2 Kɔlɛ̂ŋtɛ 4:16 - Kɑɑ Fí

¹⁶ Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.

2 Kɔlɛ̂ŋtɛ 4:16 Кръстосани препратки

Lúkɑ́shi 11:3

ḿbɔ́ lɛ́Ꞌ tsʉʉ, ŋ́ɡɑ́ yɛk yúu jʉ́ yi ɛ́ ɡɛ kuꞋ nǔu pɛk lɔ́Ꞌnɛ

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 7:22

Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

2 Kɔlɛ̂ŋtɛ 12:15

Ɛ́ ɡʉ nǔu mɔ, mbɔ ɛ́ pɔŋ wɑ́ɑ pɔŋnɛ nɛɡɑ́ kʉ̈ɔ́ lɑ́ yi ŋ ɡẅɛɛnɛ mbɔ̌ pʉʉ. Mbɔ m bɛn ŋ́ɡɑ́ mbɑ tú yɑ́ɑ mbíꞋ wʉ́ʉ. N dɑɑ ḿbɔ́ ŋ́kẅiꞋ ŋ́kɔŋ wʉ́ʉ pɔ ndɛnnú, yʉ́ʉ kɔŋnɛ nzʉʉ mɔ pɛn cẅɛ́tɛ cẅɛ́tɛ́nɛ ɔ́ɔ?

2 Kɔlɛ̂ŋtɛ 4:1

Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

Ɛ́fɛ̂zɛ 3:16

mɔ sɛ́ ńdɔ́ɔ mbɔ̌ wɛ́ ŋɡɔ ɑ lɔk pɑ́Ꞌ nɛɡúꞋ wɛ ɡú tɛꞋ lɑ́, ḿbɛ́m, ŋ́ɡɛ Zẅikŋɛ yɛ́ ɡɑ́ yʉ́ʉ tʉʉ nɛpɔ́ yi tʉ́m yʉ́ʉ ɡʉ tsuŋ tɛntɛ tɛꞋ.

Ɛ́fɛ̂zɛ 4:23

Ɛ́ pɛn ḿbɔ́ ḿbíkŋɛ nǔu ŋkɔ̂ɔnɛ ŋɡɔ pʉʉ pɛ́m Sɛ́ kúpmɛ mɑt wʉ́ʉ, ɑ tsʉ́Ꞌ wɛ fí, mbɑ kwɑŋɛ yʉ́ʉ tsʉ́Ꞌ wɛ fí.

Kɔlɔsíyɛ̂ŋ 3:10

Pʉʉ pɑ́Ꞌɑ, mbɔ pʉʉ kɑ tíi mɑt-ŋu fí, ḿmɑꞋ mbʉʉ pʉʉ. Ẅîwɑ́ mɑt fú mbɔ̌ Sɛ́. Jʉ́ niitɛ́nɛ ŋɡɔŋ ŋkɑ́ tsʉʉ nɛpɔ́ yi mɑt ɛ̂wɑ́ ɡʉ fí wɛ. Sɛ́ ɡɛ pɔ́Ꞌɔ, nɛpɔ́ yi pʉʉ ɡʉ tsuŋ ńjí wɛ́.

Tîtɛ 3:5

ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.

1 Pyɛ̂ 3:4

Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,