2 Kɔlɛ̂ŋtɛ 7:11 - Kɑɑ Fí

¹¹ Pʉʉ líŋɛ pɔ yúu mi yîyɑ́ ntɛ́ nɛmʉk, nǔu ntɛ́ yi Sɛ́ sɛ́ ŋ́kɔŋ, ɛ́ kɑ ɡɛ nǔu pʉʉ lɑ́ ńjʉ́ɔ. Jʉ́ɔ wʉ́ʉ nɛɡwɛtnɛ ŋkɑ́ yi nu sɛ́. Jʉ́ɔ wʉ́ʉ nɛlɔ́ɔ ŋɡɔ pɛ́ likŋɛ mɛfɑɑnɛ mʉ́ʉ ŋ́ɡɑ́ mbɔ̌ pʉʉ. Jʉ́ɔ wʉ́ʉ nɛmʉk nu yɑ́ɑ. Jʉ́ɔ wʉ́ʉ nɛpɔ́k nu. Jʉ́ɔ wʉ́ʉ nɛtsɑ́ɑ nɛjʉ́ɔ wɑ́ɑ. Jʉ́ɔ wʉ́ʉ nɛzɑŋɛ mbʉʉ. Jʉ́ɔ wʉ́ʉ nɛzɑ́p ŋɡʉ̈ɔ́Ꞌ tú-ŋu ẅí ɑ fɑɑnɛ nu. Pʉʉ kɑ lɔk mɛshʉ́ tsʉʉ ńdɛꞋlɛ ŋɡɔ pʉʉ ŋkɑɑ pɛn ḿbɔ́ ńjí yɛcɔ́ nu nǔu yɔ nu pɔ́.

2 Kɔlɛ̂ŋtɛ 7:11 Кръстосани препратки

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Jɑ̂ŋ 2:17

Gɑŋku-Yɛ́su ɡɔ́ɔ ŋ́kɛ́ ŋ́kẅíitɛ zʉꞋ-ŋwɑꞋnɛ-ndɛn kɑɑ yi ɛ́ cúnɛ ŋɡɔ: «Mɔ, ŋ kɔŋ zʉꞋ yú kɔŋnɛ tɛ ŋ ɡʉ ńdɑ́Ꞌ ḿpfú pɔ nǔu.»

ŊwɑꞋnɛ-Gɑŋntúu Yɛ́su Kɛlístɔ 17:16

Pɔ̂l ɡɔ́ ḿbɔ́ ńzẅíꞋlɛ wɔ́p Atɛ̂n, ḿbɔ́ ŋ́kɑ́t ńjʉ́ɔ yúu ntɛ́ ntɛ́ yi pʉɔ-tʉ́sɔŋ ɛ̂yɑ́ ɡúꞋlɛnɛ ŋɡɔ ɛ́ mɛsɛ́. Ɛ́ zɑ́ɑ pɑ́ꞋtɛꞋ, mbʉʉ yɛ citɛ.

Pʉɔ-Lɔ́mɑ 11:20

Ɔ́ɔŋ pɛ́ kɑ kɛ́ ŋ́kʉ́ɔꞋ wɔ́p ḿmɛꞋ, ɛ́ pɔ́, mbíꞋŋɡɔ pɔ́p kɑ́ zɑ́p tʉ́m nǔu Kɛlístɔ pɔ́. Ɔ pɛn ḿbɔ́ zúꞋu, mbíꞋŋɡɔ ɔ zɑ́p tʉ́m nǔu Kɛlístɔ, lɑ́ kɔɔ kɛ́ ŋ́ŋɑ́Ꞌtɛ, tɛ ńtsʉ́Ꞌ pɔ́Ꞌɔ, ɔ lɑk pɔ tú yú.

Pʉɔ-Lɔ́mɑ 14:18

Ŋu lɑɑ ɛ́fɑꞋ fɑꞋ-Kɛlístɔ nɛ́ yɔ ntɛ́, mbɔ nu yɛ́ ɡʉ ḿbɔŋ Sɛ́, pʉɔmɛsɔŋ pɛn ŋ́ɡɑ́ mɛkuꞋ ŋɡɑŋ.

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

1 Kɔlɛ̂ŋtɛ 12:25

ńjí ŋɡɔ mbɑp-mbʉʉ kɛ́ nɑ́ŋ mɛnji mɛnji pɔ́, tɛ ńtsʉ́Ꞌ pɔ́Ꞌɔ, zʉꞋ-mbɑp-mbʉʉ ɡɔ́ ɛ́fɑꞋ yɛ́ fɑꞋ, ɛ́fɑꞋ pɑ́Ꞌ mɛcɔ́ mɛzʉꞋ ɡʉ ńjʉ́ pii yɛ́.

1 Kɔlɛ̂ŋtɛ 5:13

Sɛ́ ɡʉ ńdɑ́Ꞌ ŋ́ŋɑk pʉɔ pi pɔ́p kɑ́ pɔ́ pʉɔ-Kɛlístɔ pɔ́. Pʉʉ fú tsɛtsɛt pʉʉ ńzuŋ ŋu kɛpɔŋ.

1 Kɔlɛ̂ŋtɛ 5:2

Pʉʉ pɔ́ zúꞋu ḿbɔ́ ŋ́ŋɑ́Ꞌlɛ, lɑ mbɔ pʉʉ ḿbɔ́ ŋ́ɡʉ ńdúŋ yîyɑ́ ntɛ́ nu lúŋnɛ, pɛ́ pɛn ɛ́fú tsɛtsɛt pʉʉ ńzuŋ ŋu ẅí ɑ ɡɛnɛ pɔ́Ꞌɔ.

2 Kɔlɛ̂ŋtɛ 13:7

Pɛk sɛ́ ḿbúꞋ mbɔ́ mbɔ̌ Sɛ́ ŋɡɔ ɑ cẅɛ́lɛ́ wʉ́ʉ tɛ pʉʉ pɔɔ ɡɛ sɑ̌ɑ nu kɛpɔŋ pɔ́. Ŋ kɑ́ pɔ́ ńdɔk ńdɔɔ pɔ́Ꞌɔ, pɔ nɛɡɛ lɑ́ pʉʉ jʉ́ɔ ŋɡɔ pɛk ɡɑŋntúu-Yɛ́su Kɛlístɔ pɔ́. Pɛk tsɑ́ɑ pɔ ndɑꞋ ŋɡɔ pʉʉ ɡɛ nu sʉ́Ꞌnɛ tɛ mbɑ pɑ́Ꞌ fɑꞋ yɛ́k ɡʉ ḿbɔ́ pɔ pɑꞋ fɑꞋ yi pɛ́ ɡwɑ́k ɡwɑ́knɛ.

2 Kɔlɛ̂ŋtɛ 2:6

Nɛzɑ́ɑ pʉɔ kɛ́ ŋ́kɑkŋɛ wɛ́, ɛ́ kuꞋ pɔ́Ꞌɔ.

2 Kɔlɛ̂ŋtɛ 6:4

Tɛ ńtsʉ́Ꞌ pɔ́Ꞌɔ, pɛk tʉ́ʉ nǔu kʉ̈ɔ́ lɑ́, ńnyɛt ŋɡɔ pɛk pɑfɑꞋ fɑꞋ-Sɛ́, ńdɔk pɑ́Ꞌ pɛk sɛ́ ɛ́sʉk tɛꞋ, nǔu ŋkɑ́-ŋɡʉ̈ɔ́Ꞌ, nǔu ŋkɑ́ yi nu lɛɛnɛ wɛ́k, nǔu ŋkɑ́ yi pɛk sɛ́ ńcʉ̈ɔꞋ tɛꞋ,

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

2 Kɔlɛ̂ŋtɛ 7:7

Sɛ́ kɑ́ lɔk pɔ ndɑꞋ pɑ́Ꞌ Titɛus tɔ́nɛ pɔ́, ɑ pɛn ńdɔk mbɑ pɑ́Ꞌ pʉʉ kɑ zíinɛ ŋki-mík-Titɛus ɡúu. Titɛus kɑ piitɛ, ɛ́sẅíi wɛ́k nɛ́ ntɛ́ yi pʉʉ sɛ́ ńtsɑ́ɑ nɛjʉ́ɔ wɑ́ɑ pɔ́Ꞌɔ, ḿbɛn ḿbɛ́ɛtɛ ntɛ́ yi pʉʉ sɛ́ ńdɔk ḿmʉk nu yɑ́ɑ pɔ́Ꞌɔ, ḿbɛn ɛ́sẅíi wɛ́k pɑ́Ꞌ pʉʉ tʉ́ʉnɛ ḿbɛꞋ mɛ́lɑ́Ꞌ mɑ́ɑ pɔ́Ꞌɔ. Tɛ n zúꞋ, nu pɛn ŋ́kẅiꞋ ḿbɔŋ wɑ́ɑ tɛꞋ.

2 Kɔlɛ̂ŋtɛ 7:9

Lɑ́, mɔ ŋkɔ̂ɔnɛ ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ḿbɔɔ ńtsɑ́ɑtɛ, pɔ mbíꞋŋɡɔ pʉʉ kɑ mʉk pɔ́, n tsɑ́ɑtɛ mbíꞋŋɡɔ nɛmʉk wʉ́ʉ kɑ ɡɛ pʉʉ kúpmɛ mɑt. Pʉʉ kɑ mʉk nǔu ntɛ́ yi Sɛ́ sɛ́ ŋ́kɔŋ, tɛ ḿbɔ́ pʉʉ pɔɔ cú ŋɡɔ pɛk kɑ ɡɛ yɛcɔ́ nu kɛpɔŋ nǔu pʉʉ pɔ́,

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

Ɛ́fɛ̂zɛ 5:11

Kɔɔ pʉʉ kúu tsɛtsɛt pʉɔ pi pɔ́p fɑꞋ pɔ mɛfɑꞋ mi ɛ́ kɑ́ pɔ́ ńcẅɛ́lɛ́ pɔ́, mɛfɑꞋ-nzɛnzʉ́ʉ. Pʉʉ sɑ́ɑnɛ sɑ́ɑnɛ́nɛ ŋ́kyɛ́Ꞌ ntsɛm yɔp kíɛꞋnɛ.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

1 Timɔtɛ́ɛ 5:20

Ɛ́ ɡʉ nǔu pʉɔ pi pɔ́p tsuŋnɛ ŋ́ɡɛ nu kɛpɔŋ, ɔ tʉ́ʉ pɔ tsɛt cúꞋlɛ ŋ́kɑkŋɛ wɔ́p, pɛcɔ́ pʉɔ jʉ́ɔ pɔ́Ꞌɔ, ḿbɔ́k nɛɡɛ nu kɛpɔŋ.

2 Timɔtɛ́ɛ 2:15

Sɑ́Ꞌ tʉʉ nɛɡɔ́ ńtʉ́ʉ mbi Sɛ́, ḿbɔ́ ŋu ẅí ɑ pɛ́mnɛ wɛ́, ḿbɔ́ ŋɡɑŋfɑꞋ ẅí sʉ́ʉ kɑ́ pɔ́ ŋ́kɔ́ wɛ́ nǔu fɑꞋ yɛ́ pɔ́. Ḿbɔ́ ŋɡɑŋfɑꞋ ẅí ɑ cẅinɛ Ŋkʉʉ ẅi ɛ́ nɛ́nẅín, kɛ́ ɡʉ nǔu ŋ́kúpmɛ yɛcɔ́ yúu.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

Jẅidɛ 1:23

Pʉʉ fú tsɛt múk ńcẅɛɛtɛ wɔ́p, pɔ́p luk. Pɛcɔ́ pʉɔ pɛn ḿbɔ́ ɡú pi pʉʉ ɡʉ ḿbɛn ńtsɑ́ɑ mɛjʉ́ŋ mɔ́p, ŋ́ɡɔ́ ńtsɑ́ɑ, ḿbɔ́ ḿbɑ́ɑ yʉʉ mbʉʉ. Pʉʉ pɑ́ɑ mbɑ mɛndẅí mɔ́p pɑ́Ꞌ ntsɛ́llɛ́-mɛnu kɛpɔŋ ɡɔ́ ŋ́kúu nǔu ɛ́fú nǔu yúu mi mbʉʉ yɔp tsɑ́ɑnɛ.

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.