2 Kɔlɛ̂ŋtɛ 7:7 - Kɑɑ Fí

⁷ Sɛ́ kɑ́ lɔk pɔ ndɑꞋ pɑ́Ꞌ Titɛus tɔ́nɛ pɔ́, ɑ pɛn ńdɔk mbɑ pɑ́Ꞌ pʉʉ kɑ zíinɛ ŋki-mík-Titɛus ɡúu. Titɛus kɑ piitɛ, ɛ́sẅíi wɛ́k nɛ́ ntɛ́ yi pʉʉ sɛ́ ńtsɑ́ɑ nɛjʉ́ɔ wɑ́ɑ pɔ́Ꞌɔ, ḿbɛn ḿbɛ́ɛtɛ ntɛ́ yi pʉʉ sɛ́ ńdɔk ḿmʉk nu yɑ́ɑ pɔ́Ꞌɔ, ḿbɛn ɛ́sẅíi wɛ́k pɑ́Ꞌ pʉʉ tʉ́ʉnɛ ḿbɛꞋ mɛ́lɑ́Ꞌ mɑ́ɑ pɔ́Ꞌɔ. Tɛ n zúꞋ, nu pɛn ŋ́kẅiꞋ ḿbɔŋ wɑ́ɑ tɛꞋ.

2 Kɔlɛ̂ŋtɛ 7:7 Кръстосани препратки

Mɑtʉ̈ɔ 26:75

Pyɛ̂ ɡɔ́ɔ ŋ́kẅíitɛ pɑ́Ꞌ Yɛ́su lɑ́Ꞌnɛ ńcú mbɔ̌ wɛ́ ŋɡɔ mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ́ ńtɔ́ŋ, mbɔ ɔ muŋɛ wɑ́ɑ ŋkɑ́ yɛ́tɑ́t, ɛ́fú tɛtɑ́ɑ ńcẅɛt, ŋ́kíi tɛꞋ.

Mɑtʉ̈ɔ 5:4

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

Lúkɑ́shi 22:44

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

Pʉɔ-Lɔ́mɑ 1:12

N dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ n dɑɑ ńtɔ́ ḿbɔ́ tsɛtsɛt pʉʉ, yʉʉ ntɛ́ nɛzɑ́p tʉ́m nǔu Sɛ́ ɡɔ́ ńní mɛtʉʉ mɑ́ɑ, yɑɑ ntɛ́ níꞋ mɛtʉʉ mʉ́ʉ ɡúu.

1 Kɔlɛ̂ŋtɛ 5:2

Pʉʉ pɔ́ zúꞋu ḿbɔ́ ŋ́ŋɑ́Ꞌlɛ, lɑ mbɔ pʉʉ ḿbɔ́ ŋ́ɡʉ ńdúŋ yîyɑ́ ntɛ́ nu lúŋnɛ, pɛ́ pɛn ɛ́fú tsɛtsɛt pʉʉ ńzuŋ ŋu ẅí ɑ ɡɛnɛ pɔ́Ꞌɔ.

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

2 Kɔlɛ̂ŋtɛ 1:4

A tɔ́ɔtɛ wɛkŋɛ ŋɡɔŋ ŋkɑ́ tsʉʉ yi pɛkŋɛ tsɛt ŋɡʉ̈ɔ́Ꞌ nɛpɔ́ yi pɛkŋɛ ɡúu ɡʉ ŋ́kuꞋ nɛtɔ́ɔtɛ pɛcɔ́ pʉɔ pi pɔ́p tsɛt ŋɡʉ̈ɔ́Ꞌ, ńtsʉ́Ꞌ nɛtɔ́ɔtɛ wɔ́p ńtɔ́ɔtɛ nǔu ntɛ́ yi Sɛ́ kɑ tɔ́ɔtɛ́nɛ wɛkŋɛ.

2 Kɔlɛ̂ŋtɛ 2:9

Pʉʉ jí ŋɡɔ ŋ kɑ pɛn ŋ́ɡɔ ŋ́ŋwɑꞋnɛ ŋwɑꞋnɛ mbɔ̌ pʉʉ ḿbɔ́ ńdɔɔ nɛkwɑꞋnɛ wʉ́ʉ ńjʉ́ɔ, kɛ pʉʉ kuꞋ nɛzúꞋ ntsu nǔu mɛnu tsʉʉ ɔɔ.

2 Kɔlɛ̂ŋtɛ 5:2

Ɛ́ yúu mi ɛ́ ɡɛnɛ pɛkŋɛ pɔ́ ŋkɔ̂ɔnɛ ḿbɔ́ ńdɑɑ, ńtsɑ́ɑ nɛpɔ́ tsɛt ndɑ́ yɛkŋɛ tʉ́nɛ́pú, nɛpɔ́ tsɛtú pɑ́Ꞌ ŋu ẅi ɑ tsɛt ndẅí fí yi ɑ mɑꞋnɛ lɑ́.

2 Kɔlɛ̂ŋtɛ 7:6

Lɑ́, Sɛ́ tuk ŋki-mík mɛ́k pɑ́Ꞌ ɑ tuknɛ ŋki-mík-pʉɔ pi pɔ́p sɛ́ ńdɑɑ. Ɛ́ pɔ́ pɑ́Ꞌ ɑ kɑ ɡɛnɛ Titɛus lutnɛ ńtɔ́ ńjʉ́ɔ wɛ́k.

2 Kɔlɛ̂ŋtɛ 7:8

Nu ɡẅɛɛ nɛpɔŋ wɑ́ɑ tɛꞋ. ŊwɑꞋnɛ yi ŋ kɑ piitɛ́nɛ ńtúu mbɔ̌ pʉʉ, ɛ́ kɑ ɡɛ pʉʉ mʉk, lɑ́ ŋ kɑ́ pɔ́ ńjʉ́ɔ yɛcɔ́ lɔ́Ꞌ nǔu pɔ́. Ɛ́ lɑɑ ḿbɔ́ yi ŋ kɑ jʉ́ɔ lɔ́Ꞌ nǔu, mbɔ ɛ́ pɔ́ pɔ pɑ́Ꞌ ŋ kɑ pɔ́ ńjí ŋɡɔ ɛ́ ɡʉ ŋ́ɡɛ pʉʉ zɛɛ ḿmʉk.

2 Kɔlɛ̂ŋtɛ 8:16

Pɛkŋɛ ɡɑ́ pɑ́Ꞌlɑ́ mbɔ̌ Sɛ́ nǔu pɑ́Ꞌ ɑ ɡɛnɛ Titɛus zɑŋɛ mbʉʉ nǔu nu yʉ́ʉ pɑ́Ꞌ pɛk.

Filipɛ 1:20

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

Kɔlɔsíyɛ̂ŋ 2:5

N zɛɛ ḿbɔ́ pɔ ŋɡɑ sɛsɑ, lɑ́ kwɑŋɛ yɑ́ɑ tʉ́ʉ pɔ nǔu pʉʉ. Mɔ sɛ́ ńtsɑ́ɑtɛ mbíꞋŋɡɔ n jí ŋɡɔ pʉʉ sɛ́ ńniitɛ mɛnu mʉ́ʉ sʉ́Ꞌnɛ, ḿbɛn ŋ́kúꞋlɛ nu-Kɛlístɔ tɛ ɛ́ tɛn.

1 Tɛsɑlɔník 3:6

Lɑ́ ɛ́ nǔu ŋkɔ̂ɔnɛ, mbɔ ɑ fú lɑ́Ꞌ pʉʉ ḿbɛn tɛ ŋ́kúu zɑꞋnɛ. A sẅíi wɛ́k nɛ́ nu nǔu wʉʉ nɛzɑ́p tʉ́m nǔu Sɛ́, nǔu ŋkɔŋɛ yi pʉʉ ɡẅɛɛnɛ, tɛ nu pɔŋ wɛ́k. A sẅíi wɛ́k pɑ́Ꞌ pʉʉ nɑŋnɛ ŋ́kẅíi wɛ́k pɔ sʉ́Ꞌnɛ, mbɑ pɑ́Ꞌ pʉʉ sɛ́ ńtsɑ́ɑ nɛpɛn ńjʉ́ɔ wɛ́k pɑ́Ꞌ pɛk ɡúu sɛ́ ńtsɑ́ɑ nɛpɛn ńjʉ́ɔ wʉ́ʉ.

1 Tɛsɑlɔník 3:8

Ɛ́ ŋkɔ̂ɔnɛ, pɛk zúꞋ ɛ́ pɔŋ, mbíꞋŋɡɔ pʉʉ ŋkɑɑ kɑ́ɑ nɛpɔ́ pɔ nzʉʉ Tsɑpʉɔ pɔ́,

Ɛ́bɛlʉʉ 2:1

Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,

Jɑ̂k 5:17

Ɛlîi kɑ pɔ́ pɔ ŋumɛsɔŋ pɑ́Ꞌ pɛkŋɛ, ɑ kɑ cɛꞋlɛ Sɛ́ nɛ́ tʉ́m yɛ́ tsʉʉ ŋɡɔ kɔɔ mbʉŋ lɔ́, Sɛ́ ɡɛ mbʉŋ pɔɔ lɔ́ tɛ ɛ́ pɔ́ ŋɡuꞋ yɛ́tɑ́t nɛ́ pɛsɑŋ pɛ́nɛ́ntúkú.

2 Jɑ̂ŋ 1:4

Nu kɑ tsuŋ ḿbɔŋ wɑ́ɑ tɛꞋ pɑ́Ꞌ ŋ kɑ zúꞋnɛ ŋɡɔ pɛcɔ́ mbɔ́ŋkʉ̈ɔ́ sɛ́ ńnɛn nǔu sɛ̂ndúŋ-nu nɛ́nẅín pɑ́Ꞌ Tɑ́t wɛkŋɛ kɑ cúnɛ mbɔ̌ pɛkŋɛ lɑ́.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.