2 Kɔlɛ̂ŋtɛ 7:14 - Kɑɑ Fí

¹⁴ Ɛ́ ɡɔ́ ḿbɔ́, mbɔ ŋ kɑ tʉ́ʉ mbi Titɛus ńnɑ́Ꞌ ńdɔk nu yʉ́ʉ ŋ́kɑꞋtɛ. A pɛn fú lɑ́Ꞌ pʉʉ, sʉ́ʉ kɛ́ mbɔɔ wɑ́ɑ kɔ́. Yúu mi pɛk kɑ pɔ́ ńdɔk nu yʉ́ʉ ŋ́kɑꞋtɛ mbi Titɛus nǔu, ɛ́ kɑ pɛn ńcẅɛt ḿbɔ́ pɔ nu nɛ́nẅín, ndʉ́ŋndʉŋ pɑ́Ꞌ pɛk ńjúknɛ ɛ́sẅíi wʉ́ʉ pɔ nɛ́ nu nɛ́nẅín lɑ́.

2 Kɔlɛ̂ŋtɛ 7:14 Кръстосани препратки

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

2 Kɔlɛ̂ŋtɛ 10:8

Tsɑpʉɔ kɑ zɑ́pnɛ wɛ́k, nɛtʉ́ʉ mbi ńcú nu mbɔ̌ pʉʉ, nɛlɔk ŋ́ɡɛ cúꞋlɛ yʉ́ʉ kẅiꞋ ŋ́ɡʉ pɔ́p nɛ́ mbi, ɛ́ ŋkɑɑ pɔ́ nɛlɔk ńtɑ́k pɔ́. Ɛ́ lɑɑ ńzɛɛ ḿbɔ́ yi mɔ sɛ́ ńdɔk ẅîwɑ́ nɛpɔ́ ŋ́kɑꞋmɛ tɛ ɛ́ lɛɛ, mbɔ ɛ́ lɑɑ ḿbɔ́ sʉ́ʉ pɔɔ wɑ́ɑ kɔ́.

2 Kɔlɛ̂ŋtɛ 12:6

Mɔ ḿbɔ́ pɛ́Ꞌnɛ ńdɔk túmbʉʉ yɑ́ɑ ŋ́kɑꞋmɛ, mbɔ ŋ kɑ́ pɔ́ ńdɔk ḿbɑ́ pɑ́nɛ pɔ́, mbíꞋŋɡɔ ŋ ɡʉ ńcú pɔ nu nɛ́nẅín. Lɑ́ ŋ kɑ́ pɔ́ ŋ́ɡʉ ŋ́kɑꞋmɛ pɔ́, ḿbɔ́k pɛ́ nɛjʉ́ɔ wɑ́ɑ ńdɛɛ yúu mi pɛ́ sɛ́ ńjʉ́ɔ ŋ ɡɛ, tɛ mbɑ yi mɔ sɛ́ ńcú.

2 Kɔlɛ̂ŋtɛ 2:13

lɑ́Ꞌ, mbʉʉ yɑɑ kɛ́ ńcitɛ citɛ́nɛ, mbíꞋŋɡɔ mɔ ŋkɑɑ mɔ́ɔmɑ́ wɛkŋɛ Titɛus zúꞋu jʉ́ɔ. Ɛ́ yúu mi ɛ́ kɑ ɡɛnɛ n dɛɛmɛ pʉɔ-Tɔ̂lɑ́s ŋ́ɡʉ nɛ́ Mɑsɛndwɑn nɛlɔɔ wɛ́.

2 Kɔlɛ̂ŋtɛ 7:13

Yɔ yúu mi ɛ́ kɑ zíinɛ ŋki-mík mɛ́k. Ŋki-mík mɛ́k ŋkɑɑnɛ pɔ́ mɛ́ zíinɛ ndɑꞋ pɔ́, pɛk kɑ pɛn ŋ́kẅiꞋ ńtsɑ́ɑtɛ tɛꞋ nǔu nu yi Titɛus kɑ pɔ́ ńtsɑ́ɑtɛ yɛ́, mbɔ pʉʉ pɛtsʉʉ ɡɛnɛ tʉ́m yɛ́ fíitɛ.

2 Kɔlɛ̂ŋtɛ 7:4

Mɔ ńtɛ́m mɔ́ ŋkwɛn yɑɑ ŋ́ɡɑ́ mbɔ̌ pʉʉ, n dɔk pɔ wʉ́ʉ ńtsɑ́ɑtɛ tɛꞋ, m bɛ́t ŋ́ɡẅɛɛ pɔ sʉk tɛꞋ, tsɑ́ɑtɛ tʉ́m mɔ tɛꞋ tɛ mbɑ pɑ́Ꞌ pɛk sɛ́ ńjʉ́ɔ ŋɡʉ̈ɔ́Ꞌ tɛꞋ lɑ́.

2 Kɔlɛ̂ŋtɛ 7:6

Lɑ́, Sɛ́ tuk ŋki-mík mɛ́k pɑ́Ꞌ ɑ tuknɛ ŋki-mík-pʉɔ pi pɔ́p sɛ́ ńdɑɑ. Ɛ́ pɔ́ pɑ́Ꞌ ɑ kɑ ɡɛnɛ Titɛus lutnɛ ńtɔ́ ńjʉ́ɔ wɛ́k.

2 Kɔlɛ̂ŋtɛ 8:24

Pɔ́p pɛ́pɔ́p lɑɑ ńtɔ́, pʉʉ ɡɛ tɛ pɔ́p jí ŋɡɔ pʉʉ sɛ́ ŋ́kɔŋ wɔ́p tɛ ɛ́sẅíi nu. MɛcúꞋlɛ-pʉɔ-Kɛlístɔ ɡɔ́ɔ ŋ́kɛ́ ńjí ŋɡɔ pɛk lɔk nu yʉ́ʉ ŋ́kɑꞋtɛ mbi pɔ́p pɑꞋnɛ tɛ ɛ́sẅíi nu.

Filipɛ 1:26

Pɔ́Ꞌɔ lɑ́, mɔ ŋ́ɡɛ ḿbɛn tɛ ḿbɔ́ tsɛtsɛt pʉʉ, pʉʉ lúꞋnɛ wɑ́ɑ ŋ́kẅiꞋ ŋ́ɡẅɛɛ tsɑ́ɑtɛ yí ɛ́ fúnɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Yɛ́su Kɛlístɔ.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.