2 Kɔlɛ̂ŋtɛ 2:7 - Kɑɑ Fí

⁷ Lɑ́ ɛ́ sɛ́ ḿbíkŋɛ ŋkɔ̂ɔnɛ pɔ ŋɡɔ pʉʉ likŋɛ ŋ́ɡɑ́ mbɔ̌ wɛ́, ńtɔ́ɔtɛ wɛ́, ḿbɔ́k pɑ́Ꞌ ɛ́ lɑɑ ḿbɔ́ ɑ mʉk sɛ́sʉ́ʉ, ŋ́kɑ́ɑ.

2 Kɔlɛ̂ŋtɛ 2:7 Кръстосани препратки

1 Kɔlɛ̂ŋtɛ 15:54

Ɛ́ ɡʉ ńdɑ́Ꞌ ḿbɔ́ tɛ yɔ mbʉʉ yi ɛ́ pfúnɛ ńdʉ̈ɔ́ lɑɑ, shɔtnɛ ńtsʉ́Ꞌ yi ɛ́ kɛ́ pɛn ḿpfú pɔ́, ŋ́kɛ́ ḿbɔɔ pɛn ńdʉ̈ɔ́ pɔ́, sẅiŋɛ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ lɔk ḿbuutɛ. Pɛ́ kɑ ŋwɑꞋnɛ ŋɡɔ, nɛvú kɑ́ pɛn ḿbɔ́ ɡú pɔ́, pɛ́ mɑꞋ wɛ́ tɛ ńjʉ́ wɛ́.

2 Kɔlɛ̂ŋtɛ 2:8

Pɔ́Ꞌɔ lɑ́, mɔ sɛ́ ńtsɑ́ɑ ŋɡɔ pʉʉ ɡɛ nǔu ntɛ́ yi ɑ ɡʉ ńjí ŋɡɔ pʉʉ pɛ́t ŋ́kɔŋ wɛ́ kɔŋnɛ.

2 Kɔlɛ̂ŋtɛ 5:4

mbíꞋŋɡɔ ɛ́ ŋkɑ́ yi pɛkŋɛ pɛ́tnɛ tsɛt wɔ ntɑp, mɛnu pɔ́ fyɛ́t wɛkŋɛ, pɛkŋɛ lɑɑ. Ɛ́ nɛ́nẅín ŋɡɔ pɛkŋɛ kɑ pɔ́ ŋ́kɔŋ ŋɡɔ pɛ́ fú nǔu pɛkŋɛ ńcẅɛɛtɛ yɔ mbʉʉ, pɛkŋɛ lɔɔ nɛmɑꞋ ndẅí yɛ tʉ́nɛ́pú nǔu, nɛpɔ́ yi mbʉʉ yi ɛ́ kɑ́ pfú ɡʉ mi mbʉʉ yi ɛ́ ɡẅɛɛnɛ nɛpfú.

2 Kɔlɛ̂ŋtɛ 7:10

mbíꞋŋɡɔ nɛmʉk nǔu ntɛ́ yi Sɛ́ sɛ́ ŋ́kɔŋ, ɛ́ ɡɛ ŋu kúpmɛ mɑt. Ẅîwɑ́ nɛkúpmɛ mɑt ɡɛ ŋu luk, tɛ ḿbɔ́ nu pɔɔ pʉ́k wɛ́ pɑ́Ꞌ ɑ mʉknɛ pɔ́. Lɑ́ nɛmʉk nǔu ntɛ́ yɛ́ pʉɔ-ndǔmbí, ɛ́ ɡɑ́ pɔ nɛvú.

Ɛ́fɛ̂zɛ 4:32

ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.

Filipɛ 2:27

Gɔɔ ɛ̂yɑ́ kɑ pɔ́ ɡú tɛꞋ, tɛ ɛ́ kɑ tsʉ́Ꞌ mɔ́zʉꞋ ɑ pfú. Lɑ́ Sɛ́ tsɑ́ɑ mɛjʉ́ŋ mɛ́, ḿbɛn ńtsɑ́ɑ mbɑ mɑ́ɑ ŋɡɔ kɔɔ mɔ pɔ́ tsɛt ŋɡʉ̈ɔ́Ꞌ, ḿbɛn ńtíi yɛcɔ́.

Kɔlɔsíyɛ̂ŋ 3:13

Pʉʉ ɡẅɛɛ sʉk tʉ́m tsɛtsɛt pʉʉ, ŋu wʉ́ʉ lɑɑ fɑɑnɛ nu pʉʉ likŋɛ ŋ́ɡɑ́ mbɔ̌ wɛ́, ńdikŋɛ mɛfɑɑnɛ mʉ́ʉ tsɛtsɛt pʉʉ nɛ́ pʉʉ, pɑ́Ꞌ Tsɑpʉɔ kɑ likŋɛ́nɛ mɛfɑɑnɛ mʉ́ʉ ɡúu lɑ́.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.