2 Kɔlɛ̂ŋtɛ 2:9 - Kɑɑ Fí

⁹ Pʉʉ jí ŋɡɔ ŋ kɑ pɛn ŋ́ɡɔ ŋ́ŋwɑꞋnɛ ŋwɑꞋnɛ mbɔ̌ pʉʉ ḿbɔ́ ńdɔɔ nɛkwɑꞋnɛ wʉ́ʉ ńjʉ́ɔ, kɛ pʉʉ kuꞋ nɛzúꞋ ntsu nǔu mɛnu tsʉʉ ɔɔ.

2 Kɔlɛ̂ŋtɛ 2:9 Кръстосани препратки

2 Kɔlɛ̂ŋtɛ 10:6

Pɔ́Ꞌɔ lɑ́, pʉʉ sɑ́Ꞌ tʉʉ, ńtsʉ́Ꞌ ńzúꞋ pɔ ndɑꞋ ntsu-Kɛlístɔ nǔu kʉ̈ɔ́ lɑ́, ḿbɔ́ ńjí ŋɡɔ ŋu lɑɑ ŋ́kɛ́ ńtʉʉ tú tʉʉnɛ, ḿbɔ́ pɔ wɔ̌ lɑ́, mbɔ pɛk tʉ́ʉ nɛníꞋ ŋɡʉ̈ɔ́Ꞌ tú yɛ́.

2 Kɔlɛ̂ŋtɛ 2:3

Ɛ́ yúu mi ɛ́ kɑ ɡɛnɛ ŋ ŋwɑꞋnɛ pɔ ŋwɑꞋnɛ ŋ́ɡɑ́ mbɔ̌ pʉʉ, nǔu ntɛ́ yi ŋ kɑ ŋwɑꞋnɛ́nɛ lɑ́, mɔ ŋ́kɑɑ ḿbɔ́ ŋ́kɔŋ nɛɡɔ́ ńtɔ́ lɑ́Ꞌ pʉʉ, ńjʉ́ɔ pʉɔ pɔ́p ɡɛ ŋ ɡẅɛɛ nɛmʉk lɑ́ mbɔ pɔ́p ḿbɔ́ ŋ́ɡʉ ŋ́ɡɛ tʉ́m yɑ́ɑ tsɑ́ɑtɛ tsɑ́ɑtɛ́nɛ pɔ́. Mɔ sɛ́ ńjí sʉ́Ꞌnɛ ŋɡɔ n dɑɑ ḿbɔ́ ńtsɑ́ɑtɛ, mbɔ pʉʉ ɡʉ ńtsɑ́ɑtɛ yʉ́ʉ.

2 Kɔlɛ̂ŋtɛ 2:4

Ŋ kɑ pɔ́ ŋ́ŋwɑꞋnɛ ŋwɑꞋnɛ ɛ̂yɑ́, ńdɔk pɔ ŋki-mík, tʉ́m yɑ́ɑ pɔ́ ńzɑ́ŋ tɛꞋ, mbʉʉ yɑɑ pɔ́ ńcitɛ, lɑ́ mɔ ŋ́kɑɑ ŋ́kɛ́ ḿbɔ́ ŋ́ŋwɑꞋnɛ ńdɔk ŋ́ɡɛ ŋɡɔ pʉʉ mʉk pɔ́. Ŋ kɑ pɔ́ ŋ́ŋwɑꞋnɛ pɔ́Ꞌɔ, pɔ nɛlɔk ńnyɛt wʉ́ʉ nɛ mɑ́mɑ́ ŋkɔŋɛ yi ŋ ɡẅɛɛnɛ nzʉʉ pʉʉ.

2 Kɔlɛ̂ŋtɛ 2:8

Pɔ́Ꞌɔ lɑ́, mɔ sɛ́ ńtsɑ́ɑ ŋɡɔ pʉʉ ɡɛ nǔu ntɛ́ yi ɑ ɡʉ ńjí ŋɡɔ pʉʉ pɛ́t ŋ́kɔŋ wɛ́ kɔŋnɛ.

2 Kɔlɛ̂ŋtɛ 8:2

Ŋɡʉ̈ɔ́Ꞌ mɛntɛ́ mɛntɛ́ sɛ́ ŋ́kúu pʉɔ-Kɛlístɔ zúꞋu lɑ́, tʉ́m yɔ́p pɔ́ ńtsɑ́ɑtɛ tsɑ́ɑtɛ́nɛ tɛꞋ. Pɔ́p zɛɛ ḿbɔ́ pɔ pɛpúŋ tɛꞋ lɑ́, ŋ́ɡẅɛɛ tʉ́m sʉ́Ꞌnɛ nɛɡɑ́ yúu tɛ ɛ́ zɑ́ɑ zɑ́ɑnɛ.

2 Kɔlɛ̂ŋtɛ 8:24

Pɔ́p pɛ́pɔ́p lɑɑ ńtɔ́, pʉʉ ɡɛ tɛ pɔ́p jí ŋɡɔ pʉʉ sɛ́ ŋ́kɔŋ wɔ́p tɛ ɛ́sẅíi nu. MɛcúꞋlɛ-pʉɔ-Kɛlístɔ ɡɔ́ɔ ŋ́kɛ́ ńjí ŋɡɔ pɛk lɔk nu yʉ́ʉ ŋ́kɑꞋtɛ mbi pɔ́p pɑꞋnɛ tɛ ɛ́sẅíi nu.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

2 Tɛsɑlɔník 3:14

Ŋu lʉꞋ nɛzúꞋ nu yi pɛk cúnɛ tsɛt yɔ ŋwɑꞋnɛ lɑɑ, pʉʉ líŋɛ wɛ́ sʉ́Ꞌnɛ. Kɔɔ pʉʉ pɛpɔ́p pɛn ńtɛm nu, ńjí ŋɡɔ sʉ́ʉ ɡʉ ŋ́kɔ́ wɛ́.

Filɛmɔ̂ŋ 1:21

N dɔk pɔ pɑ́Ꞌ ɔ ŋu ńzúꞋ nu lɑ ŋ́ŋwɑꞋnɛ yɔ ŋwɑꞋnɛ. Mɔ sɛ́ ńjí ŋɡɔ ɔ ɡʉ ŋ́ɡɛ yúu mi mɔ sɛ́ ḿbíkŋɛ mbɔ̌ ɡu tɛ ńdɛɛ pɔ́Ꞌɔ.