2 Kɔlɛ̂ŋtɛ 5:5 - Kɑɑ Fí

⁵ Sɛ́ kɑ niitɛ́nɛ wɛkŋɛ nǔu ẅîwɑ́ nɛpɔ́, ŋ́ɡɑ́ Zẅikŋɛ yɛ́ mbɔ̌ pɛkŋɛ nɛlɔk ŋ́ɡɛ zɛsɛ́ nǔu yúu mi ɑ ɡʉ ŋ́ɡɛ lɑ́ ŋ́ɡɑ́ mbɔ̌ pɛkŋɛ.

2 Kɔlɛ̂ŋtɛ 5:5 Кръстосани препратки

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

2 Kɔlɛ̂ŋtɛ 1:22

ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.