2 Kɔlɛ̂ŋtɛ 3:1 - Kɑɑ Fí

¹ Pɛk cú ńdɔk ḿbɛn ńzɛ zɛnɛ nɛlɛ́Ꞌlɛ ntɛ́ pʉɔ pi pɛk pɛ́tɛ kɛkʉ̈ɔ́? Kɛ ɛ́ sɛ́ ḿbíkŋɛ pɔ ŋɡɔ pɛk cẅɛ́ɛ ŋwɑꞋnɛ yi ɛ́ lɛ́Ꞌlɛ́nɛ pʉɔ pi pɛk pɛ́tɛ́, pɑ́Ꞌ pɛcɔ́ pʉɔ ɡɛnɛ lɑ ńdɔk ńtɔ́ mbi pʉʉ, kɛ pɔ́ nɛcẅɛ́ɛ mbɔ̌ pʉʉ lɑ ńdɔk ŋ́ɡʉ yɛcɔ́ zʉꞋ ɔɔ?

2 Kɔlɛ̂ŋtɛ 3:1 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 18:27

Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

Pʉɔ-Lɔ́mɑ 16:1

N níꞋ mɔ́ɔmɑ́ wɛkŋɛ wɛ mɑŋɡɛ́ ẅi pɛ́ fúŋnɛ wɛ́ ŋɡɔ Fɛ́bɛ mbɔ̌ pʉʉ, ɑ fɑꞋ mɛfɑꞋ tsɛt ndɑ-cúꞋlɛ-pʉɔ-Kɛlístɔ yi ɛ́ tʉ́sɔŋ-Sɛŋkɛlɛ̂.

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 16:3

Mɔ ŋ́ɡɛ ńtɔ́, ńtúu pʉɔ pi pʉʉ tsɔ́Ꞌnɛ, ŋ́ɡɑ́ mɛŋwɑꞋnɛ mbɔ̌ pɔ́p, pɔ́p lɔk ŋ́ɡʉ Yɛlúsɑlɛm ŋ́ɡɑ́ ŋkɑ́p yi pʉʉ cúꞋlɛ́nɛ.

1 Kɔlɛ̂ŋtɛ 3:10

Sɛ́ kɑ ɡɑ́ fuꞋ níinɛ yɑ́ɑ, mɔ nɔŋnɛ cʉ́ndɑ́ pɑ́Ꞌ ŋɡɑŋ-nɛɡwɛlɛ wɛ sʉ́Ꞌnɛ. Ŋ kɑ nɔŋnɛ cʉ́ndɑ́, wɛcɔ́ ŋu sɛ́ ńdɔk fɑꞋ ŋ́ɡʉ mbi. A sɛ́ ŋ́kút ndɑ́ ndǔ. Lɑ́ mbɑ wɔ̌ lɑ́ lɑk tú yɛ́ nǔu ntɛ́ yi ɑ lɔknɛ ŋ́kút ndɑ́ ndǔ.

1 Kɔlɛ̂ŋtɛ 4:15

Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

2 Kɔlɛ̂ŋtɛ 10:12

Ɛ́ ɡʉ nǔu pʉɔ pi pɔ́p shɔtnɛ ńdɛꞋlɛ pʉɔ pi pɔ́p pɛ́tɛ, mbɔ pɛk kɑ́ ɡẅɛɛ sʉk nɛcú ŋɡɔ pɛk pɑ́Ꞌ pɔ́p pɔ́, ḿbɔ́ pɛk pɔɔ lʉŋtɛ ntí wɛ́k nǔu ntɛ́ pʉɔ ɛ̂pɑ́ pɔ́. Tú yɔ́p kɑ́ tʉ́ʉ. Pɔ́p pɛ́ɛ fʉꞋ wɔp pɔ nǔu pɔ́p, ńdʉŋtɛ mɛmbʉʉ mɔ́p tsɛtsɛt pɔ́p.

2 Kɔlɛ̂ŋtɛ 10:18

Ɛ́ lɔk ḿbɔ́ ŋɡɔ ŋu ẅí pɛ́ pɛ́mnɛ nu wɛ́, ɑ kɑ́ pɔ́ ŋu ẅí jʉ́ lɛꞋlɛ́nɛ yúu mi ɛ́ ɡɛnɛ pɔ́. A pɔ́ pɔ ŋu ẅi Tsɑpʉɔ lɛꞋlɛ́nɛ yúu mi ŋɡɑŋ ɡɛnɛ.

2 Kɔlɛ̂ŋtɛ 10:8

Tsɑpʉɔ kɑ zɑ́pnɛ wɛ́k, nɛtʉ́ʉ mbi ńcú nu mbɔ̌ pʉʉ, nɛlɔk ŋ́ɡɛ cúꞋlɛ yʉ́ʉ kẅiꞋ ŋ́ɡʉ pɔ́p nɛ́ mbi, ɛ́ ŋkɑɑ pɔ́ nɛlɔk ńtɑ́k pɔ́. Ɛ́ lɑɑ ńzɛɛ ḿbɔ́ yi mɔ sɛ́ ńdɔk ẅîwɑ́ nɛpɔ́ ŋ́kɑꞋmɛ tɛ ɛ́ lɛɛ, mbɔ ɛ́ lɑɑ ḿbɔ́ sʉ́ʉ pɔɔ wɑ́ɑ kɔ́.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.

2 Kɔlɛ̂ŋtɛ 12:19

Líkcɔ́, mbɔ pʉʉ ńdɑ́Ꞌmɔ́ ńzɛ nɛkwɑŋɛ ŋɡɔ pɛk sɛ́ ńdɔɔ nɛzɔŋ tú yɛ́k mbɔ̌ pʉʉ. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Pɛk ɡɔ́ ńcú nu, ɛ́ pɔ́ pɔ nǔu ntɛ́ yi Kɛlístɔ sɛ́ ŋ́kɔŋ, pɛk pɛn ńtʉ́ʉ pɔ mbi Sɛ́ lɑ ńcú. Pɔ́ɔpɛ́mɑ́ pɑ́ɑ pɛ́ tʉʉndɛn, pɛk ɡɔ́ ńcú pɔ́Ꞌɔ, ɛ́ pɔ́ pɔ nɛlɔk ŋ́ɡɛ, pʉʉ kẅiꞋ ńzɑ́p tʉ́m yʉ́ʉ nǔu Sɛ́.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

2 Kɔlɛ̂ŋtɛ 5:12

Pɛk kɑ́ pɔ́ pɑ́Ꞌɑ lɑ ḿbɛn ḿbɔ́ ńdɔɔ nɛsẅíi wʉ́ʉ nɛ́ pʉɔ pi pɛk pɛ́tɛ́ pɔ́, pɛk ɡɑ́ wʉ́ʉ pɔ nɛ́ shʉ́ pɑ́Ꞌ ḿbɔ́ pʉʉ kwɑŋɛ wɛ́k, nu yɛ́k pɔŋ wʉ́ʉ pɔŋnɛ. Ɛ́ lɛɛ pɔ́Ꞌɔ, pʉʉ jí nɛtsɔ́Ꞌ nu mbɔ̌ pʉɔ pi pɔ́p sɛ́ ńdɔk yúu mi ɛ́ pɔ́ pɔ nzɛmpíi ŋ́ŋɑ́Ꞌlɛ, lɑ́ mbɔ pɔ́p ḿbɔ́ ŋ́ɡʉ ńdɔk pɔ mi ɛ́ pɔ́ pɔ tsɛt tʉ́m pɔ́p ŋ́ŋɑ́Ꞌlɛ.