2 Kɔlɛ̂ŋtɛ 4:4 - Kɑɑ Fí

⁴ ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 4:4 Кръстосани препратки

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 12:35

Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 12:40

«Sɛ́ kɑ ɡɛ mík mɔ́p fʉ. A kɑ jʉ́ɔꞋ jínu yɔ́p, nɛpɔ́ yi pɔ́p kɛ́ lɔk mík ńjʉ́ɔ zʉꞋ pɔ́, pɔ́p pɔɔ lɔk jínu yɔ́p ńjí nu pɔ́; ɛ́ lɛɛ pɔ́Ꞌɔ, pɔ́p pɔɔ kúpmɛ mɑt wɔp ɑ ɡɛ pɔ́p fíitɛ pɔ́».

Jɑ̂ŋ 12:45

Ŋu ẅí ɑ jʉ́ɔnɛ wɑ́ɑ, ɑ pɛn ńjʉ́ɔ ŋu ẅí ɑ kɑ túunɛ wɑ́ɑ.

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 16:11

Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu nɛŋɑk, mbíꞋŋɡɔ fɔɔ ẅí ɑ sɑ́Ꞌnɛ yɔ njí kɑ vu ntsɑŋ.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 26:23

Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

1 Kɔlɛ̂ŋtɛ 10:20

Ŋɡɑ́ŋ! Ɛ́ ɡú pɔ́. Ŋ ɡʉ ńcú pɔ ŋɡɔ pʉɔ pi pɔ́p nɔŋnɛ pɔꞋ nɔŋ pɔ mbɔ̌ mɛzẅikŋɛ kɛpɔŋ. Pɔ́p kɑ́ pɔ́ ńnɔŋ pɔꞋ mbɔ̌ Sɛ́ pɔ́. Ŋ kɑ́ pɔ́ ŋ́kɔŋ ŋɡɔ pʉʉ pɛ́ mɛzẅikŋɛ kɛpɔŋ tɛmtɛ pɔ́.

2 Kɔlɛ̂ŋtɛ 2:11

ńjí ŋɡɔ pɛkŋɛ kɛ́ nɑ́ Sɑ́ttɑ ɑ lɛɛ wɛkŋɛ pɔ́, mbíꞋŋɡɔ pɛkŋɛ kɑ́ pɔ́ ḿmuŋɛ yúu mi ɑ nzʉʉ pɛkŋɛ ńdɔɔ pɔ́.

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

2 Kɔlɛ̂ŋtɛ 3:11

Ɛ́ zɛɛ ḿbɔ́ yi yúu mi ɛ́ ŋ́kɑɑ ńdɑ́Ꞌ ńjúk ḿbɔ́ pɔ́ ɡú pɔ́, ɛ́ kɑ ɡẅɛɛ wɛ nɛŋwɑ́ŋɛ, mbɑ yúu mi ɛ́ ɡʉ ńdɑ́Ꞌ ńjúk ḿbɔ́ pɔ ɡú, ŋ́ɡɛ ŋ́kɛ́ ŋ́ɡẅɛɛ nɛŋwɑ́ŋɛ ɛ́ lɛɛ yîyɑ́.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Filipɛ 2:6

A ŋkɑɑ lɔk pɑ́Ꞌ ɑ Sɛ́ tɛ ḿmik, ńcʉŋɛ nǔu nɛpɔ́ ẅi pɔ́p Sɛ́ ɡʉ ŋ́kɛ́ ńnɑ́ŋ pɔ tɑ́Ꞌ zʉꞋ pɔ́.

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

1 Timɔtɛ́ɛ 1:11

Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 6:4

Pɛ́ ɡẅɛɛ nɛnɑ́ mbíꞋŋɡɔ pʉɔ pi Sɛ́ ɡɛnɛ, pɔ́p jʉ́ɔ zʉꞋ fúk, ŋ́ɡɛ ńtɛ́m ŋkwɛn mbɔ̌ Sɛ́, ɛ́ tɛn pɑ́Ꞌ ɛ́ lɑɑ ḿbɔ́ ŋu ɛ́sẅíi wɔ́p nɛ́ nu tɛ pɔ́p pɛn ḿbɛn mbɔ̌ Sɛ́. Pɛ́ cú pʉɔ pɑ́Ꞌ pi pɔ́p kɑ zẅíꞋnɛ yúu mi Sɛ́ fúnɛ tʉ́nɛ́pú ŋ́ɡɑ́ pɔ níinɛ. Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pɔ́p, pɔ́p zẅíꞋ sẅiŋɛ-sɛ́ tɛ ńzúꞋ pɑ́Ꞌ ɛ́ pɔŋnɛ, ḿbɛn ńjí mbɑ pɑ́Ꞌ mɛtʉʉ mi ɛ́ ɡʉ ńdɑ́Ꞌ lɑ ńtɔ́ pɔ́nɛ. Pɔ́p lɑɑ ŋ́kʉɔ Sɛ́, mbɔ ɛ́ tɛn pɑ́Ꞌ ḿbɔ́ pɛ́ ɡɛ tɛ pɔ́p pɛn ḿbɛn mbɔ̌ Sɛ́, mbíꞋŋɡɔ pɔ́p lɔk nɛɡɛ pɔ́Ꞌɔ, ḿbɛn ŋ́kẅíi mɔ́ɔ-Sɛ́ nǔu tʉ́ mbɑ́ŋtɛ pɑ́ŋtɛ́nɛ, ńtsɔ́Ꞌ wɛ́ ńtík pɛ́ zɔɔtɛ wɛ́.

2 Pyɛ̂ 1:19

Ɛ́ kɑ́ pɔ́ ndɑꞋ pɔ́Ꞌɔ pɔ́ pɛkŋɛ pɛn ŋ́ɡẅɛɛ sẅiŋɛ-pɑcẅiŋkʉʉ-Sɛ́ yi ɛ́ lɑɑ ḿbɔ́ pɛ́ pɔɔ zúꞋ ḿmʉ́Ꞌlɛ pɔ́. Ɛ́ pɔ́ŋ ŋɡɔ pʉʉ tsuŋ ńzúꞋ yîyɑ́ sẅiŋɛ. Ɛ́ pɑ́Ꞌ lɑ̂m ẅí ɛ́ kyɛꞋnɛ zʉꞋ yi ɛ́ sɛ́ sʉ́ʉnɛ lɑ́. Pʉʉ tsuŋ ḿbɔ́ ńzúꞋ ńdɔk ńzẅíꞋlɛ lɛ́Ꞌ yi Yɛ́su ɡʉ ńdɑ́Ꞌ ḿbɛn ńtɔ́. Pɑ́Ꞌ cʉ̈ɔ́Ꞌ-sɑŋ ẅí ɑ kɔ́Ꞌ, njí ɡɔ́ɔ ŋ́kiɛ. A ɡʉ ńtɔ́ ŋ́kyɛꞋ zʉꞋ mbɔ̌ mɛtʉ́m mʉ́ʉ.

1 Jɑ̂ŋ 2:11

Lɑ́ ŋu ẅí ɑ pɑɑnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ tsɛt nzɛ́nzʉ́ʉ, ɑ nɛn pɔ tsɛt nzɛ́nzʉ́ʉ, ŋ́kɛ́ ḿbɔɔ ḿbɔ́ ńjí zʉꞋ yi ɑ ɡʉnɛ nɛ́ zúꞋu pɔ́, mbíꞋŋɡɔ nzɛ́nzʉ́ʉ kɑ ɡɛ mɔ́ ɑ fʉ.

1 Jɑ̂ŋ 2:8

Tɛ mbɑ pɔ́Ꞌɔ, nɛpʉ́ʉ ni ŋ ŋwɑꞋnɛ́nɛ ŋ́ɡɑ́ mbɔ̌ pʉʉ lɑɑ, ɛ́ pɑ́Ꞌɑ, ŋ́kɛ́ ḿbɔ́ nɛ fí, ɛ́ nɛ fí ńdɛɛ nǔu yúu mi pɛ́ sɛ́ ńjʉ́ɔ nǔu Kɛlístɔ mbɑ nǔu pʉʉ ɡúu. Pʉʉ zɛɛ ńjʉ́ɔ pɑ́Ꞌ nzɛ́nzʉ́ʉ sɛ́ ḿmɛ, lɑ́ mbɔ kwɑꞋ kyɛꞌ zɛ mɔ́ nɛkyɛ́Ꞌ zʉꞋ.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.