2 Kɔlɛ̂ŋtɛ 2:12 - Kɑɑ Fí

¹² Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

2 Kɔlɛ̂ŋtɛ 2:12 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 16:11

Pɛk kúu mɑ́mɑ́ kɑnúꞋ tʉ́sɔŋ-Tɔ̂lɑ́s, ŋ́ɡʉ pɔ ndʉ́ŋndʉŋ tɛ ŋ́kúu tsɛt yɛcɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, pɛ́ fúŋ nɛ́ Sɑmɔtɛ́lɑs. Njí kiɛ pɛk pɛn ńdɔk pɔ kɑnúꞋ ŋ́ɡʉ nɛ́ tʉ́sɔŋ-Nɛ́ɑpɔlís,

ŊwɑꞋnɛ-Gɑŋntúu Yɛ́su Kɛlístɔ 16:8

Pɔ́Ꞌɔ, tɛ pɔ́p tsʉ́Ꞌ ńjɛ́Ꞌ Misii jɛ́Ꞌnɛ, ńcúŋ ŋ́ɡʉ nɛ́ tʉ́sɔŋ-Tɔ̂lɑ́s.

ŊwɑꞋnɛ-Gɑŋntúu Yɛ́su Kɛlístɔ 20:8

Pɛk pɔ́ pɔ́Ꞌɔ, mbɔ pɛk cúꞋlɛ tsɛt lûmndɑ́ ẅi ɛ́ ndǔ ndɛ̂k wɛ tʉ́. Mbɔ pɛ́ lyɛt mɛkyɛꞋ ńtíktɛ ndɑ́ tɛ ɛ́ zɑ́ɑ zɑ́ɑnɛ.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

1 Kɔlɛ̂ŋtɛ 16:9

mbíꞋŋɡɔ wɛcɔ́ sɛ̂ndúŋ ńtsɔ́Ꞌnɛ mbɔ̌ mɔ zɑꞋnɛ nɛlɔɔ fɑꞋ yi ɛ́ ɡʉ cẅɛ́lɛ́ tɛꞋ. Tɛ mbɑ pɑ́Ꞌ pɑlʉꞋ nu yi n cúnɛ zɑ́ɑ tɛꞋ lɑ́.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:14

Ɛ́ ndʉ́ŋndʉŋ pɑ́Ꞌ Tsɑpʉɔ kɑ zɑ́pnɛ ŋɡɔ pʉɔ pi pɔ́p sɛ́ ńcẅi Ŋkʉʉ Sʉ́Ꞌnɛ, pɔ́p ɡʉ ḿbɔ́ ńjʉ́ yúu mi ɛ́ fúnɛ nǔu fɑꞋ-nɛcẅi Ŋkʉʉ Sʉ́Ꞌnɛ.

1 Kɔlɛ̂ŋtɛ 9:16

Ɛ́ mbɔ̌ mɔ, nɛcẅi Ŋkʉʉ Sʉ́Ꞌnɛ, pɔɔ pɔ́ pɔ yɛcɔ́ yúu nɛlɔk ŋ́ŋɑ́Ꞌtɛ pɔ́. Ɛ́ pɔ́ pɔ yúu mi ŋ kɛ́ ŋ́ɡẅɛɛ pɔ nɛɡɛ. N dɑɑ ńdʉꞋ nɛcẅi Ŋkʉʉ Sʉ́Ꞌnɛ, mbɔ n tíi ndɔɔ.

2 Kɔlɛ̂ŋtɛ 10:14

Pɛk kɑ́ pɔ́ ŋ́ɡʉ ńjɛ́Ꞌ ndẅiklɛ-fɑꞋ yɛ́k pɔ́ pɑ́Ꞌ ŋkɑ́ yi pɛk ŋ́kɑɑ zɛɛ ŋ́ɡʉ tɛ ŋ́kúu lɑ́Ꞌ pʉʉ pɔ́ pɔ́. Pɛk wɔnɛ kɑ piitɛnɛ mbi ńdɔk Ŋkʉʉ sʉ́Ꞌnɛ-Kɛlístɔ ńtɔ́ lɑ́Ꞌ pʉʉ.

2 Kɔlɛ̂ŋtɛ 11:4

N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.

2 Kɔlɛ̂ŋtɛ 11:7

Ŋ kɑ ɡɔ́ ńcẅi Ŋkʉʉ Sʉ́Ꞌnɛ-Sɛ́ mbɔ̌ pʉʉ, ńcẅi pɔ níinɛ. Ŋ́kɔk mbʉʉ yɑɑ ŋ́ɡɑ́ sɛ́, nɛlɔk ŋ́kɑꞋ pɔ́ yʉ́ʉ ŋ́ɡɑ́ tʉ́ pɛ́Ꞌnɛ ɛ́ lɔk ḿbɔ́ pɔ yɛcɔ́ lɔ́Ꞌ kɛkʉ̈ɔ́?

2 Kɔlɛ̂ŋtɛ 4:3

Ɛ́ lɑɑ ḿbɛn ḿbɔ́ yi Ŋkʉʉ Sʉ́Ꞌnɛ ẅi pɛk cẅinɛ, ɛ́ mbɔ̌ pɛcɔ́ pʉɔ ḿbɛ́t pɔ tsɛt ŋkwɑ́, mbɔ ŋkwɑ́ pɔ́ pɔ́Ꞌɔ, pɔ mbɔ̌ pʉɔ pi pɔ́p sɛ́ ŋ́kʉɔ Sɛ́, lɑ́ ŋ́ɡɛ ḿbɛ́ pɛ́nɛ,

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 8:18

Pɛk túu wɔ́p wɛcɔ́ mɔ́ɔmɑ́ wɛkŋɛ. A pɔ́ ẅi mɛcúꞋlɛ-pʉɔ-Kɛlístɔ tsʉʉ ɡɛnɛ mɛkuꞋ mɛ́ tɛꞋ, ɛ́fú nǔu yɛ́ ntɛ́ nɛníꞋ tú nǔu Ŋkʉʉ Sʉ́Ꞌnɛ.

2 Kɔlɛ̂ŋtɛ 9:13

Pɔ́p ɡʉ ńjí ndɛn yɔ fɑꞋ, ŋ́ɡúꞋlɛ Sɛ́ nǔu pɑ́Ꞌ pʉʉ sɛ́ ńtík ku nǔu nu yi Ŋkʉʉ Sʉ́Ꞌnɛ-Kɛlístɔ sɛ́ ńcú. Pɔ́p ɡʉ ḿbɛn ŋ́ɡúꞋlɛ Sɛ́ nǔu pɑ́Ꞌ pʉʉ lɔknɛ pɔŋtʉ́m, ŋ́ɡɑ́ yúu mbɔ̌ pɔ́p tɛ mbɑ pɛcɔ́ pʉɔ.

Kɔlɔsíyɛ̂ŋ 4:3

ḿbɛn ḿbɔ́ ḿbúꞋ mbɔ́ mbɔ̌ Sɛ́ nǔu yɛ́k tú, nǔu ntɛ́ yi pɛk ńdɔk ɛ́sẅíi nu yɛ́. Ɛ́ fu pɔ́Ꞌɔ, ŋ kyɛ́Ꞌtɛ nu-Kɛlístɔ yi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, mɔ ndɑ́tsɑ́ŋ pɑ́Ꞌɑ mbíꞋ pɔ yɛ́tɛ́.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,