2 Kɔlɛ̂ŋtɛ 2:1 - Kɑɑ Fí

¹ Pʉʉ zúꞋ yúu mi ɛ́ kɑ ɡɛnɛ n jʉ́ɔ ŋɡɔ ŋ kɛ́ pɛn ḿbɛn lɑ́Ꞌ pʉʉ, ŋ́ɡɛ pʉʉ pɛn ḿmʉk pɔ́,

2 Kɔlɛ̂ŋtɛ 2:1 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 11:29

Aɡɑbus cú pɑ́Ꞌɑ, pʉɔ-Kɛlístɔ pɔ́ yɛcɔ́ lɛ́Ꞌ ńzɑ́p ŋɡɔ mbɑ wɔ̌ lɑ́ ɡɑ́ yɛ́ yúu mi ɑ kuꞋnɛ nǔu, pɛ́ túu, ńdɔk ńcẅɛ́lɛ́ pɔ́ɔpɛ́mɑ́ pi pɔ́p tswɛ́nɛ tsɛt pɑk-ŋɡɔŋ-Judɛ̂.

ŊwɑꞋnɛ-Gɑŋntúu Yɛ́su Kɛlístɔ 15:2

Pɔ̂l pɔ́p Pɑnɛpɑ́ɑshi lʉꞋ. Pɔ́p pɛ́ pɔ́p zɛ ńzɔŋ, ŋ́kɛ́ mbɔɔ pɔ́ tɑ́Ꞌ ntsu pɔ́. Ɛ́ lɛɛ wɔ́p tɛ pɔ́p ɡɑɑpɛ tsɛtsɛt, pɔ́p tsʉʉ zɑ́p ŋɡɔ, ɛ́ lɑɑ ḿbɔ́ Pɔ̂l pɔ́p Pɑnɛpɑ́ɑshi, ŋ́ɡɛ pɛcɔ́ ntɑ́Ꞌpʉɔ ɡʉ Yɛlúsɑlɛm, ńjʉ́ɔ pɑpɛ́m Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ nɛpɔ́ yi pɔ́p pɛ́ pɔ́p ɡʉ ɛ́sɑ́ŋ nu ŋ́ɡɑ́ nǔu.

ŊwɑꞋnɛ-Gɑŋntúu Yɛ́su Kɛlístɔ 15:37

Ŋ́ɡɔ́ ḿbɔ́ mbɔ Pɑnɛpɑ́ɑshi ḿbɔ́ ŋ́kɔŋ ŋɡɔ pɔ́pmɛ lɔk Jɑ̂ŋ ẅí pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi lɑ́ ŋ́ɡʉ.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

1 Kɔlɛ̂ŋtɛ 4:21

Pʉʉ ɡʉ nǔu mɛnu mɔnɛ mɛmbɑ́ ŋ́kɑŋ yʉ́ʉ. Pʉʉ tsɑ́ɑ ŋɡɔ ŋ ɡɔ́ ńtɔ́ tsɛtsɛt pʉʉ ŋ́ɡẅɛɛ pɔ ŋɡwɑɑ kɛ ŋ ɡɔ ńtɔ́ tʉ́m wɑ́ɑ pɔ́ ḿbɔŋ pɔŋnɛ, m bɔ́ ŋ́kɔŋ wʉ́ʉ kɔŋnɛ?

1 Kɔlɛ̂ŋtɛ 5:3

Pʉʉ kɑ́ pɔ́ ńjʉ́ɔ wɑ́ɑ nɛ́ mík tsɛtsɛt pʉʉ pɔ́. Lɑ́ ɛ́ lɛɛ nǔu tɑ́Ꞌ ntsu wɛkŋɛ m bɔ́ pɔ tsɛtsɛt pʉʉ. Ɛ́ ɡʉ nǔu mɔ, mbɔ mɔ ndɑ́Ꞌ mɔ́ ŋ́ŋɑk ŋu ẅí ɑ kɑ ɡɛnɛ yîyɑ́ nu pɔ pɑ́Ꞌ ŋkɑ́ yi ŋ kɑ pɔ́ pɔ sɛ́ tsɛtsɛt pʉʉ lɑ ńzɑ́p ŋɡɔ:

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 2:4

Ŋ kɑ pɔ́ ŋ́ŋwɑꞋnɛ ŋwɑꞋnɛ ɛ̂yɑ́, ńdɔk pɔ ŋki-mík, tʉ́m yɑ́ɑ pɔ́ ńzɑ́ŋ tɛꞋ, mbʉʉ yɑɑ pɔ́ ńcitɛ, lɑ́ mɔ ŋ́kɑɑ ŋ́kɛ́ ḿbɔ́ ŋ́ŋwɑꞋnɛ ńdɔk ŋ́ɡɛ ŋɡɔ pʉʉ mʉk pɔ́. Ŋ kɑ pɔ́ ŋ́ŋwɑꞋnɛ pɔ́Ꞌɔ, pɔ nɛlɔk ńnyɛt wʉ́ʉ nɛ mɑ́mɑ́ ŋkɔŋɛ yi ŋ ɡẅɛɛnɛ nzʉʉ pʉʉ.

Tîtɛ 3:12

N dɑɑ ńtúu Altɛmîs kɛ pɔ Tishik ɔɔ mbɔ̌ ɡu, ɔ sɑ́Ꞌ tʉʉ tɛ ńtɔ́ ŋ́kẅɛ́ɛtɛ wɑ́ɑ tʉ́sɔŋ-Nikɔpɔlɔs. Ɛ́ zʉꞋ yi ŋ kɑ zɑ́pnɛ ŋɡɔ ŋ ɡʉ ńnɑ́ŋ zúꞋu nǔu ŋkɑ́-fɑ́k ɡwɛ́.