2 Kɔlɛ̂ŋtɛ 4:1 - Kɑɑ Fí

¹ Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

2 Kɔlɛ̂ŋtɛ 4:1 Кръстосани препратки

Lúkɑ́shi 18:1

Yɛ́su sɑk nɛcɔ́ nɛkɛt, ńdɔk ńdɛꞋlɛ mbɔ̌ ɡɑŋku pɛ́ pɑꞋ ɛ́ pɔ́ŋnɛ nɛcɛꞋlɛ Sɛ́ ŋkɑ́ tsʉʉ kɛ́ kɑ́ɑ.

1 Kɔlɛ̂ŋtɛ 3:5

Apɔlɔ́s pɑ́Ꞌɑ ḿbɔ́ wɔ̌? Pɔ̂l pɔ́ wɔ̌? Lɑ pʉʉ cú pɔ́Ꞌɔ? Pɛknɛ́ pɔ́ pɔ pɑfɑꞋ fɑꞋ-Sɛ́ pi pʉʉ kɑ lúꞋnɛ́nɛ wɛ́k lɑ ńzɑ́p tʉ́m nǔu Yɛ́su Kɛlístɔ. Mbɑ wɔ̌ lɑ́ nǔu pɛknɛ́ ɡɛ pɔ yúu mi Tsɑpʉɔ kɑ ɡɑ́nɛ shʉ́ ŋɡɔ ɑ ɡɛ.

1 Kɔlɛ̂ŋtɛ 7:25

Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.

2 Kɔlɛ̂ŋtɛ 3:12

Pɑ́Ꞌ pɛk sɛ́ ńniitɛ ńjí ŋɡɔ mɔnɛ mɛnu nɛ́nẅín lɑ́, pɛk sɑ́ɑnɛ sɑ́ɑnɛ́nɛ ńcú nu nǔu.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

2 Kɔlɛ̂ŋtɛ 4:16

Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.

2 Kɔlɛ̂ŋtɛ 5:18

Mîmɑ́ mɛnu tsʉʉ fú mbɔ̌ Sɛ́ ẅi ɑ kɑ lɔknɛ Kɛlístɔ ḿmik mbuu yí ɛ́ kɑ pɔ́nɛ tsɛtsɛt pɛkŋɛ pɛ jʉ́ Sɛ́, ɑ kɑ pɛn ŋ́ɡɑ́ fɑꞋ mbɔ̌ pɛk, ɛ́ pɔ́ nɛɡʉ ɛ́sẅíi pʉɔ ŋɡɔ shʉ́ nɛmɛk mbuu yí ɛ́ kɑ pɔ́nɛ tsɛtsɛt pɔ́p pɛ́ Sɛ́ ɛ́ cẅɛt.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Ɛ́fɛ̂zɛ 3:13

Pɑ́Ꞌ Sɛ́ kɑ ɡɛ pɔ́Ꞌɔ lɑ́, mɔ sɛ́ ḿbúꞋ mbɔ́ mbɔ̌ pʉʉ ŋɡɔ kɔɔ pʉʉ jʉ́ɔ pɑ́Ꞌ mɔ sɛ́ ńjʉ́ɔ ŋɡʉ̈ɔ́Ꞌ nǔu tú yʉ́ʉ, ŋ́kɑ́ɑ. Yîyɑ́ ŋɡʉ̈ɔ́Ꞌ sɛ́ ńcẅɛ́lɛ wʉ́ʉ, ḿbɔ́ mbɔ̌ pʉʉ ḿbɔ́ pɔ cɔꞋ-nɛfɔɔ.

Filipɛ 4:13

Kɛlístɔ ɡɑ́nɛ wɑ́ɑ nɛ́ mɛtʉʉ, lɑ ŋ kuꞋ nɛɡɛ pɔ́Ꞌɔ.

2 Tɛsɑlɔník 3:13

Ŋ́ɡʉ nǔu pʉʉ, pɔ́ɔpɛ́mɑ́, kɔɔ pʉʉ kɑ́ɑ nɛɡɛ pɔ mɛnu mi ɛ́ pɔŋnɛ.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

Ɛ́bɛlʉʉ 12:3

Pʉʉ zɛɛ ńnɑ́ŋ ŋ́kwɑŋɛ pɔ Yɛ́su, ɡɑŋmɛfɑɑnɛ kɑ pɔ́ ḿbɑɑ wɛ́, ŋ́ɡɑ́ɑnɛ wɛ́, ɑ kɛ́ ɛ́sʉk sʉknɛ. Pʉʉ ɡɛ pɔ́Ꞌɔ ńjí ŋɡɔ tʉ́m yʉ́ʉ kɛ́ pɔ́t pʉʉ kɑ́ɑ pɔ́.

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.