉɔ pi pɔ́p sɛ́ ńdɑɑ. Ɛ́ pɔ́ pɑ́Ꞌ ɑ kɑ ɡɛnɛ Titɛus lutnɛ ńtɔ́ ńjʉ́ɔ wɛ́k.

2 Kɔlɛ̂ŋtɛ 7:7

Sɛ́ kɑ́ lɔk pɔ ndɑꞋ pɑ́Ꞌ Titɛus tɔ́nɛ pɔ́, ɑ pɛn ńdɔk mbɑ pɑ́Ꞌ pʉʉ kɑ zíinɛ ŋki-mík-Titɛus ɡúu. Titɛus kɑ piitɛ, ɛ́sẅíi wɛ́k nɛ́ ntɛ́ yi pʉʉ sɛ́ ńtsɑ́ɑ nɛjʉ́ɔ wɑ́ɑ pɔ́Ꞌɔ, ḿbɛn ḿbɛ́ɛtɛ ntɛ́ yi pʉʉ sɛ́ ńdɔk ḿmʉk nu yɑ́ɑ pɔ́Ꞌɔ, ḿbɛn ɛ́sẅíi wɛ́k pɑ́Ꞌ pʉʉ tʉ́ʉnɛ ḿbɛꞋ mɛ́lɑ́Ꞌ mɑ́ɑ pɔ́Ꞌɔ. Tɛ n zúꞋ, nu pɛn ŋ́kẅiꞋ ḿbɔŋ wɑ́ɑ tɛꞋ.

2 Kɔlɛ̂ŋtɛ 7:9

Lɑ́, mɔ ŋkɔ̂ɔnɛ ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ḿbɔɔ ńtsɑ́ɑtɛ, pɔ mbíꞋŋɡɔ pʉʉ kɑ mʉk pɔ́, n tsɑ́ɑtɛ mbíꞋŋɡɔ nɛmʉk wʉ́ʉ kɑ ɡɛ pʉʉ kúpmɛ mɑt. Pʉʉ kɑ mʉk nǔu ntɛ́ yi Sɛ́ sɛ́ ŋ́kɔŋ, tɛ ḿbɔ́ pʉʉ pɔɔ cú ŋɡɔ pɛk kɑ ɡɛ yɛcɔ́ nu kɛpɔŋ nǔu pʉʉ pɔ́,

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.